es lebe der klimawandel!?!?!?!

zuagegebn: i bin schun gor koa fan, vun dem gonz  – meiner ochtens noch – ibertriebenen klimawandl-panik-getue, und konn de meteorologn nimmer hern, de ins mit imenen klimawandl-theorien vollabern, wenn in die nochrichtn schunst nix spektakuläreres zu berichtn isch. 

schun vor 30 johr hot men prophezeit ghob, doss es im 21. jahrhundert af 1.500 m koa schneagebiete mehr gebn wert, ober wenn men heint so außn fenster schaug, donn kreag men schun gonz an ondres bild zu segn. und frogs amol heint die boazner wia viel sie im huirign winter in klimawandl zu spürn kreagn…

i bin jo net vun foch, ober es hot zwischn die eiszeitn wohl a johre gebn woa es wärmer und donn wieder kälter wor, oder wia hot sich schunst die zeit zwischn die eiszeitn entwickelt?!?!?!

wo sein de tog de gscheidn, de ins die leschtn winter olm gwellt hobn beweisn, doss sie jo so recht hobn und doss die statistikn klore worte sprichen?
amol hoasst es isch der wärmste munat seit x johr, donn wenns für 15 tog saukolt isch, donn hoasst, es ich ober überdurchschnittlich trockn… und huier… hallo?!?!?!

ps: i frei mi holt schun af mein negschtn frein vormittog zum tiafschneafohrn… alla faccia vun klimawondl!

schneasnowneifschneasnowneifschneasnowneif…

huier fong der winter amol ordentlich, na besser gsog, bombastisch un…
schun ende november hot sich ungedeitet khop, doss heier die saison so richtig unfongen konn. tiefe temperaturn ob mitte november und der erscht groaße schneefoll wie bstellt ende november. (und trotzdem hobn sie’s in gredn net gschofft ende november di lifte auzutian… wenn der wille fahlt….). doss mer vor weihnochtn schun a meter naturschnea zomkreagn, des hon i no nia miterleb…

vun wegn klimawandl, trockene winter und koa pistn mehr af 1.500 m! insre gscheiden meterologn hert men de tog kaum

de leit de zur zeit do in gredn sein, hatn sichs net besser bstelln kennen. grod zurecht hon i zu s. ambrogio 3 tog frei ghob und de bestens ausgnutzt um sksiskiski zu fohrn. mein tata lieg mit 3 gebrochene rippen in dr stube (isch im gschäft pünktlich zum winterunfong vun der stafflei gekugelt), meine mama fleißig im gschäft und i hon foscht schun a schlechts gwissn…
ober i hon jo a fleißig schneagschaufelt. im dezember tuat men es no gern…

grod no drtun

jo, des mitn klettern in die dolomitn hon i grod ne drtun. weil wenn men sich jetzt asso de bilder unschaug…

minusgrade zu mittog af die gipfl, herrlicher sonnenschein ober für die johreszeit saukolt: do kribbelts pa mir schun in die haxn. die ski sein jo schun gwachselt und wortn lei wieder hergnummen zu werdn…