Archivio per marzo 2012

25
Mar
12

provare per credere

mei me essi pensà che chesc inviern fossi mo furneda ju per la val mesdì.

l curs de 3 dis da freeride ne ai nia pudù (o ulù) spusté nzaul ulache l fossa stat plu nëif y dessegur mieura condizions. ma mpò se ala plu butà che pensoi.
tan burt y da nibl che on abú n lunesc, tan bel ons pona abú i autri 2 dis 🙂

y mei me essi nfidá a pensé de abiné tel condizions saisom la marmolada (ai 20.03.2012):

chesc me ova bel salvá l ena!  🙂 🙂 🙂

l dí do pona convinti de ji a fe la val mesdì. do se avei “sciaudá it” mpue via arabba y belvedere (sce n va a crí pona possen abiné mpue de polver belau dlonch ora 😉 ), su cun la pordoi y pona via a pe. bel ilò cialovela ora miec che ne pensovi y me ncunfertovi bel sun inò n valguna raides tl polver. y nscila iela ënghe stata. nia da cunfrunté cun autri ani, ma nchina mez niancano tan mal, daldó mpue da meter a verda de nia fe massa druch sui sasc, ma tres ju da pudei lascé sëura i schi.

tan basses che l aspettatives fova, tan butà se ala mpò mo y tan plu bel iel po’ stat.
y mi schi ne cialova ënghe nia ora scialdi piec de coche i porta de reviers i senieures canche i furnea (me) sun pista 😉

la medema aspettatives ovi di 3 dis de freestyle cul kronplatz. sauc y tel roba ne ie mei stat zech ulache me sentivi tan a mio agio.  ma chi essa pa dit ciche vedi mo a fe cun 31+ 😉 na hetz a furné fakie, n saut 180 y n slide 360 sun na box … giaté inò mpue de gfühl de vester per puec secunc per aria (ie che sauti/sautovi for ngert) …

n ena che ie stata scialdi mieura de chela che la se perspettova 🙂

y ne si nia sce l ie la filosofia dl telemark, o avei fat do giut n iede n ena mpue easy dut nteur, ma – almanco tl ce – ei superato la stanchezza.

22
Mar
12

ultima raida

n beliscimo dì de polver sula marmolada n merdi y inier damesdì l acido lattico tla giames bel a fe chi 3 vares tan pie ju la val mesdì: la mieura perspettives per finé via n miec la raida ladina 😉

almanco savovi bel danora coche la stajova (mi forma jiva bel da n 10 dis complet dl fauz viers) y cun chesta filosofia sons pona ënghe pieda via. cialé de avei mo mpue de fla sun plan de gralba, che da iló iel ben mo n toch 😉

l’ann passá fovi per 14 sec. nia stata sota l ëura, ma savovi che chest’ann ne ovi deguna chance de me bater. y chel nia mer per la nëif plu lenta. pieda via sons easy peasy y su y su ei pona cialá de tenì n ritmo, che fossi stata bona de ruvé nchina sal salëi zënza ji gonz in crisi.

ne rati nia de vester jita in sovrallenamento, ma me sentivi dut nteur stancia, de giames y de ce (y foi pa me cuntenta che la gara de walter nones n dumenia ai messú desdì). la ie pa ben nscila che à dat ora chel che me pensovi ben che suzedessa chest’ann dant o do.  tra l curs da maester de schi, l training mo danter it, jì a judé ora tla scola canche i n ova debujen, unì tant 😉 mpue cula peves y magari cialé de ji almanco n ied al ena te palestra a destré i deic… scenó mo uni sort de pensieres che me gira al muemnt ntuer al ce … y chesc dut mo dlongia n fulltime job da 45 h al ena.

me ei perchël teut dant de ti dé mpue la bones ti proscimi dis, ajache fineda ne iela per me mo nia…

10
Mar
12

liberiamo la mente, poi liberiamo il tallone!

l’à mpò durá plu giut, che ne essi ulù, ma ai 8 de merz me ei fat na bela legreza: (danter l trainig ti pali y mi torre) via da renato a crí ora y montieren sun n per de schi da freeride la massaria da telemark 🙂

logisc messovi pona ala prima ucajon i prué ora.

do che kate me á ncuei coche prim ciaciá ju per la 3 y la sasslong, me l ei daldò mpue plu goduda sun plan de gralba, gran paradiso y sotsaslonch.
la nëif fova ideal, nianca dlaceda o dura daduman, l temp mo de plu y sun la pistes mpue plu da plan ne jivela pa niancano tan mel.
ma ei ben dit ala moni, che adrovi umbedingt mpue de scola. po’ me ala respundù

liberiamo la mente, poi liberiamo il tallone.

mi piace 🙂 🙂 🙂

da marende pona via verso belvedere a ti ji ancontra a cheles dala sellarunde y pona a maie zech sun rodella. iló me ei danz adurvà duta la pause de 2 h (!!!) per avëi mo mpue de forzes da fe n 3 raides ënghe domesdì.

… per pudei pona da la 5 prué ora coche n paussa sul nuef canape 😉

10
Mar
12

festa via i badioc

sula gara via san ciascian sun piz sorega possen for se ncunferté.

l ie la garda dla radia ladina ulache:

  • l ie l plu jënt che fej pea y ngrum just for fun
  • ngrum se ten su gen mo giut do la gara sun hitia, ajache l ie for na bela festa cun mujiga dal vif y na dreta stimung

chiche sa, se sparania perchel for mpue de forzes per balé 😉

a eh, coche ië jita la gara? chest’ann savoi che n ië plu asvelc a to ju la peves i ultimi 200 metri y pona sons IE stata chela che ti ië jita dant a 10-15 persones 😉
ma ne me sa nia da creier che ei abú plu giut che l ann passà (povester sons mpò dut nteur plu stancia de chel che uei udei it) y ne ei nia capì ulache i à teut l temp, ajache risulti do jënt che son dessegura che ti son jita dant 😦

07
Mar
12

Like

Der beste Weg, einen Freund zu haben, ist der, selbst einer zu sein.

– Ralph Waldo Emerson –

06
Mar
12

inò inviërn

do temperatures y n temp che assan gen ala fin de auril y na dreta stimmung da “la va a piz”, per fertuna mo mpue de inviërn 🙂 🙂 🙂

02
Mar
12

n tel un à dit n iede…

Qualunque cosa tu possa fare, o sognare di fare, incominciala.
L’audacia ha in sé genio, potere e magia.
Incomincia adesso.
(de gra a chiche me l à mandà)



marzo: 2012
L M M G V S D
« Feb   Apr »
 1234
567891011
12131415161718
19202122232425
262728293031  

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie