I wanna be an egoist too!

… se vuoi arrivare più in alto degli altri devi essere più egoista (degli altri).

… se vuoi arrivare in cima prima degli altri devi essere più egoista.

… se vuoi arrivare là dove gli altri non arrivano devi essere più egoista.

… se vuoi non aver rimorsi di aver o non aver fatto devi esser più egoista.

… se vuoi uscirne da campione devi esser più egosita.

 

I wanna be an egoist too!

anzi, partenzdo da oggi:

 I am an egoist too!

überraschung!

… a nette sms vun an menschen, den men länger net ghert hot …

… an onruf, af den men eigentlich nimmer ghofft hot …

… a gelungenes geburtstogsgschenk …

überroschungen de men sich net erwortet, sein die schiansten!

back!

schneller als i mer gedenkt hon, verlaft meine ellebogn-heilung

ernüchtern wor domols die diagnose vom dr. tröbinger – „der heilprozess konn a 4-5 muant dauern“ – und selbst der foppa hon gmoant doss des schun a weile dauern wert, bis des wieder in ordnugn sein wert. und am dienstig moant der foppa: „so, des wors! fertig mit therapien. deinem ellebogn geats wieder guat!“

i woass net ob’s drun glegn isch doss i sooo fleißig wor, doss der foppa decht wunder mochen konn…
… doss mein körper gwisst hot, doss i es mit der geduld net so hon…
oder i hon glück im unglück ghob, weil  sich der knochn noch 2-3 sec. wieder selber eingrenkt hot und so es ereignis medizinisch gsegn a net so traumatisch wor.

wos zehlt: mein ellebogn isch FOSCHT wieder der olte (in 2-cm-ormunfong-unterschied amol ogsegn)

obwohl der tröbinger gmoant hot i soll weiter net viel tian (der woass net doss i fleißig pan foppa wor) und jo koan sport, hon i die meinung vun foppa bevorzugt und wieder ungfongen mit lafn und radln (und muass ernüchternd feststelln wia tief meine formkurve gsunken isch )

der foppa hot sogor gmoant i konn mi a wieder afn felsn traun!    nix außerordentliches testn, ober die leichtn routen sollatn meisterbor sein.
wenn lei es wetter wieder a wian besser wert (seit muntig regnet’s foscht jedn tog) kannet i testn wia es mit kroft und gfühl in die finger steat…

zum kletterurlaub nochholn fühl i mi decht zu schwoch. so holbe sochen hommer nia gfolln… also liaber af negschtes johr verschiabn und donn voll do!

jetzt haoßt amol:

- muskel aufbaun
- formkurve noch obn kurbeln
- klettergfühl weider herzaubern

geduld

jetzt wo i wieder mit 10 finger tippn konn, meld i mi wieder zruck vun meinem 3-wöchign „zwongsurlaub“.

erhlich gsog, hon i in mer eh schlimmer vorgstellt. ober:

1. bin i noch 2 wochen wieder regelmäßig orbeitn gongen. weil es mer schunst jo net ummer geat, weil mi jo decht jedn tog jemend vun büro ungruafn hot und weil mer de regel pa kronkschreibung olm zwischn 10 und 12 und 17 und 19 h drhaom sein zu miassn soffelt af die nervn gongen isch (des wor für mi die reinschte freiheitsraubung)

2. hon i jo 2 gsunde fiass und bin holt so viel spaziert und a wian gwondert und af der terrasse ummergradelt – provierts amol 2h15 min afn hoamradl ummerzutretn!!! do hoasst schun an sturen kopf hobn!

3. hot mer die schwester a 2.000-stück-puzzle gschenkt, doss af mi wia a droge wirkt

und

4. es leit gibt de es verstian, wenn men a „moralische unterstützung“ braucht und a wissn wia tian ;-)

jetzt bin i amol froah, doss der gips o isch, weil pa der hitze wor sell a a wian ungünstig (ober zumindescht hon i olm gwisst wos unlegn, weil viel auswohl hot men pa so a gips bis unter der schulter jo net) und i in orm „relativ“ frei bewegn konn. und donn hoasst sich in GEDULD üben, weil sell hon i holt koane

mit klettern wert huier wohl definitiv nix mehr weil a der foppa hot mer bestätigt, doss des schun a 3 munat dauern konn bis der ellebogn wieder gonz in ordnung isch. also bin i schun guat wenn i in dezember wieder mit bouldern unfongen konn. in der zwischnzeit hoasst a wian therapie und donn fleißig muskel aufbauen, weil mitn orm wia er jetzt isch, hat i net amol die kroft zu klettern.

i hat mer decht koan schianeren summer aussuachn gekennt, für meine „zwongspause“, des wurmt schun gewaltig. ober donn hon i holt negschtes johr umso mehr nochzuholn

shit happens…

a folscher griff, a blede bewegung in der luft, und a äußerscht unglückliche londung af der matte. diagnose: ellebogen luxation.

dabei wor meine boulderstunde bis sem relativ guat gloffn.

hon mer unfongs a gedocht, doss wenn sich der unterormknochn selber wieder eingrenkt hot, LEI mehr a morz schwelllung übrig bleib, de in a poor tog donn a wieder weg isch… der dr. tröbinger hot mi ober glei zur realität zruckgebrocht: obwohl nix hin isch – oan knochn hot so a kloane splitterung – un die bänder recht stabil gebliebn sein, 3 wochn gips und (mindeschtns) 2 munat koane kletterei und nix mit radlfohrn!

jo, don konn i mi af an suuuuuuper longweilign august vorbereitn. nebenbei isches no der rechte orm und so schnell af linkshändig umscholtn konn i holt a net. hot vun enk jemand schun amol probiert die mouse mit der linkn hond zu steuern?!? lustige soche…
zum strickn und häkeln brauchts holt a 2 händ… einzig es wattn kannet funktioniern

klettertouren konn i mer jetzt lei afn papier studiern und der geplante und ersehnte kletterurlaub in kroatien isch wohl a geplotzt. im moment geat mer sell no am meistn af die nervn…

… ober wenn i mer donn unher ws für probleme/sorgn ondre leit hobn, donn muass i no froah sein, doss mir LEI des und net mehr passiert isch… und lei positiv denken, doss bis men es wieder flickn konn, olles lei holb so wild isch.

der negschte summer kimp bestimmt, und weder die sellaruppe noch kroatien lafn mer drvun… und in der zwischnzeit konn i jo meine basisausdauer trainieren, des eignet sich jetzt am bestn