pernan che ie tumei i prim floc ie bel ruvà l prim sms che l ven inò pia via cun la peves.
enghe sce l fova ai primes de nuvember y mo da messei jì te ciulé a se crì adum la roba…
ma canche la furfujidels tofa la neif, pona se desceideles dal „sommerschlaf“.
y enghe sce cula neif iela al mumetn mpue stleta (che l ne n nie plu unida do deguna y l ie massa ciaut da n fe), ie la furfejidles bel regolare on tour…
wos „triiiig geerls“ im november af a griechischen insel unweit von kos mochen? wer sich in der szene auskennt woass doss die ontwort lei sein kon: klettern, klettern, klettern und wenn no a wian zeit übrig bleibt, donn a wian klettern und wenn donn wirklich nix mehr geat (ober es isch eh longe guat gongen) … donn konn men sich eppas oschaugn indem men in die guatn kletterer zuaschaug 
wer mit klettern nix afn huat hot, der hot af kalymnos nix verlorn, überhaupt net jetzt in der nebensaison. weil hauptsächlich um massouri drahnt sich olles lei um klettergurt, expressn & co.
während i mi vorm urlaub kaum drmit befosst hon, hot sich die kate pa bekonnte und durch a buach schlauer gmocht, a wenn men sich lei schwar eppas konkretes vorstellen konn, bevor men net selber amol entn untn wor.
am besten oanfoch im internet a wian umstöbern … und donn selber amol hinfliegn 
es buach (version 2008), wos die kate gliechn kreag hot, hot so an die 1.000 routen rund um massouri ungfiehrt, wobei die meistern im schwierigkeitsgrad um 6a liagen (für die kate und die goulie perfekt). mittlerweile hommer ghert gib es af kalymnos über 1.500 routen und die nuie version des buaches im negsten johr wert wohl doppelt so dick sein.
verschiedene klettergebiete trogn interessante nomen wia odyssey, stankhill, arhi, casteli, grande grotta, afternoon, palace, poets, usw. und oft verrot schun der nome die charakteristik vum ort bzw. fels. die routen starten meisten so pa an schwierigkeitsgrad um 5c, wobei a do groasse unterschiede zwichen gleichn einstufungen gib. oan tog meister i a 6a im nochstieg ohne probleme, in tog drauf muass i mi pa a 5b+ glei amol gschlogn gebn.
af kalymnos beweg men sich am besten mit an scooter (hon mit 29 noch griechenland fliagen miassn um es erste mol af an scotter zu hucken ), ober mir hom bewiesn, doss es 3 fleissige, net schüchterne gitschn a guat zu fuass und per anhalter zu die verschiedenen zonen hinkreagn. wo a wille…
mir homs a mit insren studio (kokkinidis) vun der loge her ideal erwuschn. 5o m vun der kletterstommkneipe fatolitis, 15o m vun der trinkwosserquelle (in die haiser gibs überoll lei gsolzenes wosser, köstlich fürs zähneputzen !!!) 2 min zu fuass zur pasteria, wo men köstlich essn konn, und vom supermarket niki & sandi, wo der besitzer oan guate kletter- und sonstige tipps gebn konn.
überhaupt sein die leit af kalymnos olle recht freindlich. de erkennen es groaße potential des klettertourismus als die weitaus greaschte einnahmequelle. die wirtschoft mit die schwämme (für de wor kalymnos amol bekonnt) isch wohl a nimmer des wos es amol wor. während leit aus oller welt zum klettern kalymons „bestürzen“ und einige es sogor so weit gebrocht hobn, doss die sich af kalymnons niedergsetzt hobn (es hot holt net jede so schian drhoam wie mir do in südtirol ), hobn die einheimischen nur wenig mit klettern afn huat. a gor kane zeit mehr drzua. und wenn sich kalymons weiter asso wia in die leschtn 10 johr entwicklet, sein de dörfer bold zu kloan und men wert eifrig drzaubauen. überoll in die restaurants wert men verwöhnt und jeder isch bereit die aufmerksam zu mochen, wo es long geat, wos men tian soll, wo men gien konn. ondersch als in viel orte, wert men do no als gost gschätzt.
mir genießn es klettern tog für tog und passn uns an den griechischen felsen bold un. a wenn die finger schmerzn und die orm noch a poor tog es gern amol a wian gemiatlicher hattn.
wer die kate kennt, der konn sich guat vorstellen doss mer meistens die erschtn am fels worn und die leschte route erst beendet hobn, nochdem die sunn schun untergongen wor…
es gib toge do seimer in gonzn tog alloan (worscheinlich gebiete mit zu leichtn routen für die kalymnos-ollgemeinheit), in die bekonnteren gebiete klettern mer neben climbers from all over the world. viele franzosen und engländer, a poor spanier, italienier, norweger, deitsche. vun 20 bis 60 - kunterbunt gemischt.
wenn die temperaturn zum klettern pa a sonnentog ideal worn (wärmer brauchats für mi pan klettern net sein) und es meer no ongenehm zum schwimmen wor, hot’s der november holt mit die kurzn tog. um holbe 6e schun dunkel und fertig isch der tog. sem ich men donn a nimmer augleg, in togsüber ersehntn tuffo ins meer zu mochen. weil gepfleg sein die “strände“ sowieso net umbedingt. im mai waretn die temperaturn worscheinlich gleich fein, die tog holt doppelt so long, es wosser worscheinlich um einiges kühler.
ober im november isches holt pan ins drhoam schunst net recht interessant und von sem her der ideale zeitpunkt richtung südn zu startn und die klettersaison no a wian verlängern - wenn men no net genua gekletter isch (kate) oder eppas zum nochholn hot (i).
af nocht wars mer außerdem lei recht gwesn, wenn a wian mehr lebn im dorf gwesn war und men a in oder ondren smalltalk ghob hat. isch jo olm interessant zu hern wos ondre leit zu tian und denkn. ober mir hom’s a genossn, doss mer hobn nirgends gmiasst schlonge stian (i konn mer vorstellen, doss es do in hochsaison in de klettergärten ziemlich eng werden konn, a wenn i/mir zu zeit gonz sicher net de routen klettern, de die meisten kalymnos-besuacher meistern), doss in restaurant olm genügend plotz wor und doss in der „hausbar“ olm a gemiatlicher stual und meistens der computer frei wor. decht hat i gern amol so an obend in der hochsaison in massouri erleb. muass a amol interessant sein.
noch 8 klettertoge (jo, richtig, koan oanzigen tog hommer ausglossn!) mit an holbn regentog blick mer zufriedn af insre kletterwoche zurück. mir zumindescht kimp schun vir, wieder an schritt noch vorn gmocht zu hobn, a wenn i no weit entfertn vun die leistungen der schwester bin. olm wieder hon i mi gfrog wia die kate (oder die goulie) des in vorstieg gschofft hobn.
der koffer pan rückweg scheint schwarer zu sein, zumindescht konn i den nimmer so leitcht lupfen, in die haxn noch kannet men moanen i wor a woche in an überlebungscamp und meine finger genießen es jetz amol nix schorfes ungreifn zu miassn..
und donn freit men sich a wieder afs eigene bett, afs essn drhoam, af inser super wosser… und natürlich – sobold men in erschtn schnea sieg – afn winter!
ps: die besten schnoppschüsse gibs demnächst online…
am somstig wor i no af der kloanen micheluzzi (und bin draukemmen wia wianig i vun der alpingschichte woass – irgendwia zum schamen :-( )
obwohl af der nordseite vun sellastock schun schnea lieg, der nimmer weggian wert, konn men af der südseite (ciavezes z.b.) no bestens klettern.
mit kurze ärmel pa idealn klettertemperaturen hommer die ruhe do oben so richtig genossn und ins darüber unterholtn, wia long es huier no so schian herbstelen wert.
heint in der friah hot der tata gekennt die garageausfohrt mit der maschien ramen. weil es sein schun decht a 25 cm schnea glegn. und obwohl i morgn richtung kalymnos start und mein backpack mit kletterpotschn, kurze hosn und leiblen füll, waret mir heint eher drnoch gwesn die nuie tourenskiausrüstung zu testn!
hon mi huier so richtig nui ausgrüstet: nuie ski, nuie fellen (SEHR WICHTIG), und donn frisch a nuie (leichte) skischuach und fürs gesomtbild a no di nuien stöck. huier gib’s koan ausred mehr! jetzt hängt die leistung lei mer davun o, wia zielgerecht i in summer trainiert hon, und ob’s etwas gebrocht hot.
apropo: pa vollmond viel schnein soll a guats omen sein… speriamo bene! wenn men in die wettervorhersogn glabn konn, de sogn, doss es die gonze negste woche schnein soll, donn hoasst nochn kletterurlaub in kalymnos lei mehr… pronti via!
ober jetzt amol genieß i mer in kletterurlaub, den i noch meinem kloanen unfoll in august schun ogschriebn ghop hon und frei mi umso mehr doss es mit der kletterwoche full immersion doch no kloppt!
sun nvit de flori y luis ie la furfujidels adum cui snec, n valgun maestri de schi de sëlva y l cunsëi dla lia da mont stai n merdi tl felsenkeller dla laimburg. per ngrum fovel l prim iede ala laimburg.
do ma „pitla“ ntroduzin de luis ntan che ciarcian n valgun vins blanc y cueceni y avei vijità i ciuleies dla laimburg, nes aspitova n buffet de aufschnitt y ciajuel y roba dëucia.
l ie stat dret nteressant udëi chesc post y luis nes á dat na bela lezion de retorica
do che ntan l instà sons stai mpue peighri y nia boni de meter adum n dì de roda o da ji samont, fovel ben ëura che la grupa se abinessa inò. bel al törggelen ai 14.10 se ova abinà na bela cumpeida. y enghe n merdi se à abiná scialdi deplu furfujidels che i mierculdis canche se ancunton per jì a sauté. ilò stentons mpue a abiné furfujidles de ueia de fe mo zech do l lëur. ma udron pona canche scumencion inò l ativitá dla peves sce y coche l se à paià…
… se vuoi arrivare più in alto degli altri devi essere più egoista (degli altri).
… se vuoi arrivare in cima prima degli altri devi essere più egoista.
… se vuoi arrivare là dove gli altri non arrivano devi essere più egoista.
… se vuoi non aver rimorsi di aver o non aver fatto devi esser più egoista.
… se vuoi uscirne da campione devi esser più egosita.
I wanna be an egoist too!
anzi, partenzdo da oggi:
I am an egoist too!
weil’s mit meinem ellebogn viel schneller viel besser geat als mer olle prophezeit hobn (also gibs doch no wunder ) und i wieder fleißig griffe und tritte üb, und es wetter no so super isch, und der schnea sich a af die berge no net hot blickn lossn, hon i mi am donnerstig vun der schwester af piz ciavazes führn lossn.
pa no foscht sommerlichn temperaturn hommer die rossi tomasi route af der südwond vun piz ciavazes in ongriff gnummen.
a relativ leichte, ober schiane tour im 3-4 schwierigkeitsgrad.
die route schaug, überhautp vun oben aus, schwieriger aus als sie isch. die schlüsselstelle konn i a relativ leicht meistern. an guatn lehrer ghob
noch 8 seillängen und ca. 2,5 h seimer donn obn.
meiner schwester danke fürs führn und kompliment für deine 1. gführte tour!
so ziemlich genau 2 muant nochdem i vun der schwester es 200-stück-puzzel kreag hon, isches fertig gwordn.
am ende wors donn schun a wian zach (a wenn i gsegn hon doss i des olm no guat konn – wor schun als kind a puzzel-freak) und es isch lei longsom weitergongen.
togsüber wor mer die zeit donn decht olm zu schode, und af nocht mitn glüchbirnenlicht sieg men die forbunterschiede holt so letz.
ober beruhigend und relaxend isches ollemol, für mi zumindescht…
und in august mit gips hon i so a guat übersondn. do worn die nomittoge af der terrasse net so long und i hon mi guat olenken kennen ;-)
jetzt bin i af nocht fo foscht „orbeistslos“ und muass mer a nuie beschäfitung suachn. weil im TV gibs jo eh kaum irgendamol eppas gscheids, und mit lesn bin i z.z. a net grod augleg, nochdem i togsüber nix ondres tua als lesn, tippn, lesn, tippn usw…
ober no a puzzle unfongen… decht liaber net! weil des mocht süchtig und donn bleib i wieder bis long noch mitternocht au um 10-12 (!!!) stücke einizupassn
… a nette sms vun an menschen, den men länger net ghert hot …
… an onruf, af den men eigentlich nimmer ghofft hot …
… a gelungenes geburtstogsgschenk …
überroschungen de men sich net erwortet, sein die schiansten!
schneller als i mer gedenkt hon, verlaft meine ellebogn-heilung
ernüchtern wor domols die diagnose vom dr. tröbinger – „der heilprozess konn a 4-5 muant dauern“ – und selbst der foppa hon gmoant doss des schun a weile dauern wert, bis des wieder in ordnugn sein wert. und am dienstig moant der foppa: „so, des wors! fertig mit therapien. deinem ellebogn geats wieder guat!“
i woass net ob’s drun glegn isch doss i sooo fleißig wor, doss der foppa decht wunder mochen konn…
… doss mein körper gwisst hot, doss i es mit der geduld net so hon…
oder i hon glück im unglück ghob, weil sich der knochn noch 2-3 sec. wieder selber eingrenkt hot und so es ereignis medizinisch gsegn a net so traumatisch wor.
wos zehlt: mein ellebogn isch FOSCHT wieder der olte (in 2-cm-ormunfong-unterschied amol ogsegn)
obwohl der tröbinger gmoant hot i soll weiter net viel tian (der woass net doss i fleißig pan foppa wor) und jo koan sport, hon i die meinung vun foppa bevorzugt und wieder ungfongen mit lafn und radln (und muass ernüchternd feststelln wia tief meine formkurve gsunken isch 
)
der foppa hot sogor gmoant i konn mi a wieder afn felsn traun! nix außerordentliches testn, ober die leichtn routen sollatn meisterbor sein.
wenn lei es wetter wieder a wian besser wert (seit muntig regnet’s foscht jedn tog) kannet i testn wia es mit kroft und gfühl in die finger steat…
zum kletterurlaub nochholn fühl i mi decht zu schwoch. so holbe sochen hommer nia gfolln… also liaber af negschtes johr verschiabn und donn voll do!
jetzt haoßt amol:
- muskel aufbaun
- formkurve noch obn kurbeln
- klettergfühl weider herzaubern
julia
wer hot wos gsog