Archivio per settembre 2013

25
Set
13

vielen dank für die blumen!

… und jedes johr an unerwortete überraschung!

🙂 🙂 🙂

heier wor der tog a toller moment nochn ondren:

a netts unbewusstes gschenk am obend davor, a derrotenes unerwortetes gschenk glei in der friah, a super überraschung im büro, die glückwünsche vun an menschen der sich noch 10 johr olm no an di erinnert …

und der tog isch no net zu ende… O:-)

i sog olm i bin net so schorf af meinen geburtstog, ober es isch jedes johr a netter tog 🙂

14
Set
13

VSP

l da certa persones cun cheles che …

… dal prim mument iel feeling.

… n se capesc ënghe a di nia.

… n uel spartì dut. canch n l à nia massa bona y mo deplu canch n sta ben.

… n sa de pudei rujné de dut, zenza avëi tema de dì de massa.

… l eures deberieda passa for massa aslun.

… l ie for bel, unfat cich n fej (datrai monc strité).

ce fertuna a cunescer tel persones VSP

Very Special People

13
Set
13

canch va for mo n toch

chest’ann semea l ann da roda.

ei bel scumencià plu abeneura che zënza y bel tosc jites do la rata longes. me sentivi bel n forma d’ansciuda.

pona l pitl break ala fin de mei y na dreta mueia. ma me ei refà do la rata debota y ala fin – visti i risultati –  ne sei nia sce la pause forzata ebe mpò fat plu bon che dan.

son dut l instà resteda sgurseda, y ajache la sciacova cul abiné zachei per ji a crëp, foa la roda for na bona alternativa da chesc bel temp. bon che son stata tan ustineda da pie via suenz sëula ënghe per giri lonc.

giau (125 km y 3.600 hm), jaufen (210 km y 3.000 hm), penser joch (170 km y 3.500 hm) … dlongia börz y karerpass che cunesciovi bel, sons cula roda da streda chest’ann bel rueda dlonch ulache me oi teut dant.

cula mtb me sa for mo plu bel sce ei cumpania. iló ne me la senti nia for de fe giri lonc da sëula. a parte mi senso dl oreintamento nia iust al top, ma l rischio che se romp zech y po iesen nzaul tla pampa… po mpò miec a vester de doi a se studie ju la cherta 😉 a fe 3.000 hm iel bel a savëi cl ie mo zachei che druca cun te. dlongia nuef giri che ne cunesciovi nia, sons cuntenta de avëi fat l prim ied l sella dut sun roda y inier monc la danter 🙂

chest’ann sema l ann da mo n toch y po mo n toch 😉 y son pa for pieda via cul motto

pie via da cësa per rue a cësa

ala fin ala ora che un n ied ënghe for butà te chesc viers 🙂

ma l giro da inier via i badioc foa ben ënghe nsci lonch y ërt assé (y ala fin ala sgará ajache… ormai iel da la 8 scur de fin 😉 ). y ncuëi sons cuntenta de paussé l cul. sce la giames ne fossa nia mpue stances, pona belau da ste mpé dut l dì  😉  ma daduman ei for mo pucnà per 3 piani 2 scialires al ied. po fovla mo nia gonz susot…

de gra a chich se pensa ora chisc biei giri y me tol pea.

06
Set
13

bel iel pa de setember!

tan bel che l ie d’instà, ma i culeures y l panorama che n veigh de setember ne bat nia.

septemberfeeling

l unico sciot ie che da mesa la 9 iel bel tan che scur sëura y perchel ne ruven nia plu lonc a lauré nchin la 6 o plu giut. ma sce ei la poscibeltá de vester mpue flexibl, pona iel l mens ulach veni suenza a frida a fe mo la plu bela roba.

y la bela giornates de setember se goden belau mo l plu de dutes (dandaldut sce l ansciuda foa tan che degun ansciuda)

nsci chesc bel udëi ora n merdi su per la via dei pilastrini sul 1. sellaturm…
(finalmente ala inò butá n ied cun na via cun kate. 🙂  )

… o la beliscima sëira cula roda sun resciesa cun coch premio chesc

03
Set
13

la sor ie for la sor

saluc dal 1 sellaturm – via dei pilastrini 🙂

kate & giul a crëp

kate & giul a crëp




settembre: 2013
L M M G V S D
 1
2345678
9101112131415
16171819202122
23242526272829
30  

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie