Archivio per febbraio 2013

28
Feb
13

go fat or go home

… coch dij diego 😉

2013-02-28 11.12.17

ala val mesdì ti oi chest’ann bel giut la gola. cun duta cla neif che l à fat, sce n la fej nia chest’ann po canpa?!?!

l ultima enes ne ovla mei dre butá che do na bela nevera ne oi nia la poscibeltà o temp assé da muever, ma ala prima chance… ready? go! (go fat! 😉 )

l temp semiova sosolala, ma savoi che la neif messoa vester super y speroi che ti ultimi 2 dis ne fova nia ju iust la masse.

coch al solito 3 bidons (duc for decisi cank n rejona, ma pona canch la se trata…), ma danz ustineda y sgurseda sons pieda via daseula ncuei daduman.
ovi bel na dreta picia de to ca mo n ied i schi de sylvia, che al mument se god l mer y l crëp tl newzealand.

l suredl semiova ben avei mpue plu la varizia di ultimi dis, y povester l nibl sainsom fova l motivo che ne foa tan che deguni via per l sella.

2013-02-28 10.54.57dan ju dut bel furnà ora y a cialé ju feter da grosta, perchel direct via verso la val mesdì.

ajache l foa scialdi me spuren da schi per chi puec che jia a pe a tòc na fetra struscia, che n jiva sot nchina jai snodli (… y nia me ie 😉  ), ma tei dis san ciuldì y per ce che n fej trainieren dut l ann 😉

2013-02-28 11.20.47 y pona la sorpesa a rue via: DEGUNI!!!

da sainsom nchin japè freie fahrt! 🙂 🙂 🙂

deguni che taia la spur, deguni che ie te mespies y deguni che te ven do
(a parte chi doi che ne savoa nia ulache i foa, ulache i messoa ji, de sonda, badil y piepser ne rujnon me nia)

y cun duta cla neif che ie cavia, ne fejl ora nia sce tra merdi y mierculdí ie bel furnei ju n 50 persones (ma tan figo muessel pa vester stat n merdi!!!)

me sa rie a dì tanta che n ie, ma te un n post ei metú ji mi fust y chel ne cucoa nia su, di gran lunga nia 🙂 bon che ne ei nia pruà a ji ju ie tl  buj 😉

2013-02-28 11.35.17lerch iel assé per duc y, neif y polver enghe! 🙂

danz che i big fat ie genial: unfat tan sot cla va o tan da coi cl ie, cun chisc ski “jolen” bel seuravia y possa bel fe la raides che n uel. logisc vala cun schi normal enghe (la ie pu nchina sen uni ann jita y stat figo mpò) ma cun tel breies iel danz a chesta condizions L MASCIMO! 🙂

rati che mi “jodler” audiven ju nkina a corvara 🙂

(cula fotos ala mpue sciacà, che stentoi tan a udëi cun mi cellulare, ma per chiche ne à nia pudú unì pea iel povester miec a nia udëi massa.)

me una na roba ie sciot: che la van tan aslune…

24
Feb
13

sodesfazions

ie son una che suenz se tol da gen su massa roba. y pona ala fin me desseni cun me nstessa, che ne son nia bona de dì de no o de me lascé plu temp liede per fe chel che me sa l plu bel.

nscila iel enghe capità chest’ann cun l curs de chei da tlo.

me recurdoi mo da dan 2 ani, che “me” 8 iedesc uel pona dì 2 mensc y ajache ne ei scenó nia grum de dis a disposizion, ruven ala fin dl inviern che ngrum de roba ne ti l an nia fata a fe 😦 y che l curs univa chest’ann fat damesdí fova n auter pont che me convinciova nia massa.

ma ajache la prospettives de abiné zachei che unissa pea regolarmente cui schi la sades fova steltes (y mplu ei da chest’ann uni segonda dumenia mpò dut l di frei) y ajache l curs de chei da tlo ie una dla plu blota roba che possa te capité tla scola, ei ala fin mpò mo dit de sci.

2013-02-09 11.34.44y nsci iela stata che son da l’ann nuef incà uni sada da la 10 ala 13 cun 10 tei “muli” dl asilo amanonder.

plu che una na sada me savova ben mpue sciot a me tré via magari la chance de fe la val mesdì te bona condizions, de ji a fe na tour mpue plu longia o magari de avëi n dì ntier a disposizion. ma ei abù la fertuna de avëi na blota grupa, ulache duc à na hetz, ie compresa 😉

dan l 10 ei suenz urtà la plu bela pistes uetes per me sciaudè it 😉 y domesdí n ei pona aprofità per to ca i schi da tm y perfezionare mpue chela tecnica, per me sentì mpue plu segura enghe ju per la pistes plu ertes. y mi snodl fova dessegur cuntent che ne se jiva nia ora plu che n valgun eura al iede. suenz ala monc butà cun na blota cumpania y perchel ne uei pa nia me lamenté dl dì 🙂

inier ie finà via l curs cun la gara. ma l da la poscibeltà de fe baiter mo 4 iedesc y coche ei audì ora uel gran pert di “miei” mo to chesta ucajon … chel uel danz di pasca!!!

sce da una na pert me essa sapú bel a finé via y avei mo n valguna sades per me, iel ben na bela sodesfazion canch da ngrum audes, che i mutons fej gen baiter (y i genitori à nteress ai mandè) sce ie toli baiter chela grupa.

21
Feb
13

in casa

savoi che la forma ne foa nia kela de dan 10 dis, ma canche n juega in casa pona uelen for fe mpue na mieur figura.

la temperatura y la neif fova ideal y la ueia fova ben chela de pie via y fe na bela gara. dret motiveda.

perdret me cunesci ben y savoi che pie via iló dancà ne ie nia massa na bona idea. true massa debota sons pona pieda via y amesa l prim ert, sentivi bel l acido dla giames 😦

te kesc cajo: chi non ha testa, deve avere le gambe 😉

ma danz che pona ei patí nkina sun plan de gralba y daldó dajoa la giames y l fla me plu ca chel che l oa…

per fertuna sons stata tan ustineda da tenì dur nkin ala fin y mo fe n sorpasso sprint dan l travert 🙂

ala fin sons ben stata 3,5 menuc plu asvelta de l’ann passà, ma per 5 secunc ne sons nia stata sota l’ëura, coche me ovi teut dant.

y cank feje plu fadia de chel che minovi, pona me damandi ben ciuldì che ne son nia bona de me goder l ji cula peves zenza temp. y me recordi de reviers tan bel che l ie stat n lunesc 🙂  unfat sce i deic se à mpue lamentà… 😉

14
Feb
13

ad ognuno il suo…

cuer tla neif

08
Feb
13

fresciafrescia…

… fola ncuei da arabba sala baita fodom.

mplu mo sce n lascia l windstopper a cësa sun liet 😉

ma l ustinà ie for mo chel che ie l plu sterch de dut y pona vala pa merè. frescia me savola pa ala fin me mpue tl mus, ma che l ie stat la prima gara a chela che ne ei nia suà chel muessi ben dì (y almanco sei cun segurezza che mi sistema immunitario ie al top 😉 ).

inier fol n tel dì che ne oi pa nia dre ingranato. canche te leves daduman cun n tel sentiment lala y ne ses nia avisa per ce, ma ne te sentes nia massa da druch…

ma pona do veis iela pa meré jita suvier y a desferenzia de cer autri, foi ben de ueia de me scarpeté mpue ntan gara.

ke al mument ne vedi nia tan mal, me oi bel ntendù n dumenia y sce sun 3/4 de eura sons chest’iede stata 4 menuc y mez plu veloce che l ann passà, pona possi ben vester cuntenta 🙂

06
Feb
13

neif

neifchest’ann iel inò n inviern coch l plej a mi. sce ti ultimi ani ol for mpue la varizia, semea che chest’ann neivl feter saurì. unì ied che l ie asniblà toma n valgun floc. for deplù de chel che i ne metoa.

y datrai pona leven daduman cun na bela sorpresa coch ncuei: 25 cm de neif frescia che deguni ne se aspitova 🙂 🙂 🙂

per chei che muessa inò levé a palé iel povester manco bel, ma a mi me sa massa figo!!!

03
Feb
13

zeder?!?!?! mei!

son bel 2 ani che oi tl ce de prué i 4 pasc cula peves.

nia per la gara, chela savoi che foa n numer massa grant per me, ma per udei coch la ie y sce ti son. enghe nia da fe da sëira n ied, ma via per l dì se la tulan nia gonz cun prescia.

l ie unì a sl dé che rujnan n dì cun christian sons unida sëura che ënghe el ulova purvé y pona ne ala nia durá giut che on fat ora n dì.

il buongiorno si vede dal mattinoala fin se ons abiná de 4 (christian, luciano, patrich y ie), duc plu o manco de medemo livel  y on urtà n dì che mieur ne pudovl belau nia vester:

n bel suredl, temperatures nteur al -10 y n panorama da marueia

piei via nteur 3/4 ala 8 da sëlva demez se ons godù la gheneda su per la danter, cun la luna sëura sasslonch che se fajova mo mpue de cumpania…

l panorama fova dl mieur chen pudova se mbincié. dut blanch nteurvia, n beliscimo ciel brum, l chiet dan che pea via duc.

ce inviern!    ce panorama

l prim pass – y chel cunescians duc ben – fova fat.

doju fol pona manco fresch che ne me pensoi y pervia chi gattisti badioc ne ie nia tan lezitenc coch chei de gherdeina 😉 , ans l lusso de chi 3 cm de neif frescia che l oa mo fat do la 10.

mo vala saurì...a corvara n pitl pitstop, per se sciaudé la mans y pona via verso pralongià, su per l golf, iló jivela mo feter saurí…

ntant sciaudova bel l suredl y l vent udoven me sun piza.

per me foa chesc l unico pass che ne cunesciovi mo nia, ma savoi che nchin sul pass vala feter tranquillo.

su su suuuuuuuplu me ndebitoi sul “finale” su per la scia dl sessellift per rue sun bec de rozes, ma coche la ie suenz, sce n se aspieta l piec, pona ne iel ala fin niancano taaan grave.

ju a arabba se gudons inò la pista y pona attacons l 3° pass. coch ënghe sula roda, ie chesc l pass plu lonch, ma davia che l ne ie nia tan ert ons metù avisa l medemo temp che on abù per la danter y per l 2. pass.

2013-02-03 10.37.22

nkina sul pordoi jivi saurì. me i ultimi 100 m se fajoa sentí la giames. chei me savoa che ne finoa plu.

sainsom pona l proscimo pitstop. se bever zech de bon ciaut dan to in angriff l ultimo pass. che cunesciovi massa ben y che me ova bel metù n crise 2 iedesc 😉 almanco l scurtons mpue, che ne messon pu nia furné ju nchina canazei. me basta dal lupo bianco su. ala fin ne ie ncuei chesc pass do 3 autri pasc net nia plu saurì che canch n l fej coch segondo ;-), ma … zeder mei!

tosc sainsom... o sarà mieno na fata morgana?!?! y pona ngali iesen pa meré mpo mo belau sainsom. canche cuca l sasslonch pona san che la ne ie propi nia plu longia. ne sarà mieno na fatamorgana?!?!?

che ora che mpue de tee, na barretta y mesa na banana ne à l magon do la 7 nia udú scialdi mo ncuei. ma fan a una che maià da marenda veniel permò canch la va ME PLU juvier…

y pona mo l gran finale su per cl ert dan rué finalmente sal salei.

la ie fata,  yuuuuuuuuhuuuuuuuuuuu!  🙂 🙂 🙂

l ëura de christian à musrà 5h45m per 29 km de pista. 🙂  ie son cuntenta 🙂

iust mo n temp per na marenda ciauda. la pasta plu che arrabbaita iela ncazeda, ma perchel va l pier (merità) ju mo plu saurì.

canch on maià sons inò duc plu de parola y enghe sce cla streda nchin sul pass semea ncuei ënghe mo erta, iela sen propi fata ca. y chesc bel spettacolo ie mo l premio finale 🙂




febbraio: 2013
L M M G V S D
 123
45678910
11121314151617
18192021222324
25262728  

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie