25.-27.4.2008 3-toges skitour mit der lia da mont gherdëina afn großvenediger steat afn programm.
helmuth hot schun amol viel schnea bstellt und hot mer/uns versprochen doss er des mitn wetter a no organisiert. die bergführer flavio und markus hobn mit helmuth a programm zomgstellt und am freitig um 7e in der fraih startet a 23 mann(+frauen) gruppe, hochmotiviert und guter dinge pa blauem himmel vun gredn. mir worn donn schun a wian enttaischt als es afn brenner (wo a schunst 
unfongen hot leicht zu regnen. die wettervorhersogn fürs solzburger lond – obwohl es zillertol im tirol lieg, ghert der großvenediger schun zum solzburger lond – worn fürn freitig und somstig schun net 100% schian, aber als es donn zu mittog ungfongem hot zu schiffen, wor mer schun olle net grod motiviert zu startn.
ober wia es für so a verein ghert: augen zua un durch. mit regenmäntel ausgrüstet startmer nochmittog richtung kürsinger hütte (2.550 m) und sein schun amol erleichtert doss es über 1.200 m zumindescht schneit. noch 2 h durch a vernebelter umgebung holtmer pa der post hütte zur verstärkung und erfohrn die „guate“ nochricht doss mer mindestens no 3 h zu tretn hobn (!!!). zum glück terfmer die rucksäcke mit der materialseilbohn zur hütte transportieren lossn, wos ins zumindest um 5-6 kg erleichtert. 3 h im nebel, net wissend wo und wia es weitergian wert und wos ins no derwortet. die moral isch a nimmer die beste, jeder tretet für sich alloan und isch in die eingenen gedonken vertieft (gedonken de i do jetzt liaber net wiedergib, weil i moan do waretn viele xxx und xxx und no mehr xxx drbei).
es isch donn noch 7e als mer endlich die kürsinger hütte erblicken. mein mogen knurrt schun seit a weile und i konns kaum derworten doss mer eppas guats unter die zähn kreagn. wia befürchtet hon i schun die ersten ploter gekreag, pa de wormen temperaturen und pa de longen flochstücke hon i schun gwisst doss es so weit kimp.
es stellt sich lei spoter aus, doss mer net – wia helmuth ins hot glabn welln – 900 höhenmeter zu bewältign hobn. am ende worns gonze 1.500 m und pa de longen flochstücke hommer ausgrechnet doss mer so um die 15 km getretn sein. zum glück hommer des im vorhinein net gwisst
die hütte isch super, es loger lei fir ins und großzügig gebaut, es gonze guat organisiert, es essn… naja, sein holt net in italien
in somstig schaug helmth vun fenster ausser und gib ins bescheid, doss mer no a wian schlofn kennen. es isch nebling und morz windig. also beschließ mer a wian länger im bett zu bleibn (wos sich für mi ober net viel ändert, weil wia olm schlof i in so hütten olls ondere als guat) und sollats besser werdn kemmer olm no irgendwohin startn. noch 3 h tuats a wian auf und mir beschliaßen zumindescht richtung seekogel zu startn. es ziacht ober olm wieder zu und kurz vorm gipfl miassmer umkehrn: a groaße schneeschicht isch ogebrochen und sicherheitsholber kehr mer um. a guater bergsteiger muass a wissn wonn augebn. zumindest hommer eppas getun und es isch a guats höhentrainig fürn negstn tog.
zuversichtlich doss der wetterbericht desmol recht hot, es autuat und der sunntig schian wert verbring mer in nomittog in der hütte pan kortenspieln. i verzicht afn nomittogsschlof, drmit i de nocht sicher guat schlof (wia’s a gwesn isch). af nocht tuats totsächlich au und mir segn zum erstn mol wia es do obn überhaup ausschaug…
in sunntig weckt ins helmuth um 5.15 mit der super nochricht: wolkenlos!
a stunde spater mochmer ins afn weg richtung großvenediger (3.674 m). mir sein zwor net die erstn ober friahzeitig genua unterwegs. es isch endlich a wian frischer, wos in aufstieg erleichtert. die höhe mocht sich schun a wian spürbor ober desmol hot ins der hüttenwirt unterschätzt und mir kemmen schun noch 2.45 h oben un.
BERG HEIL! 
wos ins derwortet isch a super ausblick, der mit dem bild koaner worte mehr bedorf…
no hunderte vun ondre leit vun überoll her erreichen am 27.4 in gipfel und do oben hert sichs teilweise af wia af a piazza. mir geniassn amol in ausblick, stärkn ins für die longe obfohrt und holten olles amol bildlich fest.
flavio und markus hoben für ins an obfohrt eingeplant wo koan onderer oifohrt. also a super pulverschneehong lei für ins!!!
doss mer no amol 1.700 höhenmeter hinter ins obn, merk i glei noch der erstn obfohrt. und i woass doss es no weit isch bis zum auto. ober pa dem super pulverschnea mochts decht an morz spaß und i geniassn jedn schwung – foscht jedn
afn rückweg stärkn mir ins no amol pa der post hütte, bevor mer no amol richtig die orme trainieren und die leschte kroft rausholn, um ins bis zum ausgongspunkt zu schiabn.
und wia es für a märchen a so ghert: ENDE GUT ALLES GUT
mit meine 6 ploter af die fiass wer i no a poor tog zu kämpfen hoben, ober wer a wian a begeisterter skitourengeher isch und de bilder sieg, der woass doss es sich af olle fälle ausgezohlt hot…
und wia es in die tourengeherkreise zum obschluss so schian hoasst:
af die nächste, no schianere tour.
pan start in außervillgrattn hot es thermometer -13.5° ungezoag. ober der wolkenlose himmel, die super schneaausichtn und die schun vun der sunne geküsstn gipfl gebn auftireb. und i bin mer sicher, doss mer glei worm kreagn… überhaupt wenn der stefan vorausgeat.
noch knopp 1.000 m höchenunterschied und 2 1/2 h seimer obn am gipf und bewundern es tolle 360°-bergpanorama… papa fritz hot es vorgezogn, vorm leschtn aufstieg die ski ozugziagn und die haxn für die obfohrt zu schonen. also muass der stefan ins die pusterer bergwelt erklärn (oder zumindescht asso tian als tat er sich bestens auskennen). 
julia
wer hot wos gsog