Archivio per 31 luglio 2011

31
Lug
11

l capriz de börz

ncuëi me ei parà l capriz de furné cula roda sun börz.

me ei cris ora de furné a persenon y da ilò su da s. andrä, afers, börz, ju a s. martin, su per i badioc, jëuf de frea y de reviers a cësa.

chesc ovi bel giut tl cë y ajache l temp fova bel, ma de jì samont ne ovi nia gran ueia, me ei pensà che l ie n bon dì.

muessi ben dì che la me à sapù feter longia a ruvé sun börz. me savova che l la trajova bendebo n lonch. canche son do (a misavova bel) giut ruveda a afers i lieji würzjoch 17 km po sci me ei pensá “bela pulenta!. dailò pona for inò via y via y su y ju y via y pona mes’eura plu giut che ovi pensá ruvi son börz. gran da maie ne me ovi nia teut pea, perchel miec tlamé a maié n toch de teurta. ZUCHER!

do ju po’ a san martin. y ilò inò la sorpresa che la fa mo ni ede suvier dan ruvé ju 😦

da san martin po’ nchina la ila jivela. plu saurì che ne me pensovi. da corvara pona ne me savova che la ne finova mei (y me bon che cunesciovi la streda sun jëuf), y son ben jita mpue in crisi. ma l ce dur y l ulei finé l giro ne à nia lasciá pro che cherdessi “l taxi”.

ala fin plateda, ma do 124 km y passa 6 h sun roda, possen chel ben vester…

duman? me nmagini belau paussé 😉




luglio: 2011
L M M G V S D
« Giu   Ago »
 123
45678910
11121314151617
18192021222324
25262728293031

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie