kroftbündel

„fräulein, sie sein so a richtiges kroftbündel“, des wor der erste kommentar des ortzes dr. stefan resnyak noch der drurchführung des  tests zur leistungsdiagnostischn traininigskontrolle.

für de wos koan ohnung hon, des isch – gonz salopp ausgedruckt – a test, den men unter onstrengung afn ergometer oder lafbond druchfühft und jede 3 minutn werd die intensität gsteigert und werte wia der blutdruck, die herzfrequenz und der lactatwert gmessn.  getretn bzw. pedaliert wert (foscht) bis zum umfolln.

es resultat isch a genaue messung der eingenen körperlichn fitness, mit ongobe - getrennt fürs radl (mountainbike oder rennradl unterschiedlich) und fürs lafn – der herzfrequenz in der men sich im aeroben und anaeroben bereich befindet. kurz gsog hon i’s jetzt schworz af weiß, wie tiaf mein puls sein soll, wenn i ausdauer trainiern mog.

der test isch gonz a perige soche und in obschlussbericht und die erklärung drzua bzw. die richtign trainigstipps hon i schun glei mitkreag.

i bin kerngsund, mein herz schlog regelmäßig (isch jo net pa olle asso) und bin körperlich fit.

eigentlich hon i des jo irgendwia schun a wian gwisst. doss es mit meinr ausdauer net grod rosig ausschaug, und doss i a bessere figur moch wenn i an 400 m lauf als a marathon bestreit…

mein lactatwert vun 11,2 hot er ober globt. onscheinend sein net viele fraun de den erreichen…  kroft hon i für a „normale“ frau a mehr als genua und er hot gmoant doss i net grod schemerzempflindlich bin bzw. oane, de schun die zähn zombeissn tuat.

wenn mi jemend also in der negschtn zeit also amol gonz longsom und gemiatlich radln sieg, net auslochen, des isch TRAINING!

sportklettern

fleißig bin i in gonz winter 1 mol wöchentlich bouldern gwesn und wia im september vorgnummen, hon i huier im frühling a sportkletterkurs bsuacht.

der 5-wochen-kurs ob mitte april mitn christof piccolruaz isch do wia bstellt kemmen.

noch 6 theorie- und übungsobende in der kletterhalle, wo mer hautpsächlich glernt hobn, welche knotn men braucht, wia sich in verschiedene situationen am gscheidigsten benemmen/reagiern und sonst no nützliche tipps und tricks mitkreag hobn, worn die leschtn 2 treffn im freien geplant.

leschtn donnerstig seimer in longentol pan busc dl preve gwesn, a leichter übungshong zum unfongen. im freien klettern sich holt decht gonz an ondres gfühl als in so a gschlossener halle und decht wieder eppas an wos men sich gwehnen muass. weil men sich do net an die forbign griffe, sondern ans eigene guate auge und gfühl orientiert.

am muntig donn hot ins der christopf in klettergartn hauenstein (seis) gebrocht (geheimtipp, weil der isch kaum in a führer ungführt), wo mer in gonz nomittog ummergeklettert sein und no a poor nuie tipps & tricks afn weg mitkreag hobn.

jetzt hoasst, sich die gonze ausrüstung zu richtn, es buach zu kafn und donn „lei“ mehr trainieren!!!

zur feier des tages hommer ins no a pizza gegönnt und af an wiedersehen in an klettergortn oder afn einem oder ondren gipfl ungstoassn…

tibetische kultur im indischen himalaya (august 2008)

besser spater als nia erscheint endlich mein kurzer bericht über meinen 3-wöchign trekkingurlaub in spiti & ladakh (indien)…

    

schun seit einiger zeit ho i mer vorgnummen ghob a reise in des gehimnisvolle ober interessante asiatischn eck zu mochn und de leit beneidet, de olm so begeistert vun deren erlebnisse do entn drzehlt hobn. umso mehr berichte, dia-show und dokus i gsegn hon und persönlich mit lei gred hob de schun amol do entn worn, umso grasser isch die lust gstiegn, des amol live zu erlebn.

bis i donn wieder amol im katalog vun vaievia gstöbert hon und a reise gsegn hon de mit „tibetsiche kultur im indischn himalaya“ betitln wor…  der titl hot mi glei neigiereig gmocht. also hon i es genauere programm ungfordert, pa der orbeit ogeklärt, ob der urlaub in der sell zeit passn tat und meine schwester vun meinem vorhobn drzehlt. vielleicht hot sie jo luscht mitzukemmen…

i hon mer glei gedenkt, dess ich de chance af de i lei gwortet hon und noch 2 wochen wor donn der urlaub gebucht!

und obwohl i eher zu der spezie gher, de 1 tog von onreise no glei die koffer pock, hon i gwisst doss i mi des mol a wian friaher drmit beschäftign wern muass. a munat vor obreise hot’s amol an zusammentreffn mi inre reisekollegn gebn, wo no die leschtn einzelheitn geklärt wordn sein und  ins erklärt wordn isch af wos mit ins do einlossn der tata hot ins vun thailond a reiserucksock gebrocht, wo an haufn plotz hot und der a fein isch ummerzutrogn und mir hobn ins a wian a liste gmocht vun de sochn, de mer liaber net vergessn.

am 1 august 2008 wors don soweit: mit insrn vollgepockten (wia sich spater donn herausstellt wieder amol zu vollgepockt)reiserucksäcke sein di kate und i donn zusommenmit insre xx  reisekameraden afn flughofn münchn gstondn und inser begleiter xyz - der sich pa sprochminderheitn im asiatischn raum guat auskennt und schun a poor mol do entn wor – hot ins schun a wian af indien eingstimmt. do erwortet ins so einiges

ohne jetzt in einzelheitn einzugian und es programm beilegn (sell isch pa mir drahoma irgendwo guat aufbewohrt), isch zu sogn doss:

1. indien indien isch und men do vun tog zu tog nia woaß ob es programm, wia vorschlogn und ausgmoch wordn isch a so bleib

2. pa a klaoner, gruppe  flexibler südtiroler olm wieder zusommen entschlossn wordn isch wia es weiter geat

3. wetter, tier und mensch und dern bedürfnisse  es programm schun afn kopf stelln kennen

ober im groaßn und gonzn hot pan ins olls gekloppt und es hot net allzuviele überraschungen gebn.

i konn lei sogn, meine erwortungne sind gonz und wenn net übertroffn wordn sein….

…………………………………………………………………………………………………………………………………………………………………………………………

12.5.09

… schun seit a poor munat steat do der unfong vun meinem bericht und weil i es jetz noch foscht an johr olm no net zu ende gschriebn hon… moch i des jetzt oanfoch asso und stell in bericht, den i fürs ladinische frauenmagazin gana zomgschriebn hon, in mein blog…

                    

pech für de de es ladinische net verstian, ober wer pa meiner dia-show onwesnd wor, konn sich sicher no einiges erinnern. die ondresn sein selber schuld wenn sie sem net kemmen sein…

pa mir wert sicher net allzulonge zeit vergian bis i wieder afs doch der welt steign wer und wer woass ob es des mol no a wian hacher geat… geplant wars ollemol…

tashi delek!

finale dla furfejidles sun sassplat

 ai 02.05.2009

 

pochi ma buoni… fans l ultima sada da la 6.30 sun pana, mo n iëde cun schi y peves.
l temp fova bon: belau sarëin y fresch. conidzions ideales per l utlima skitour dla furfejidles.
cun i auti sons furnei nchin tal tirler per pie su y ruvé do puech plu de 2 ëura (y 30 spitzkehren – fates plu o manco ben ) sun piza.
thomas ova coche mpermetù teut pea n valguna bozes de weizen per fe na viva sun piza.
sun piza trajova for inò it n nibl y l fova bendebo da vënt. perchel son tosc inò piei juvier per se fermé mo dal zallinger, ulache n se stajova plu saurì.

 

cun (mi sor y) la lia da mont 3 dis tl wallis

… l articul ie da liejer tl blog dla lia da mont…