Archivio per marzo 2013

31
Mar
13

inviern 2013

n sada sëira a cialé da vier ora ne ulova deguni propri creier che l son ai 30 de merz…

che l unissa inò na tel pitla perturbazion ova duc i meteo udú danora, ma nia zech vel da de tel (enghe sce canch ven la pertubazion da genova, pona possen for se l aspité…)

nia da creier coch l nevoa. magari fajessel zech vel da de tel ai 30 de november!

n pasca se ons pona descedà cun 30 cm de neif frescia te sëlva y nkina 1 m (!!!) musrà sun seceda.

tlo vala me de levé y pie via cui schi lerc y fe ju uni pitl meter de nia pstà nchina che ten la giames 🙂

2013-03-31 11.33.24sce ngrum se lamenta che l ie stat n inviern cun puec de biei dis, possi ie me dí che benvenga mo na tel sajon! 🙂 : uni ena neif frescia, ora che 2-3 dis de ndut mei sciaudà, pistes for al top. che l suredl ova mpue plu la varizia… chel possen cun chesta condizions ben tenì ora.

ie me lamentovi ben enghe mpue che tla ultima 3 enes ne ons per via dl temp nia pudú gran n aprofité de duta la neveres che l fajova, ma chest’ena la lascions’a ben mo tumblé mpue…

nia da creier che te n ena zera dut 😦 sce n pudessa almanco meter via mpue de csta neif per la proscima sajon, che de dezmeber ne ons dessegur debujen…

giul in powder

31
Mar
13

i snudlei de gherdeina se anconta

chest’ann ti l ei propi pieda su cul telemark!

l’ann passà messoi mo massa meter a verda de ste bel it cul anca 😉 y cul peis sul esterno y la condizions dla neif ne foa ënghe nia iust la mieures per l tm. ma chest’ann fol danz L ANN 🙂 suenz neif frescia, dinrèr pistes dlacedes y la dreta cumpania.

de gra a n valgun cunseis dla moni, al ustinà y al fatto che ala fin sons jita uni ena n valgun eure a fe mpue de pratica, butela pa sen niancano tan mal a ji ti snodli y fe de bela raides. (y sce da una na pert ei for n majer 🙂 à mi snodli mpue manco legreza cun mi nueva pascion :-/ )

giul tm

neif bela mujela y ce dur chel ie mefun la combinazion ideale per de bela raides a tm! y de duta 2 la roves ne ei chest’ann abù assé 😉

tan segura coch vel auter da ji a fe fel furcela ne me senti mo nia, ma ngali ti la veghi monc ju per tei malans, ora de pista, cula speranza che i coi toli bel n turont y nia taian y, sce de dezember sul kronplatz foi do 2 h plu che plateda, sons dan n 10 dis cun 20 cm de neif frescia y n super dì monc rueda nkin via la s. creusc.

y sen ala fin de merz canch domesdì ie la neif coche savon che la ie , ie l telemark danz la mieura soluzion, sce n ne uel nia ti la zeder 😉

suenz me toma it chel che me dijoa thomas (messeis furné bel easy ala “fonzie style!”) y plu che n va y plu figo che l me sa a fe n valguna raides zenza for tre dut sula kante. pon àla mono, for se recurdé l motto:

liberiamo la mente, poi liberiamo il tallone

n sada de pasca à martin planker organisiert n ancunteda de chei dal telemark de gherdëina. sce la storia dl club ie ria da meter a ji, ie chesta dessegur stata na blota iniziativa per se ancunté y passé n blot di duc adum. sce nchin dan 4-5 ani ne udoven te gherdëina plu deguni cun l telemark, veighen ti ultimi 2 ani for plu tei che ti l à pieda su.

l guant da zacan ne me savoa nia da to – chel me basta bel ala fiaccolates – ma mi fusc’ da tm che ei venciù de jené ala gara dla peves ie danz massa azzecati (cun chei ei pa enghe na dreta legreza!) y duc ti à pa na dreta nvidia.

l temp fova nia iust l mieur, ma la condizions dla neif ideal per l telemark!

ngrum ne se oa ala fin nia abinà. mpuech povester per via dl temp y mpuech ajache la sada de pasca ne ie magari nia l mieur dì per zech vel da detel. ma chest’ann fovel rie abiné n autra sada y martin se à me da da fe per fe n blot dì.

telemark gherdeina 30.03.13

ie son jita do permò per mesdì y ei ancuntà i puec tm-er ju per seceda, puek dan tlamé per l aperitivo. dan ji ju da pramulin a marenda à martin mo ulú fe la “gara de formazion” che el ulova tan meter a jì. iust per render dut mpue plu formale 😉

l acunteda ie pona fineda via cun na festa pre hitia cun i secco che à sunà nchina giut…

tlo n pitl video ricordo.

30
Mar
13

BONA PASCA

ostereier im schnee

17
Mar
13

2° trofeo kreuzspitze – lagorai

memorial walter nones

bella iniziativa, bel percorso e impegno ad affrontare i 1.600 m di dislivello, bel panorama (anche se oggi si vedeva ben poco delle bellissime cime);

bravi coloro che si impegnano ad organizzare una cosa simile, bravi coloro che danno un contributo a rendere la giornata speciale, bravi coloro che arrivano in cima per primi;

tralasciamo che putroppo la gara alla fine è stata anullata a metà percorso causa maltempo, tralasciamo che io con i 4 cambi pelle extra oltre ai 3 obbligatori ho fatto più pitstop che i primi 5 della gara di formula 1 messi inisieme 😉 , tralasciamo le solite polemiche, di chi poi a parlare dopo, avrebbe sempre saputo far meglio.

alla fine è stata una giornata per ricordare un grande uomo e un appassionato di montagna come tutti coloro che oggi vi hanno partecipato.

per chi ha partecipato per il gusto di partecipare e di stare in buona compagnia, la giornata è durata ben oltre il tempo di gara e finita con tante risate.

finisco il mio resoconto con questa bella frase di pietro mennea, che la dice tutta:

la fatica non è mai sprecata: soffri ma sogni.

ancora 600 m di dislivello cxxxx

ancora 600 m di dislivello?!?!? cxxxx

05
Mar
13

nosc pitl suredl

nosc pitl suredl

03
Mar
13

simply wonderful

massa bel

furcela de sassplat ai 03.03.13

02
Mar
13

kest’ied raida pea l ce ;-)

la gara dla raida ladina via i badioc ie for la plu bela gara.

nia iust per l tracciato, ma per l atmosfera (nia me dan y ntan la gara) y per l dopo-gara.

l ie ënghe l unica gara ulache sui belau plu do la gara y ulache fossa bon a se to pea 2 cambi 😉

a parte uni ann l blot pacco gara y i biei premi a estrazione (ma mi fusc’ da tm venciui via ciampac ne bat kest’ann belau nia), iel for na bela festa cun na bela stimmung.

l tracciato ie do la rata curt, ma chel ne fej la gara nia plu saurida, anzi. uni ann me sala pona mpò plu longia de chel che me recurdoi y nia gran plu saurida de chela tlo te sëlva.

ma l plu bel ven do la gara: mpue de mujiga da balé, ngrum de jënt che ven ënghe su mo do la gara (ajache i sa che l ie mpue de festa) y ngrum de “atleti” y nia che sta mo plu giut (propi ajache l ie na bela stimmung) y che ne se n mucia nia debota do l estrazione (a parte chei che fej gara propi me per fe gara).

coch uni ann la tenions ora plu giut che zenza y l ie for na blota sëira de chela che n se recorda gen (y n se ncunforta bel dant a ji).

… y ngali me damandoi ben sce raidoa l ce per l balé o per …   😉




marzo: 2013
L M M G V S D
« Feb   Apr »
 123
45678910
11121314151617
18192021222324
25262728293031

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie