la furfejidles al felsenkeller

sun nvit de flori y luis ie la furfujidels adum cui snec, n valgun maestri de schi de sëlva y l cunsëi dla lia da mont stai n merdi tl felsenkeller dla laimburg. per ngrum fovel l prim iede ala laimburg.

do ma „pitla“ ntroduzin de luis ntan che ciarcian n valgun vins blanc y cueceni y avei vijità i ciuleies dla laimburg, nes aspitova n buffet de aufschnitt y ciajuel y roba dëucia.

l ie stat dret nteressant udëi chesc post y luis nes á dat na bela lezion de retorica

do che ntan l instà sons stai mpue peighri y nia boni de meter adum n dì de roda o da ji samont, fovel ben ëura che la grupa se abinessa inò. bel al törggelen ai 14.10 se ova abinà na bela cumpeida. y enghe n merdi se à abiná scialdi deplu furfujidels che i mierculdis canche se ancunton per jì a sauté. ilò stentons mpue a abiné furfujidles de ueia de fe mo zech do l lëur. ma udron pona canche scumencion inò l ativitá dla peves sce y coche l se à paià…

welcome to paradise!

seit a 2 wochn isches so richtig summer. oan tog schianer ols der ondre! do follt es orbatn schun um einiges schwarer. weil im büro huckn zu miassn wenns draußn so richtig summerlen tuat, tuat schun weah…

… und donn kreag men vun kollegn und freinde no sms-grüße vun olle meglichn gipfln, do kribbelt’s pa mir ordentlich in die haxn.

deswegn kimps in oan UND ondren tog schun vor, doss i in pc a wian friaher ausscholt und weg bin i.
radl, kletterpotschn oder laufschuach… hauptsoch aussi! 

mit foscht 29 johr bin i endlich amol mitn radl af raschötz gfohrn, stevia und pra da rì glsuchtn mi ollemol wieder, und schunst gib es no soooo viele schiane platztn wo men oanfoch amol vun olle leit fliehen konn und die ruhe geniaßn. es gibt für mi koa bessere medizin gegn stress und schlechte laune als „meine“ berge.

am sunntig wor i mit der schwester in die belluneser dolomitn, genauer gsog af der tofana die rozes, augstiegn durch’n lipella-klettersteig. jeder begeisterter kletterer wert der bestätign, doss des gebiet zu die schianstn af der gonzn welt ghert. weil in ausblick den men vun do oben hot isch gewaltig: 360° berge!

… und pa de schianen obende, de mer grod erlebn kennen muass i donn oftamol a lei unholtn, es super panorama unschaugn und in augenBLICK geniaßn: welcome to paradise!

1. skitour 2009

am 31. jänner

…pa de schneaverhältnissn und pa dem wetter höchste zeit!

also hoaßts um 5.30 aussi aus die federn und in longen weg bis ins hoachpustertol unzutretn. weil der stefan hot ins a super tour  pa ihm drhoam versprochn… (fürs schiane wetter sorgn die sybille und i )

pan start in außervillgrattn hot es thermometer -13.5° ungezoag. ober der wolkenlose himmel, die super schneaausichtn und die schun vun der sunne geküsstn gipfl gebn auftireb. und i bin mer sicher, doss mer glei worm kreagn… überhaupt wenn der stefan vorausgeat.

eigeintlich wor es gaishörndl gaplant, ober an insider hot ins grotn, in worscheinlich überfülltn gipfl zu meidn und afs nohe gelegene toblacher pfanhorn (2.663 m) zu steign. überredet! 

noch knopp 1.000 m höchenunterschied und 2 1/2 h seimer obn am gipf und bewundern es tolle 360°-bergpanorama…  papa fritz hot es vorgezogn, vorm leschtn aufstieg die ski ozugziagn und die haxn für die obfohrt zu schonen. also muass der stefan ins die pusterer bergwelt erklärn (oder zumindescht asso tian als tat er sich bestens auskennen). 

gipflbussl, a kloane verstärkung und a gipflfoto… donn frei mer ins af die tolle obfohrt und hoffn af viel no unbefohrene fläche. die verältnisse sein super, besser kannetn sie net sein! stott a viel ogfohrenem hong wortn no a  jungfräuliche rinne, toller pulverschnea und beste voraussetzungen für a super obfohrt zum geniaßn!

untn ungekommen zoag der thermometer olm no -9° un, ober kälte spiart im moment koaner vun ins

papa fritz lodet ins no af a poor nudln in, der stefan mocht ins a kloane wohnung- und stodtführung durchs wunderschiane innichen und zoag ins wo’s in bestn café gib, bevor mer donn noch an ausgiebign ratscher die heimreise untretn.

… a super tog! (es friahe austian hot sich wieder amol gelohnt)

wondern in südtirol

 

  www.trekking.suedtirol.info

für olle begisterten wonderer gibs jetzt im internet an interessante seite 

do konn men sich olle meglichn touren in südtirol grafisch und bildlich dorstelln lossn und olle meglichen informationen olesn.

mehr infos zum projekt des AVS gib’s do

radlwege in südtirol

in somtig wor no die heirige leschte skitour geplant, ober die nocht hot mein mogn a 360° schleuderung durchgführt und i hon mi donn net drüber ausgsegn a 2.000 höhenmeter tour af die königsspitze in onspruch zu nemmen…

weil es wetter ober so schian wor (endlich frühling!) hon i’s donn decht net lossn kennen und es radl hergnummen.

wollt amol in radlweg vun atzwang noch bozen fohrn und bin donn no bis noch koltern in die pedale getretn. mit an laarn mogn tretet es sich jo leicht… ober a lei bis zu an gewissn punkt   der radlweg isch perig und i frei mi schun, wenn amol gonz südtirol durch so a radlweg verbundn isch, ober a wian gsport mitn teer homse schun… hat sicher ner viel mehr gekostet, in radlweg 3 stott lei 2 m breit zu mochen

die fleißigen trainigs mit die torenski im winter hom sich positiv af meine rad(kondition) ausgwirkt, ober weil i in freitig af nocht schun a wian vortrainiert hon, kennts enk guat vorstellen doss i zulescht liaber afn radl gstondn war als ghuckt ;-)

 

ps: zum thema frühling: wenn es stimmt doss mer in südtirol 300 sonnentoge im johr hobn, donn hommer huier gaute kortn, doss es a super summer wert, weil 25 vun die (heurigen) 66 regentoge hommer (im april) schun hinter ins.