la furfejidles al felsenkeller

sun nvit de flori y luis ie la furfujidels adum cui snec, n valgun maestri de schi de sëlva y l cunsëi dla lia da mont stai n merdi tl felsenkeller dla laimburg. per ngrum fovel l prim iede ala laimburg.

do ma „pitla“ ntroduzin de luis ntan che ciarcian n valgun vins blanc y cueceni y avei vijità i ciuleies dla laimburg, nes aspitova n buffet de aufschnitt y ciajuel y roba dëucia.

l ie stat dret nteressant udëi chesc post y luis nes á dat na bela lezion de retorica

do che ntan l instà sons stai mpue peighri y nia boni de meter adum n dì de roda o da ji samont, fovel ben ëura che la grupa se abinessa inò. bel al törggelen ai 14.10 se ova abinà na bela cumpeida. y enghe n merdi se à abiná scialdi deplu furfujidels che i mierculdis canche se ancunton per jì a sauté. ilò stentons mpue a abiné furfujidles de ueia de fe mo zech do l lëur. ma udron pona canche scumencion inò l ativitá dla peves sce y coche l se à paià…

furfejdles’ mountain gourmet dinner

altro che sky dinner tla condles de mont sëuc! fertunei chei che ie stai sun sëurasass tla hutia de tamara.

ajache ciche tamara y bruna nes à pità n mierculdì sëira batova dut!
bel l aperitivo lasciova ntraudei l gran lëur che la 2 surans se à fat.
(y la calories che on brujà a jì su a pe, ans bel inó maiá it la prima 1/4 ëura che fan lassu) 

… y chesc fova ME l scumenciament de na cëina gourmet …

l panorama che n à da sëurasass y la bela sëira che on urtà à ënghe mo fat la sia per fe dla cëina zech de particulér. y canche se abina la furfujidles „doc“ pona iel na certa garanzia che la sëira garate

 

de gra a tamara y bruna per l nvit y per nes avei viziá nsci…
de gra a chei che á judá a lavé ju
… y a chei che se à pità de judé canche l lëur fova bel fat

 

ala proscima!

sacro cuër de gejù

ai 21.06.09

 

sota sëurasass

l temp ne fova nia tan bel y bon ciaut coche la dumenia dant, ma l ie restà sut y sciaudé se pudoven te hutia y pra fuech
ne sei nia tanc che cunesciova la tradizion dl sacro cuër de gejù y savova/sa ciuldì che n mpeia n fuech samont. schiche se toca/tuchessa ne onsa nia fat, ma darì iel stat!

de gra a leo per l nvit sun si hutia, de gra ai grillmeister y a chiche a cujinà/anjinià ca y lavà ju.

la furfejidles tl canyon

ai 24 de mei ie 7 furfejidles (la plu da snait ) furnedes al garda a fe canyoning.

per la majra per fovel l prim iede y deguni ne savova dre ciche ti aspieta…
vel un ne ulova nia savei plu avisa ciche suzed, ma te pulmino per furné de viers dl canyon y ntan che se anjnian ca, udoven che se fajova inant mpue de nervosità…

diego ova cris ora per neus l integral, che el descrij nsci: 

Durata 2/3 ore in acqua. Ideale per la prima volta. Difficoltà  media con tanti tuffi, scivoli ed alcune calate di corda su stupende cascate di acqua limpida il tutto in un ambiente naturale magnifico.

… y sce dan pie via ova duc mo n dre bel sorriso, deventova l espressione man man che l fova da fe vel saut o calata tl „uet“  for plu teso

ië rate ben che a duc ti ebe sapù dret bel y duc à abú na dreta hetz. diego á udëi coche se astilan vel un o l auter iede dessegur   

 

 

… audëi ciuna che sará la proscima avventura dla furfejidles …

finale dla furfejidles sun sassplat

 ai 02.05.2009

 

pochi ma buoni… fans l ultima sada da la 6.30 sun pana, mo n iëde cun schi y peves.
l temp fova bon: belau sarëin y fresch. conidzions ideales per l utlima skitour dla furfejidles.
cun i auti sons furnei nchin tal tirler per pie su y ruvé do puech plu de 2 ëura (y 30 spitzkehren – fates plu o manco ben ) sun piza.
thomas ova coche mpermetù teut pea n valguna bozes de weizen per fe na viva sun piza.
sun piza trajova for inò it n nibl y l fova bendebo da vënt. perchel son tosc inò piei juvier per se fermé mo dal zallinger, ulache n se stajova plu saurì.