memorial karl unterkricher

 inier, sada 28.03 se á tenì la gara memorial karl unterkricher.

urganiseda ie chesta gara dla pevesa unida dai judacrëp catores y l aiut alpin dolomites, adum cun la hutia pramulin.

la gara udova dant n percors che piova via dala hutia pramulin per jì su per la val da la salieries sun la frucela dla gran porta, y dai plans de ncisles su sun col dala pieres, ju per la furcela dla pizes per rué de reviers pra hutia, n deslivel de ben 1.940 metri.

muessi dì che me l ei ben penseda mpuech dan me scrì it, ënghe ajache cun tanc che ei rujná, fovel belau duc che me dijova che la ti sa massa ria/longia per fe pea… a mi fajovela ben gola y ala fin ie kate stata chela che me á convinto de me scrí it per la gara, y nia per la tour turistica.

ala fin fovel nteur 150 scric it (danter chisch enghe silke, la fena de karl), la majera pert ben per la gara, jënt da dlonch caprò, iust de gherdëina l manco…

cun l temp ne ala nia dre butá, bel da la 6 daduman ie tumei i prim floc. ma l ie mpò nia stat tan burt coche l fova udù dan ora, che n á almanco pudù fe n toch de la gara, nchin sula furcela dla roa.

canche ei audì che la gara ie stata scurteda (on abù la nformazion mes’ëura do vester piei via), ma savova ben mpue sciot, ajache me essa sapu bel a fe duta la raida. ma canche dò la furcela sons pieda juvier de viers dl travert y passeda al segondo pont de control, me savova pa niancano tan sciot che ne ovi nia debujen de me tre sëura mo n iëde la peves y pie inò suvier

meré fe puecia raides juvier y sparanie la giames (che fova bel finedes) fova mi pensier. y la tattica de jì bel plan suvier per furné pona debota juvierm, me à ala fin mo fat davanie almanco n valgun posc’…
do 2.45 h sons passeda l travert, plateda ma cuntenta de avëi fat pea.

pra hutia nes aspitova n bon taier de pasta, n toch de strudl y zech da se paré la gran seit. sciot che l ne fova nia n tel bel domesdí coche la sada passeda. nscila univela te hutia mpué strenta y chiche á messu maië dedora ne ova nia de bon. ma almanco n doi sunadëures che fajova mpue de stimmung… 

nchina che duc ie ruei tl travert ala durà mpez, y ntant ie stat anjinià ca dut per la premiazion y la lotteria, che udova dant de uni sort de pesc’  per belau duc i partezipanc. 

n cumpliment a kate, che se á plazà terza, a puech do la segonda.

daldò univel mo fat mpue de festa y i judacrëp à inò n iede desmustrá che ënghe ilò iesi tei dal flà lonch…

n cumpliment ai urganisadeures per la gara dret garateda y l bel dì memorial karl unterkircher.

jonti pro tlo la tlassifica:

ëiles

 

ëi 1-2

       

furfejidles private party on seceda

do che ntan dut l nviern iel stat tizà,  sons n mierculdì stac nviei da bruna su te si hutia sun seceda.

bruna, tamara y mo n valguna dla furfejidles ie bel jites su domesdi per sciaudé it la hutia, purté su l proviant y anjinië ca na bona cëina.

da mesa la 7 sons pona piei via duc – o belau duc (certa furfejidles à inò teut su l viz de pie via 10 menuc dant) – da col raiser, per jì it de viers de ncisles y puech dan la hutia fermeda raidei a man dreta per crí la fiaccoles metudes su dan la hutia de bruna.

sainsom nes aspitova bel la furfejidels plu diligentes cun n apertitivo da fe na prima viva y mpue de ciajuel. ntant cujova bel la pasta, che ti à a duc dret plaju y ënghe la salata se n ie stata te puech temp. nosc ëi ova pensá al vin y al pier. per dessert ne pudova samben nia mancé l strudl (a leo ) y tamara zaubernova for inò ca vel ciculata o gulesaria…

thomas à acurdà la chitarra, che tacova dessegur bel da n pez sun mur, y l ne à nia durà giut a unì su mpue de stimmung.
vel una furfejidla à puchená ora dut si repertoir de cianties, ënghe sce da vel una ne sons nia ruei plu lonc dl ritornello . vel auter ciantarin ne ulova nia desmustré si bravura, ënghe sce l fos ben stat debujen de mpue de support professionel…

ntan cëina al scumenciá a nevei y canche son piei ju zeruch, nes aspitova n 5 cm de nëif frescia. nteressant fovel dantaldut per duc chei che chest’iede ne se ova nia teut pea i udleis (y de chei fans chest’iede grum!), ma son duc ruvei de reveirs san y nton y ënghe bruna se à recurdà de zaré mpue dan l post dai auti.

de gra a bruna per l nvit y l lëur che la se á teut su!
de gra a duc chei che a judà pea a fe garaté chesta blota sëira.

 

 ps: fotos online ti prosimi dis…

prima minitour dla furfejidles….

povester fovel ajache chest’ena ons spustá al merdi o povester ie vel un verso la fin da saison bel stuf… ma la grupa dla furfejidels che ie jita n merdì sun mont sëura fova bendebo minseda…

on fat na per gran pert de neus furfejidles nueva „tour“ da pana sun mont sëura pra crëusc.
rungghi jiva dan’ora cun de gran vares y l president (dessegur dopà ) ie stat bon de ti ste do belau nfin sainsom. GRATULIERE!!!

a mi vedla peves ne ti scusova pa nia dre chel les straciovi su per la cresta l ultimo toch. cla fueres stranes tla neif da uni var ne ti scusova pa nia dre… per fertuna ova mac pea na peva de riserva, scenò fossi ie for mo su per cl ultimo ert a cumbater

cula huties cialovela ora mpue stleta, perchel sons tlamei sal villa sella a cëina. 

ala fin dla sëira on pudù/messù cunstaté 2 robes:
1. che l da ëi avisa tan mbranei a furné cul auto coche eiles
2. ne stajede a dessené leo canche l avisa…