rossi tomasi

weil’s mit meinem ellebogn viel schneller viel besser geat als mer olle prophezeit hobn (also gibs doch no wunder ) und i wieder fleißig griffe und tritte üb, und es wetter no so super isch, und der schnea sich a af die berge no net hot blickn lossn, hon i mi am donnerstig vun der schwester af piz ciavazes führn lossn.

pa no foscht sommerlichn temperaturn hommer die rossi tomasi route af der südwond vun piz ciavazes in ongriff gnummen.

 

a relativ leichte, ober schiane tour im 3-4 schwierigkeitsgrad.

die route schaug, überhautp vun oben aus, schwieriger aus als sie isch. die schlüsselstelle konn i a relativ leicht meistern. an guatn lehrer ghob

noch 8 seillängen und ca. 2,5 h seimer donn obn.

meiner schwester danke fürs führn und kompliment für deine 1. gführte tour!

back!

schneller als i mer gedenkt hon, verlaft meine ellebogn-heilung

ernüchtern wor domols die diagnose vom dr. tröbinger – „der heilprozess konn a 4-5 muant dauern“ – und selbst der foppa hon gmoant doss des schun a weile dauern wert, bis des wieder in ordnugn sein wert. und am dienstig moant der foppa: „so, des wors! fertig mit therapien. deinem ellebogn geats wieder guat!“

i woass net ob’s drun glegn isch doss i sooo fleißig wor, doss der foppa decht wunder mochen konn…
… doss mein körper gwisst hot, doss i es mit der geduld net so hon…
oder i hon glück im unglück ghob, weil  sich der knochn noch 2-3 sec. wieder selber eingrenkt hot und so es ereignis medizinisch gsegn a net so traumatisch wor.

wos zehlt: mein ellebogn isch FOSCHT wieder der olte (in 2-cm-ormunfong-unterschied amol ogsegn)

obwohl der tröbinger gmoant hot i soll weiter net viel tian (der woass net doss i fleißig pan foppa wor) und jo koan sport, hon i die meinung vun foppa bevorzugt und wieder ungfongen mit lafn und radln (und muass ernüchternd feststelln wia tief meine formkurve gsunken isch )

der foppa hot sogor gmoant i konn mi a wieder afn felsn traun!    nix außerordentliches testn, ober die leichtn routen sollatn meisterbor sein.
wenn lei es wetter wieder a wian besser wert (seit muntig regnet’s foscht jedn tog) kannet i testn wia es mit kroft und gfühl in die finger steat…

zum kletterurlaub nochholn fühl i mi decht zu schwoch. so holbe sochen hommer nia gfolln… also liaber af negschtes johr verschiabn und donn voll do!

jetzt haoßt amol:

- muskel aufbaun
- formkurve noch obn kurbeln
- klettergfühl weider herzaubern

welcome to paradise!

seit a 2 wochn isches so richtig summer. oan tog schianer ols der ondre! do follt es orbatn schun um einiges schwarer. weil im büro huckn zu miassn wenns draußn so richtig summerlen tuat, tuat schun weah…

… und donn kreag men vun kollegn und freinde no sms-grüße vun olle meglichn gipfln, do kribbelt’s pa mir ordentlich in die haxn.

deswegn kimps in oan UND ondren tog schun vor, doss i in pc a wian friaher ausscholt und weg bin i.
radl, kletterpotschn oder laufschuach… hauptsoch aussi! 

mit foscht 29 johr bin i endlich amol mitn radl af raschötz gfohrn, stevia und pra da rì glsuchtn mi ollemol wieder, und schunst gib es no soooo viele schiane platztn wo men oanfoch amol vun olle leit fliehen konn und die ruhe geniaßn. es gibt für mi koa bessere medizin gegn stress und schlechte laune als „meine“ berge.

am sunntig wor i mit der schwester in die belluneser dolomitn, genauer gsog af der tofana die rozes, augstiegn durch’n lipella-klettersteig. jeder begeisterter kletterer wert der bestätign, doss des gebiet zu die schianstn af der gonzn welt ghert. weil in ausblick den men vun do oben hot isch gewaltig: 360° berge!

… und pa de schianen obende, de mer grod erlebn kennen muass i donn oftamol a lei unholtn, es super panorama unschaugn und in augenBLICK geniaßn: welcome to paradise!

superbike – die 2.

jo, grod viel km hon i huier in die haxn net ghob, hon mi zu oft zwischn klettern und radlfohrn entscheidn miassn, und soooo oft wors af nocht a net schian, doss men die wahl der qual ghob hot. ober des soll olls koa ausrede sein! zeit zum trainiern muass men sich lei nemmen. und es gibt jo bekanntlich koa schlechtes wetter, lei schlechte kleidung.

eigentlich hon i mi a net so letz gfühlt und doss es a wian a strapaze wert, des hon i jo vun vorign johr gwisst. ober weil es vorige johr so toll wor, wors ausser diskussion doss mer huier net wieder mit mochn.

vor a munat bin i mit der kate amol die strecke ogfohrn, weil sie huier jo in die ondre richtung gongen isch, und des wor amol schun guat zu wissn wie de isch und wos mi desmol derwortet. die strecke hot mer huier besser gfolln, a wenn die vorjohrsstrecke meiner phyischn verfossung besser entgegn kemmen isch.

doss es nochn „falso piano“ vun tobloch richtung platzwiesn donn a wian krieseln wert, hon i mer schun gedenkt… im gegensotz zu vieln ondren pedalier i jo die gonze zeit über meiner anaerobischn schwelle (!!!). ober bis ins ziel hon i’s gschofft und sell isch a schun eppas )))

hueier hots donn koane überraschungen pa der leschtn obfhort gebn, a wenn mer die leschtn mini-steigungen no amol in rest gebn hobn. ober i bin hoal ins ziel kemmen, und des isch (pa mir) jo a net sooo selbsverständlich…

zeitlich isches schwar zu sogn, ob i besser oder letzter gfohrn bin als leschtes johr. hon jo ungfongen gezielt meine ausdauer-basis zu trainiern, zumindescht tu i so als ob. ober noch 2 munat wert men do no net viel merkn, des konn i worscheinlich erst negstes johr beurteiln….

… negstes johr!?!?! … jo, sicher wieder dabei!

kroftbündel

„fräulein, sie sein so a richtiges kroftbündel“, des wor der erste kommentar des ortzes dr. stefan resnyak noch der drurchführung des  tests zur leistungsdiagnostischn traininigskontrolle.

für de wos koan ohnung hon, des isch – gonz salopp ausgedruckt – a test, den men unter onstrengung afn ergometer oder lafbond druchfühft und jede 3 minutn werd die intensität gsteigert und werte wia der blutdruck, die herzfrequenz und der lactatwert gmessn.  getretn bzw. pedaliert wert (foscht) bis zum umfolln.

es resultat isch a genaue messung der eingenen körperlichn fitness, mit ongobe - getrennt fürs radl (mountainbike oder rennradl unterschiedlich) und fürs lafn – der herzfrequenz in der men sich im aeroben und anaeroben bereich befindet. kurz gsog hon i’s jetzt schworz af weiß, wie tiaf mein puls sein soll, wenn i ausdauer trainiern mog.

der test isch gonz a perige soche und in obschlussbericht und die erklärung drzua bzw. die richtign trainigstipps hon i schun glei mitkreag.

i bin kerngsund, mein herz schlog regelmäßig (isch jo net pa olle asso) und bin körperlich fit.

eigentlich hon i des jo irgendwia schun a wian gwisst. doss es mit meinr ausdauer net grod rosig ausschaug, und doss i a bessere figur moch wenn i an 400 m lauf als a marathon bestreit…

mein lactatwert vun 11,2 hot er ober globt. onscheinend sein net viele fraun de den erreichen…  kroft hon i für a „normale“ frau a mehr als genua und er hot gmoant doss i net grod schemerzempflindlich bin bzw. oane, de schun die zähn zombeissn tuat.

wenn mi jemend also in der negschtn zeit also amol gonz longsom und gemiatlich radln sieg, net auslochen, des isch TRAINING!