Archivio per aprile 2011

23
Apr
11

BONA PASCA

 

… und viele nette überraschungen.

13
Apr
11

inviern o instà?

chesta domanda me ei fat plu suvenz tla ultima enes.

l ie bel n 2 enes che l fova temperatures coche les ne ie niancano for de lugio y agost. canche n leva daduman per ji cui schi y l termometer mostra da la 7 daduman 8 gradi +, pona se damanden ben sce n ie mo tla dreta sajon.

l ultim’ena fovi duta l’ena via corvara cui schi, ma la temperatures fajova plu gola a to ca la roda. la neif stentova a tre seura de nuet y do la 11 via furnoven bel te certa jufes amanonder. condizions nia propi ideeles per l curs da maester de schi, livel or.

n sada cui schi nchin la 1, pona cun kate ju ala sanvit a eppan a lascé cialé do la rodes, a cumpré n conta-km per mi roda da rennen y 1,2,3 pronta per pie via! n dumenia pona sons jites a fe l prim (per me) giro. da pruca su a vahrn, aut it, da tluses baiter aut it y po ju a pruca. 2h15min y 50 km. ce mel al cxxx! 😉

ncuei ulovi enghe tò ca la roda, ma cialan l meteo arabba me univa bel mpue l dubbio sce l fova la dreta decijion. dre adret cherda su manuel per damandé sce fossi da avëi damesdì, che el se pensova de ji a fe la furcela dl dent y chela de sassplat… DABEI! 🙂 🙂 🙂

ncuei pions pona via da la 7 daduman cun  -8 (!!!) gradi sun jëuf de sela y n vent che fej sentì la temperatura mo da n valgun gradi plu bassa. bon che ove mo nia lavá mi piumino. l vent ne ulova nia lascé do y l suredel ova enghe mpue la varizia. puec fova i mumenc ulache n se stajova propi ben. l prim iede chest’ann ei adurvá na cazina, la mances de pile y l piumino dla furfejidles enghe a ji suvier! 

gran polver ne ons nia urtá, ma la ie ben jita. y se on gudù la gheneda (strano che ora de neus ne fova deguni ncanteur da chel eura 😉 ) y l bel panorama che n ova ncuei da ches damesdí tan tler. ala fin ons cris ora de nia auffellen mo n iede per ji su sun furcela de sasslonch. son pona piei juvier de viers de monte pana, tenian aut via per ruvé ja tramans y ji n toch a pé dan ruvé via pra la sasslong y furné ju pona ja ruacia ulache an l segondo auto.

japé ei pona mpò mo ciafià a sué, ma scenó me ei ncuei durà dut chel che ovi pea. ma bel iel stat! 🙂 ne esse mpò nia ulù mudé cun senté dut l damesdì dan l computer.

ps: d’instà semea ne uniral nia plu tan presc, ma ajache ie ei mo 2 enes de curs da maester de schi iel per me ben dret nsci.




aprile: 2011
L M M G V S D
« Mar   Mag »
 123
45678910
11121314151617
18192021222324
252627282930  

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie