sen ie ënghe la lia da mont gherdëina da abiné te internet!
sun chesta plata iel da abiné de uni sort de nformazions sun la lia da mont: mpue de storia, l cunsëi, l program atuel, l ativiteies y relazions sun jites y manifestazions desvalives.
l blog dessa vester dantaldut na plataforma per duc chei che va gën da mont su. liejede baiter…
net doss es hoasst man schreib lei wenn eppas zu schimpfn isch 
seit somstig isch in gredn a so richitg der summer eingekehrt und so schnell loss mer den a nimmer gian.
außer doss i jedn tog mit a poor (und es sein grod a poor) muckenstiche auwoch und schun in erschtn sunnenbrond hinter mi hon (jo, i lerns holt nia), geniaß mer doss men im gortn obend essn, die longen toge so richtig bis zur leschtn minute ausnutzen und endlich es ummerzeig unlegn konn.
es wochenend konn men jetzt so richitg planen, und a die erschte grillfete sollat net long af sich wortn lossn…
noch 2 wochen dauer-fuassboll (i hon foscht koan spiel ausglossn) hon i donn decht a wian genua ghob vun 22 mander de an lederboll nochlafn. also hon i am freitg afs spiel russlond gegen türkei gerne verzichtet und hon an reinen frauenobend ungsog.
programm: sex & the city – the movie.
also, i konn den film olln „sex & the city“ fans lei wärmstens empfehlen. hon mer selber net viel drwortet, ober wor sehr positiv überroscht.
ober bitte lossts enkre freinde/männer drhoam. der film ghert sich mit enkren bestn freindinnen ungschaug. do mochts enk und enkren männer an gfollen…
… und lei guat doss mer die guate laune no net vergongen isch pa dem regenwetter.
i behaupt jetzt amol gonz frech doss insre liebn wettefrösche in urlaub gian sollatn, weil drroten tian de im moment eh net viel und desholb isch eh kaon verloss.
nochn super april und mai hon i wirklich ghofft, doss der juni mitn meteorologischn summeronfong sich zumindest unfühlt wia frühling. ober do losst sich huier wohl net viel mochen.
heint in der friah worns afn grednerjoch 0 grad, ober zumindest hot bis 10e die sunne gschienen.
jezt tuats… endlich regnen! wor a höchste zeit 
des wars schun es ideale wetter sich vorm pc zu huckn und eppas netts zu drzehln, ober es gib holt im moment a net viel zu berichtn…
vun der faußboll EM hert men im fernsehen und radio eh schun genua zumindest isch für sell es regenwetter net zu schode. und so woass men zumidest wia die regenobende verbringen.
i hon mer schun gedenkt doss meine formkurve steil richtung boden sink. zum glück holtn mi meine morgendlichen laufrunden a wian fit. wenns nomittog net tuat, doss muass men lei friah aus die federn und inni in die laufschuach. hon grod gestern gmerkt doss i afn radl a net gonz letz banond bin, oder doch???
julia
wer hot wos gsog