rosadura & co.

 

welcome to paradise!

seit a 2 wochn isches so richtig summer. oan tog schianer ols der ondre! do follt es orbatn schun um einiges schwarer. weil im büro huckn zu miassn wenns draußn so richtig summerlen tuat, tuat schun weah…

… und donn kreag men vun kollegn und freinde no sms-grüße vun olle meglichn gipfln, do kribbelt’s pa mir ordentlich in die haxn.

deswegn kimps in oan UND ondren tog schun vor, doss i in pc a wian friaher ausscholt und weg bin i.
radl, kletterpotschn oder laufschuach… hauptsoch aussi! 

mit foscht 29 johr bin i endlich amol mitn radl af raschötz gfohrn, stevia und pra da rì glsuchtn mi ollemol wieder, und schunst gib es no soooo viele schiane platztn wo men oanfoch amol vun olle leit fliehen konn und die ruhe geniaßn. es gibt für mi koa bessere medizin gegn stress und schlechte laune als „meine“ berge.

am sunntig wor i mit der schwester in die belluneser dolomitn, genauer gsog af der tofana die rozes, augstiegn durch’n lipella-klettersteig. jeder begeisterter kletterer wert der bestätign, doss des gebiet zu die schianstn af der gonzn welt ghert. weil in ausblick den men vun do oben hot isch gewaltig: 360° berge!

… und pa de schianen obende, de mer grod erlebn kennen muass i donn oftamol a lei unholtn, es super panorama unschaugn und in augenBLICK geniaßn: welcome to paradise!

hin oder her

heint wor i schun a wian unentschiedn ob i mer die tourenski unschnolln soll und no amol aufi soll af so an berg, oder doch schun es radl hernemmen, weil es huier ausnohmsweise schun amol friah einsotzbereit isch.

die temperaturn nohe der 0-grad-grenze in der friah hattn ohne weiters für a skitour gsprochn. ober bis gestern wor i no a wian unentschlossn und so af der schnelle isch mer donn niamaned ingfolln, der mi hat begleitn kennen. alloan zu startn wor i net grod motiviert… und vum tourenskirennen im 3-er team vun fanes afn col turon hon i nix mirkreag ghob… a schun zu spat um no in leschter minute 2 mitbestreiter zu findn. schode, odss i des so spat drfrog hon, war sicher no amol a spaß gwesn.

in der friah hon i donn amol a stund afn start vun formel 1 rennen gwortet (und drnoch wor nix spezielles drbei, weil sie mitn safety-car gstartet sein) und weil es wetter besser ausgschaug hot, als vorausgsog, hon i mi doch no entschiedn, a runde mitn radl zu fohrn. zumindescht um in ollerwerteschtn wieder zu gwehnen
und wenn i huier mit de oanen afn radl so holbswegs mitholtn mog und i mi pa meiner 2. teilnohme pa der dolomiti superbike steigern mechat, mog i lei bold amol unfongen mitn training.

weil i net luscht ghob hon es radl afs auto zu lodn und af die gredner-mountainbikestreckn decht no zu veil schnea lieg, hon i mi entschlossn, vun drhaom zu startn und bis zum huberturs zu forhn. mit wolkenlosem himmer un frischn 15° bin i donn umma 10e gstartet, ober schun als i pan hubertus noch an holbn stindl umgedrahtn hon wor vun blauen himmer und vun der sunne kaum no eppas zu segn. zum glück kreag men pan zruckpedaliern donn bold worm. a wenn i mer die fiaß erscht in der dusche wieder gwärmt hon…

fertig isch!

mitn ostermuntig hon i für heier die (alpin) ski afn nogl ghängt. die lescht woche hon i es super wetter und die no guatn schneaverhältnisse bestens ausgnutzt und hon fleißig (so fleißig bin i in gonzn winter net gwesn ) pistn-km gsommelt.

noch 45 tog fostenzeit hon i es saisonsende a no gebürtig gfeiert und mir mit 4 gitschn in ostermuntig no amol die sellarunde gegönnt, somt unerwortetem helikopterflug über die longkofelgruppe als gran finale.

seit a poor johr konn men sich pan sasionsskipass vun dolmiti superski mitn ski-performance check genau aufzeichnen lossn, wo und wenn men so überoll gwesn isch (alla faccia della privacy ), wia viele pistn-km men gwedelt sich, welchn lifte men am häufigstn gnutzt hot und sunscht no an haufen infos.

pa mir worns huier 1.162 pistn-km (639 mol mitn skpipass gepiepst) pa an höhenunterschied vun 230.388 m, aufgeteilt af genau 40 tog; der meist benutze lift wor – wie erwortet (die 3 isch jo meine absolute lieblingspiste) und wia jedes johr – die ciampioni bohn.

am meistn gfohrn bin i am 10. jänner: 55 km pa 10.207 Höhenmeter – vun drhoam bis afn kronplotz. i schätz amol in sem tog wor i alloan unterwegs

vun meinem rekord vum winter 2006-07 bin i gor net soooo weit hintn, also bin i decht ziemlich gfohrn…

wieder amol viel zu schnell isch der winter ummer… kaum ungfongen ischer schun zu ende.
so an super winter mi soooo viel schnea schun unfong dezember kannet i mer glei jedes johr wünschn, tat a freiwillig schnea schaufeln

… tramen konn men jo …

rekordverdächtig

04.10.2008

… isch meine erste skitour (!!!) am 4. oktober.

eigentlich hat i gsollt die tour der lia da mont afn großn roßkopf in prags führn, ober weils in freitg foscht in gonzn tog bis tiaf oi gschneit hot und es in somstig in der fria pan ins drhoam so ausgschaug hot

 

isch die tour ogsog wordn.

weil ober es wetter so super wor und die londschoft oanfoch lei traumhoft, hommer wos unfongs foscht lei als scherz gmoant wor (jo, donn nemmer morgn die skitour ausser), donn spontan am somstig in der friah umgsetzt. skitour vom keller aufi, felle augleg und die kate & i sein gstartet richtung piz sella. 

und i konn lei sogn: traumhoft. super panorama, super wetter, super konditionen de man wer woass wenn wieder vorfindn werd. so schian der austieg a wor, so toll wor donn die obfohrt pa 30 cm leichteschtem pulverschnea. i konn lei sogn SUPERSUPERSUPER!!!! (und i bin gor net traurig doss mer hobn miassn die wondertour osogn ).  wer schaug der staune…

 

  

                    

 

ps: zum glück wor leschte woche pa der besichtigung der wondertour a super wetter, donn woass i (stellts enk vor ich wor huier es erscht mol (!!!) pan pragser wildsee) wia schian es do draussn isch und für an eventuelle tour im negstn johr bescheid.

La Lia da Mont Gherdëina va online

sen ie ënghe la lia da mont gherdëina da abiné te internet!

sun chesta plata iel da abiné de uni sort de nformazions sun la lia da mont: mpue de storia, l cunsëi, l program atuel, l ativiteies y relazions sun jites y manifestazions desvalives.

l blog dessa vester dantaldut na plataforma per duc chei che va gën da mont su. liejede baiter…

sandro pertini klettersteig

25.5 es isch huier höchste zeit wieder auf du per du mitn felsn zu tretn: also klettergurt und wosserflosche in rucksock innerwerfn und auf zum klettersteig ins longentol.
es wetter isch zwor sosolala, wobei’s fosch mer lala als soso isch, ober weil der einstig glei do isch und es in die haxn fescht kribbelt, entschliaß i mi umma 14h zu startn und donn soll’s tian wia es will.

es isch zwor pa mir long no koan 7c, ober wenn men seit oktober nimmer geklettert isch, sein die erstn 20 tritte afn felsn pa mir olm mit a wian an kribbeln verbundn… a weil die erschtn 5 m nimmer mit an seil gsichert sein… des mit der offiziellen eröffnung und ollm druntherum wert no a longe gschicht

drnoch geats donn rasch dohin und i geniaß jedn schirtt umso mehr. noch genau 1h 20 min moch i meinen eintrog ins gipflbuach, donn fongs schun un zu nieseln. also klettergurt ausser und durchn expressweg palota schnell zruck zum parkplotz.

meine erste 2008-klettertour losst sich in muntig spürn, ober desmol hon i’s ohne blaue fleckn hinkreag. i wer jo olleweil besser :-)