Archivio per 31 dicembre 2011

31
Dic
11

mi pensier per l 2012

dut semea for tan scontato. o povester sons propio nia plu usei a dì la robes. o iel pa nsci che ne ulon nia plu les dì ajache… minon che l ie pu eh dut loghisc, se daudon a dì nosc sentimenc o ajache on tëma de coche l auter fej reagieren.

l ne se trata nia de dì for ciche n pensa, ma propi DE DÌ. ciche n pensa, ciche n uel y coche n veigh la cosses, ma dandaldut dijons tan dinrèr ciche sention.

canche la ie po’ tan inant o canche l ie bel massa tert, pona ulessi dì 1.000 robes. ma ne sei nia ce dì dant y ce daldò, co l dì, sce dì dut o me zech y sce l ië l dre mument/la dreta situazion per dì la robes che essi bel messù o ulù dì dagiut. y po’ vala a finé che diji puech y nia.

suvenz ons tëma de dì de massa, ma ie rate che dijon belau for massa puech…

ne dijon nia sce zech ne va nia ben. mpede se la rujné ora se tenions dut laite y ne stajon perchel nia miec, anzi.

ma ënghe sce zech nes sa bel y nes fes ste ben, tuchessans – almanco uni tant – a l dì. o propi iló.

ne dausson nia pensé che l ie for dut scontato y che l auter sà o capesc pa ben o che l ne ie pu nia mpurtant a dì ciche sention. l ie bel y fej bon – chel udons pu da neus nstessa –  sce zachei nes dij zech da plajëi. ënghe zech che povester savans bel, ma l audí fej for bon. y sce n ne se la aspieta nia, po’ fejel mo plu plajëi.  datrai basta tan puech per fe garaté l dì a l autra persona.

per l 2012 me toli perchel dant de dì plu suvenz a chei che me sta daujin “de gra”, “te ei gen”, “me fes ste ben”, “me sa bel cun te”.

Annunci



dicembre: 2011
L M M G V S D
« Nov   Gen »
 1234
567891011
12131415161718
19202122232425
262728293031  

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie

Annunci