welcome to paradise!

seit a 2 wochn isches so richtig summer. oan tog schianer ols der ondre! do follt es orbatn schun um einiges schwarer. weil im büro huckn zu miassn wenns draußn so richtig summerlen tuat, tuat schun weah…

… und donn kreag men vun kollegn und freinde no sms-grüße vun olle meglichn gipfln, do kribbelt’s pa mir ordentlich in die haxn.

deswegn kimps in oan UND ondren tog schun vor, doss i in pc a wian friaher ausscholt und weg bin i.
radl, kletterpotschn oder laufschuach… hauptsoch aussi! 

mit foscht 29 johr bin i endlich amol mitn radl af raschötz gfohrn, stevia und pra da rì glsuchtn mi ollemol wieder, und schunst gib es no soooo viele schiane platztn wo men oanfoch amol vun olle leit fliehen konn und die ruhe geniaßn. es gibt für mi koa bessere medizin gegn stress und schlechte laune als „meine“ berge.

am sunntig wor i mit der schwester in die belluneser dolomitn, genauer gsog af der tofana die rozes, augstiegn durch’n lipella-klettersteig. jeder begeisterter kletterer wert der bestätign, doss des gebiet zu die schianstn af der gonzn welt ghert. weil in ausblick den men vun do oben hot isch gewaltig: 360° berge!

… und pa de schianen obende, de mer grod erlebn kennen muass i donn oftamol a lei unholtn, es super panorama unschaugn und in augenBLICK geniaßn: welcome to paradise!

superbike – die 2.

jo, grod viel km hon i huier in die haxn net ghob, hon mi zu oft zwischn klettern und radlfohrn entscheidn miassn, und soooo oft wors af nocht a net schian, doss men die wahl der qual ghob hot. ober des soll olls koa ausrede sein! zeit zum trainiern muass men sich lei nemmen. und es gibt jo bekanntlich koa schlechtes wetter, lei schlechte kleidung.

eigentlich hon i mi a net so letz gfühlt und doss es a wian a strapaze wert, des hon i jo vun vorign johr gwisst. ober weil es vorige johr so toll wor, wors ausser diskussion doss mer huier net wieder mit mochn.

vor a munat bin i mit der kate amol die strecke ogfohrn, weil sie huier jo in die ondre richtung gongen isch, und des wor amol schun guat zu wissn wie de isch und wos mi desmol derwortet. die strecke hot mer huier besser gfolln, a wenn die vorjohrsstrecke meiner phyischn verfossung besser entgegn kemmen isch.

doss es nochn „falso piano“ vun tobloch richtung platzwiesn donn a wian krieseln wert, hon i mer schun gedenkt… im gegensotz zu vieln ondren pedalier i jo die gonze zeit über meiner anaerobischn schwelle (!!!). ober bis ins ziel hon i’s gschofft und sell isch a schun eppas )))

hueier hots donn koane überraschungen pa der leschtn obfhort gebn, a wenn mer die leschtn mini-steigungen no amol in rest gebn hobn. ober i bin hoal ins ziel kemmen, und des isch (pa mir) jo a net sooo selbsverständlich…

zeitlich isches schwar zu sogn, ob i besser oder letzter gfohrn bin als leschtes johr. hon jo ungfongen gezielt meine ausdauer-basis zu trainiern, zumindescht tu i so als ob. ober noch 2 munat wert men do no net viel merkn, des konn i worscheinlich erst negstes johr beurteiln….

… negstes johr!?!?! … jo, sicher wieder dabei!

hin oder her

heint wor i schun a wian unentschiedn ob i mer die tourenski unschnolln soll und no amol aufi soll af so an berg, oder doch schun es radl hernemmen, weil es huier ausnohmsweise schun amol friah einsotzbereit isch.

die temperaturn nohe der 0-grad-grenze in der friah hattn ohne weiters für a skitour gsprochn. ober bis gestern wor i no a wian unentschlossn und so af der schnelle isch mer donn niamaned ingfolln, der mi hat begleitn kennen. alloan zu startn wor i net grod motiviert… und vum tourenskirennen im 3-er team vun fanes afn col turon hon i nix mirkreag ghob… a schun zu spat um no in leschter minute 2 mitbestreiter zu findn. schode, odss i des so spat drfrog hon, war sicher no amol a spaß gwesn.

in der friah hon i donn amol a stund afn start vun formel 1 rennen gwortet (und drnoch wor nix spezielles drbei, weil sie mitn safety-car gstartet sein) und weil es wetter besser ausgschaug hot, als vorausgsog, hon i mi doch no entschiedn, a runde mitn radl zu fohrn. zumindescht um in ollerwerteschtn wieder zu gwehnen
und wenn i huier mit de oanen afn radl so holbswegs mitholtn mog und i mi pa meiner 2. teilnohme pa der dolomiti superbike steigern mechat, mog i lei bold amol unfongen mitn training.

weil i net luscht ghob hon es radl afs auto zu lodn und af die gredner-mountainbikestreckn decht no zu veil schnea lieg, hon i mi entschlossn, vun drhaom zu startn und bis zum huberturs zu forhn. mit wolkenlosem himmer un frischn 15° bin i donn umma 10e gstartet, ober schun als i pan hubertus noch an holbn stindl umgedrahtn hon wor vun blauen himmer und vun der sunne kaum no eppas zu segn. zum glück kreag men pan zruckpedaliern donn bold worm. a wenn i mer die fiaß erscht in der dusche wieder gwärmt hon…

la furfejidles cula roda ora l zallinger

d’inviern se ancuntons uni mierculdì per ji n toch cula peves, d’instà ne ovela nchina sen mo mei butà. ma n sada, ai 19.7 ie la furfejidles furnedes cula roda da pana ora l zallinger per na cëina duc adum. la majra pert à fat la curta, me de bie, leonhard, leo, kate y ië son furnei nchina saltria y da ilò su.
te chesta ucajion ië states spartides ora la magliettes personalisedes dl club dla furfejidles, coche da udëi sun la fotografia.
ënghe sce la luna (plëina) ne cucova mo nia ora, à bastá la lum da cë per udëi tant da pudëi se n furné zeruch de scur. ajache chesc à mo n iëde custà forzes sons tlamei tal luisl per se paré la sëit

hai voluto la bici? pedala!!!

geschofft!

pa der dolomiti superbike amol mitmochen wor olm schun mein wunsch. und obwohl i huier wianig km in die haxn hon, hobn meine schwester un i huier entschiedn, do endlich amol mitzutian. schlussendlich mochmer jo aus spaß mit.

als mer vor 3 wochen die strecke pa a poor +grade getestet hobn, hon i don bestätigt kreg wos i eigentlich schun gwisst hon: doss es trotz spaß a strenges rennen wert. hauptsächlich es zwoate stickl vun tobloch noch wahln verlong no amol olles o, wenn men so schun miade haxn hot.

es stickl mit noch plotzwiesn hot recht guat gekloppt. nochn unfongsstau hon i meinen rhythmus kreag und bin relativ locker aufigradlt. pa der obforht nocht tobloch hon i donn kaum zeit ghob zu entsponnen (wia i mer gedenkt hon). kloane hindernisse und überraschungen hobn olm volle konzentration verlong. nebenbei hon i mer gedenkt: do konn i eppas guat mochn! in tobloch donn: lei net aufi schaugn wia weit obn es kloane kirchl vun stadlern lieg, weil bis sem muasch donn aufi pedalieren. ich net guat für die psyche. no schnell es gel runterschluckn, soll ongeblich no amol a wian energie schenken, augen zu und durch! im wold donn hon i vun leschtn mol gwisst, do kemmen olm wieder so klaone steigungen, ober i wor no relativ fit (und hon a no gor a poor konkurrenten überholt).

die obfohrt wor do no amol an überroschung: net die asphaltierte stroß oi, sondern a schmoler wonderweg im wold. also no amol volle konzentration und nix mit entsponnen. der endpurt ins ziel wor donn der reine luxus   

mit die guatn tipps vun stefan, der onfeuerung der zuaschauer, es pedaliern in a gruppe und meinem willen a guats rennen zu mochen, hon i es für meine verhältnisse bestens gmeister. hobn a mitn wetter a super glück ghob, weil pa matsch und regn hat die strecke gonz ondersch ausgschaug.

viele frauen wor mer net (ca. 150 auf 3.000 teilnehmer), ober jetzt verstea i a wiaso… vielleicht bin i deswegn a no amol stolz doss i des relativ guat gmeistert hon und doss i so viele männliche teilnehmer hinter mir glossn hon.

meine schwester wo natürlich no amol schneller als i, und konn wirklich mit guate radlfohrer mitholtn.

resume: super rennen, super organisation, super wetter, guate stimmung und olls bestens gekloppt. negstes johr seimer sicher wieder dabei! un sem peil i donn di 3,5 h grenze un…