des isch gredn!

am somstig wor i no af der kloanen micheluzzi (und bin draukemmen wia wianig i vun der alpingschichte woass – irgendwia zum schamen :-( )
obwohl af der nordseite vun sellastock schun schnea lieg, der nimmer weggian wert, konn men af der südseite (ciavezes z.b.) no bestens klettern.
mit kurze ärmel pa idealn klettertemperaturen hommer die ruhe do oben so richtig genossn und ins darüber unterholtn, wia long es huier no so schian herbstelen wert.

heint in der friah hot der tata gekennt die garageausfohrt mit der maschien ramen. weil es sein schun decht a 25 cm schnea glegn.  und obwohl i morgn richtung kos start   und mein backpack mit kletterpotschn, kurze hosn und leiblen füll, waret mir heint eher drnoch gwesn die nuie tourenskiausrüstung zu testn!
hon mi huier so richtig nui ausgrüstet: nuie ski, nuie fellen (SEHR WICHTIG), und donn frisch a nuie (leichte) skischuach und fürs gesomtbild a no di nuien stöck. huier gib’s koan ausred mehr!   jetzt hängt die leistung lei mer davun o, wia zielgerecht i in summer trainiert hon, und ob’s etwas gebrocht hot. 

apropo: pa vollmond viel schnein soll a guats omen sein… speriamo bene! wenn men in die wettervorhersogn glabn konn, de sogn, doss es die gonze negste woche schnein soll, donn hoasst nochn kletterurlaub in kos lei mehr… pronti via!

ober jetzt amol genieß i mer in kletterurlaub, den i noch meinem kloanen unfoll  in august schun ogschriebn ghop hon und frei mi umso mehr doss es mit der kletterwoche full immersion doch no kloppt!

rossi tomasi

weil’s mit meinem ellebogn viel schneller viel besser geat als mer olle prophezeit hobn (also gibs doch no wunder ) und i wieder fleißig griffe und tritte üb, und es wetter no so super isch, und der schnea sich a af die berge no net hot blickn lossn, hon i mi am donnerstig vun der schwester af piz ciavazes führn lossn.

pa no foscht sommerlichn temperaturn hommer die rossi tomasi route af der südwond vun piz ciavazes in ongriff gnummen.

 

a relativ leichte, ober schiane tour im 3-4 schwierigkeitsgrad.

die route schaug, überhautp vun oben aus, schwieriger aus als sie isch. die schlüsselstelle konn i a relativ leicht meistern. an guatn lehrer ghob

noch 8 seillängen und ca. 2,5 h seimer donn obn.

meiner schwester danke fürs führn und kompliment für deine 1. gführte tour!

back!

schneller als i mer gedenkt hon, verlaft meine ellebogn-heilung

ernüchtern wor domols die diagnose vom dr. tröbinger – „der heilprozess konn a 4-5 muant dauern“ – und selbst der foppa hon gmoant doss des schun a weile dauern wert, bis des wieder in ordnugn sein wert. und am dienstig moant der foppa: „so, des wors! fertig mit therapien. deinem ellebogn geats wieder guat!“

i woass net ob’s drun glegn isch doss i sooo fleißig wor, doss der foppa decht wunder mochen konn…
… doss mein körper gwisst hot, doss i es mit der geduld net so hon…
oder i hon glück im unglück ghob, weil  sich der knochn noch 2-3 sec. wieder selber eingrenkt hot und so es ereignis medizinisch gsegn a net so traumatisch wor.

wos zehlt: mein ellebogn isch FOSCHT wieder der olte (in 2-cm-ormunfong-unterschied amol ogsegn)

obwohl der tröbinger gmoant hot i soll weiter net viel tian (der woass net doss i fleißig pan foppa wor) und jo koan sport, hon i die meinung vun foppa bevorzugt und wieder ungfongen mit lafn und radln (und muass ernüchternd feststelln wia tief meine formkurve gsunken isch )

der foppa hot sogor gmoant i konn mi a wieder afn felsn traun!    nix außerordentliches testn, ober die leichtn routen sollatn meisterbor sein.
wenn lei es wetter wieder a wian besser wert (seit muntig regnet’s foscht jedn tog) kannet i testn wia es mit kroft und gfühl in die finger steat…

zum kletterurlaub nochholn fühl i mi decht zu schwoch. so holbe sochen hommer nia gfolln… also liaber af negschtes johr verschiabn und donn voll do!

jetzt haoßt amol:

- muskel aufbaun
- formkurve noch obn kurbeln
- klettergfühl weider herzaubern

shit happens…

a folscher griff, a blede bewegung in der luft, und a äußerscht unglückliche londung af der matte. diagnose: ellebogen luxation.

dabei wor meine boulderstunde bis sem relativ guat gloffn.

hon mer unfongs a gedocht, doss wenn sich der unterormknochn selber wieder eingrenkt hot, LEI mehr a morz schwelllung übrig bleib, de in a poor tog donn a wieder weg isch… der dr. tröbinger hot mi ober glei zur realität zruckgebrocht: obwohl nix hin isch – oan knochn hot so a kloane splitterung – un die bänder recht stabil gebliebn sein, 3 wochn gips und (mindeschtns) 2 munat koane kletterei und nix mit radlfohrn!

jo, don konn i mi af an suuuuuuper longweilign august vorbereitn. nebenbei isches no der rechte orm und so schnell af linkshändig umscholtn konn i holt a net. hot vun enk jemand schun amol probiert die mouse mit der linkn hond zu steuern?!? lustige soche…
zum strickn und häkeln brauchts holt a 2 händ… einzig es wattn kannet funktioniern

klettertouren konn i mer jetzt lei afn papier studiern und der geplante und ersehnte kletterurlaub in kroatien isch wohl a geplotzt. im moment geat mer sell no am meistn af die nervn…

… ober wenn i mer donn unher ws für probleme/sorgn ondre leit hobn, donn muass i no froah sein, doss mir LEI des und net mehr passiert isch… und lei positiv denken, doss bis men es wieder flickn konn, olles lei holb so wild isch.

der negschte summer kimp bestimmt, und weder die sellaruppe noch kroatien lafn mer drvun… und in der zwischnzeit konn i jo meine basisausdauer trainieren, des eignet sich jetzt am bestn

welcome to paradise!

seit a 2 wochn isches so richtig summer. oan tog schianer ols der ondre! do follt es orbatn schun um einiges schwarer. weil im büro huckn zu miassn wenns draußn so richtig summerlen tuat, tuat schun weah…

… und donn kreag men vun kollegn und freinde no sms-grüße vun olle meglichn gipfln, do kribbelt’s pa mir ordentlich in die haxn.

deswegn kimps in oan UND ondren tog schun vor, doss i in pc a wian friaher ausscholt und weg bin i.
radl, kletterpotschn oder laufschuach… hauptsoch aussi! 

mit foscht 29 johr bin i endlich amol mitn radl af raschötz gfohrn, stevia und pra da rì glsuchtn mi ollemol wieder, und schunst gib es no soooo viele schiane platztn wo men oanfoch amol vun olle leit fliehen konn und die ruhe geniaßn. es gibt für mi koa bessere medizin gegn stress und schlechte laune als „meine“ berge.

am sunntig wor i mit der schwester in die belluneser dolomitn, genauer gsog af der tofana die rozes, augstiegn durch’n lipella-klettersteig. jeder begeisterter kletterer wert der bestätign, doss des gebiet zu die schianstn af der gonzn welt ghert. weil in ausblick den men vun do oben hot isch gewaltig: 360° berge!

… und pa de schianen obende, de mer grod erlebn kennen muass i donn oftamol a lei unholtn, es super panorama unschaugn und in augenBLICK geniaßn: welcome to paradise!