Archivio per giugno 2010

29
Giu
10

mountainbike full immersion week-end

n sada fovela tan inant! no che l temp essa gran judà pea per trainieren mo sciche se toca, ma me sentivi ben mpò bendebo fit per ti vester a chisc 4 pasc off-road!

n juebia danmesdì sons mo n iede furneda su nchin sainsom dantercepies per me render cont che l ie propi l toch plu zach 😉 ma almanco savovi avisa ciche me aspitova. ma la ti jiva pu a duc medemo. l depend cun ce filosofia che n pea via y adide zachei: se abbiamo dubbi partiamo a manetta e poi… diamo gas!

de gherdëina ne fovel nia ngrum de scric it y me sentivi pa belau mpue na “polla” a fe pea coche “cicilista per caso” 😉 ma nia fe pea me essa mpò sapù sciot, perchel fovi ala fin ben cuntenta de vester tla griglia de partenza y giatè pea de prima persona duta l atmosfera.

piei via sons per fertuna da fundament. chel à ënghe judà a ruvé sul prim pass. eh udù che l fova ngrum che sburdlova y ti la dajova su scialdi dan me. ie me sentivi bendebo ben y nchina puech dan ruvé sul pordoi fova la giames ben mo da pudei avëi 😉  ne uei niancano savei ciche me ei dut tucìà it canche semiova che la ne jissa nia plu, ma cla polver blancia à pona ënghe mo judà su per l ultimo pass.

la ne à nia gonz butà nchin ala fin. ei sbujà l pirm iede puech sota l jëuf de sela (canche minovi bel de me l avei caveda!) y pona mo n iede puech dan l comici. y ajache oi me pea 1 n cambio y ne fova deguni amanonder (che essa povester pudù me de na nueva seele o me judé a l cuncè – ie sei for mo massa puech n eut) ei messu ti la dé su. sciot! tan puech dan la fin.
coche temp foi pa niancano metuda tan mel (per me). ulove ste sota la 6 h y me nmgini che essi abù nia avisa 5.30 h.
mi travert de ruvé ala fin cun mi giames ne ei nia arjont, ma almanco possi dí da avëi dat dut.

y pona sei che possi me fe miec n auter ann 🙂

l temp ne essa nia pudú vester mieur. beliscimo temp, ciaut da nia messei se tré seura a furné juvier, ma for mpue da aria. ie ovi bendebo n bon di. duc la tulova cun filosofia y n se fajova anspornen a vicenda. a fe gara tuchessel for da vester nsci! 😉

mi cumplimenc ai urganiadeures per la prima edizion de na gara, che à dessegur l potenzial de crescer ti proscimi ani (son dessegura che tl 2011 ne n saral n struf deplu che i 500 da chest’ann) y à chiche à abú chesta idea.

bel kate, che ie stata sota la 5 ëura y à venciù tla categoria (ulache fan me ëila y ie 😉 ), ma enghe te ndut se ala batù ben.

a mi me feji i cumplimenc, ajache me ei udù sëurora de fe pea (che ngrum ne se essa nia nmaginà).

n dumenia foi bel pieda via per jì a lauré, ma canche ancuntovi duc chisc da la roda, me ei pensà che ne me posse pierder l sellaronda bike day da n tel temp.
perchel ei dat ëuta ora l diamant, ei cuncià l “potc” y da la 9.15 foi inò sun roda!!!
me oi teut dant de fe l prim pass y udëi pona ciche dijova la giames. ajache jivi bendebo locker, me l ei caveda ai fe duc 4 te 3h50, ënghe sce dal pordoi inant ne savovi plu co ste senteda cun roda 😉 ne sei nstessa nia da ulache ei teut ca la forzes y l energia, ma bonamenter fovel l autra 14-15.000 persones ntuer al sela (chesta zifra ie povester mpue auta, ma dessegur ne n fovel ngrum) y l savëi che dal lunesc sentovi inò per 5 dis n 8-9 h dan cómputer.
ma pona foi pa ben cuntenta canche son ruveda sun sela y la furfejidels aspitova cun n taier de pasta su da zeno. ngrum ne à nia fat l giro, ma nchin ala fin se ova mpò abinà mpue de jent cassú – ni ame furfejidles.
y ajache l fova tan n bel dì sons permò furnei ju canche i pasc fova inò davierc.

sce i pasc fossa plu suvenz zarei jissen ben mo datrai da tlo su. zenza cla fuera y cl puz iel pu n lusso! (monc per ciche va a crëp). y per n auter ann me anjinirei ben ënghe ie na roda da streda…

16
Giu
10

fin dl ena da avventura!

ulan bel l fé da mpez y n sada ons abinà l dre dì. dan fé la gara dla rodes ulans ben n iede jì a se cialé ju ulache on da furné.
cula segnaletica fovela ben scialdi stlete y a corvara jans’a belau perdudes. ajache la ne ie nia bel longia assé, se ons pensà de taché mo leproò n toch 😉
se ne me essi nia mo scrit it, ne savessi nia sce l fajessi mo, ma sen iela fata! perchel vala me de se anjinié cà, tla giames y tl cë!
chiche uel savei coche la ie (y coche n se sent ntan y daldó 😉 ), muessa ben ji nstessa a fé l giro, ajache chesc possen giudiché me sce n ie nstessa jic a l fé.
ie muessi ben dì. “chapeau” a duc chei che fej pea la longia! y brava polla julia per avëi abú l idea de fe pea !!! 😉

scherzi a parte, muesse ben dì che l giro curt ie per me bel l limite. y l dì do ne essi per nia al mont ulù messei senté su sun roda.

sen sei ciuldì che l à inuem sellaronda HERO ! 😉

ajache la previson per l ena ne fova nia dla mieures y n dumenia danmesdì semiova l temp mo bon, son jites sun ciavezes a fe la pitla micheluzzi (iust per auslockern mpue la giames… ;-)). la via oi bel fat l’ann passá n iede, ma ne me la lecurdovi pa nia plu dre… 
ajache d’autonn me ei fat mpue de cultura dl ji a crëp  savovi almanco chiche ël fova y canche la via ie stata giuarida.

n cumpliment a kate per si prim iëde ji-da-prima sun na via (zenza zachei dlongia che cuntrulea o dij co fé)
y adide kate, cumplimenc a giul, che la se à nfidá a unì pea 😉

ciche on mparà: la va for de vester pa l einstig almanco da mesa la 9, scenó se vala coche n dumenia. fé coda a pie via y tres su messei aspité che chiche ie dan te se decide a jì baiter… belau che se giatan mo la jeta, ajache do l 5 tiro ons messu fe na pause de 45 menuc!

ala fin à dut butà, enghe sce sons ruei a cësa n 2 ëura plu tert che ne minan y cun na drëta fam!
(deventa pa belau mpue n viz 😉 )

dassëira essa l fin dl ena mo messú se stlu cun n bel fuech de sacro cuër. ma ajache l ne á fat nia auter che pluei danter la 18 y la 22, se ons acuntentà de na pasta y a cialé la partita di tudesc ora da rita.

10
Giu
10

na bela raida cula mountainbike

de n 40 km ca.

cësa – Col Raiser – Sacun – Urtijëi – Sabedin – Iënder – Saltria – Zallinger – Mont Sëura – Sasslonch – Pozzamanigoni – cësa

daldò ie senté te büro niancano plu taaaan grave 😉

10
Giu
10

na bestia!

oltra a avei na memoria sciche si mami, vester na bestia de fe puzzle (siche tante giul!), y savei che l dá n cacciavite a stella y un piatto (!!!) 😉 ie nosta marisol cun nianca mo 3 ani monc na bestia de dessenié… 

marisol che va cui sci (mei 2010)

04
Giu
10

Wenn der Wind des Wandels weht…

 Wenn der Wind des Wandels weht, bauen die einen Schutzmauern, die anderen Windmühlen.

Chinesische Weisheit

02
Giu
10

sellaronda hero

… giut alalongia ei dit de no, che ne feji nia pea la gara, ajache la me sa massa longia (per na gara) y ne ei mo mei fat l giro, savan nianacano coche y ulache la va.
ma pona… me cunescian, me sal mpò mo sciot, canche n chel di possi “me” ste a cialé pro…

perchel me ei mo scrit it, last minute, ai 31 de mei, y sen “gibt’s kein zurück mehr!” 🙂

la ve ME plu de trainieren (speran che l venie tosc ansciuda ënghe te gherdëina) y de vester mpue in forma per i 26 de juni per puchené duta la raida.

… y n chel dì pona se dessene per avei abu chesta splendida idea de fe pea, canche n ie nzaul danter l ciaulonch y l sella y n giata la prima dreta crisi… 😉




giugno: 2010
L M M G V S D
« Mag   Lug »
 123456
78910111213
14151617181920
21222324252627
282930  

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie