im herbst kreag i olm bsunders luscht zu klettern, überhaupt pa so an wetter wie huier im september.
also hon i an tog gonz spontan in helmut ungleitet und gfrog ob er net in die negschtn tog amol zeit hat mit wieder amol af an gipfl zu führn. und des hot a glei amol gekloppt. 2 tog drau (11.09.08) wor im zu mittog afn gipf der groaßn fermeda. longkofl, vaiolet und santner hommer in die leschtn johr schun zusommen bezwungen. also hot der helmut vorgschlogn er bring mi desmol af irgend an gipfl pa MIR drhoam.
der tog wor wia im summer, so worm. leit worn koane ummer, und so hommer die fermeda gonz für ins ghob.

gestern wor i donn no amol mit der lia da mont af die geisler.
desmol hon i mitn dieter und meiner schwester die dibona kante afn sass de mesdì gmocht. schiane tour. für mi genau richtig.
der tog wor genauso schian, a wenn ziemlich frischer. ober umso schianer wor die aussicht de men gestern vun do obn ghob hot.
die luscht zum klettern steig wieder und i hon mer fescht vorgnummen:
1. an kletterkus zu bsuachn
2. regelmäßig in die kletterhalle zu gian
3. meine orm- u rückensmuskulatur deitlich zu stärkn

drnoch seimer no olle (im gonzen wormer 17 leit de af vershiedene gipfl aui sein) pa der troier hütte zuagekhert, wo die sybille a essn bstellt hot, und hobn in super tog ausklingn lossn.

… so long doss es schun dunkl wor bol mer oigstartet sein…