ski & fun

super wetter, super schnea, super stimmung… genau die richtign bedingungen für an tolln fraun-skitog. der titel der geschichte kannat a hoassn: 6 mädels mochen es gadertol unsicher!

zu 5 seimer in der friah in wolkenstein gstartet, weil 1 in leschter minut ogsog hot und 1 brav in sunntig orbeitet und erscht umma 4e afn leschtn drücker no vun danterceppies hergflitzt isch (sie hot gwisst es zohl sich no aus ).

gonz relaxed und ohne stress (für mi a wian gewähnungsbedürftig ) seimer costabella gstartet. als pflichtstopp der café af der hutia pradat im edelweißtol, in restlichen tog gonz noch lust und laune und ohne groass geplant…

in nomittog hon i donn es geburtstogsgschenk einglöst und mer 2 h long vun an badiotn skilehrer und bergführer zoagn lossn, wia es telemarkn funktioniert. af oaner seite hot i’s glei ausser ghop, die linkskurve tratzt no a wian mehr… waret volle afn gschmock kemmen. schode, doss es pan ins do nirgends die ausrüstung zum verleih gib, tat schunst sicher no a poor mol üben.  a wenn i im moment ondre pläne hon, mit de i worscheinlich genua zu tian hon (bin zwor net abergläubisch, ober hon glernt, doss es besser isch net zu viel zu sogn bis es net sicher isch und es isch a guat wenn no net zu viel leit drvun wissn).

und weil i mi decht ziemlich hon unstrengen miassn, hon i natürlich a morz durst ghon. also nix wia ob in stodl, wo meine freindinnen schun mit an glas af mi gwortet hobn.  a stimmungsvoller obend pan murin wor donn no genau es richtige an 30-er (vor)zufeiern.

a toller sunntig! danke an olle beteiligten!