31
Mag
14

in solitaria

sema che enghe chest’ann vede baiter la tradizion che  la jites cula roda plu longes capitea seules.

cun l dre ce dur y na bela mujiga sons l’ann passà a chesta maniera rueda a fe ritten, l jaufen, l passo giau, l penserjoch y mo n ied karerpass, börz y la mendula.

cula mtb ne sons mo nia tan sgurseda a pie via sëula per plu de longes, che ne cunesci nia, ajache iló fossl plu sciacà vester nzaul y magari avëi problems cula roda. vester me ie for mo resteda tl ce mi esperienza dl giro dla hero de dan doi ani, ulache ei pudù me sburdlé la roda sota la jeta nchina su al rifugio lezuo y po aspité 2 h che zachei ven a me to :-/ . l’ann passà me ei sperimentato sul percorso dla valdifassabike, enghe sce me ei perdù n 5 iedesc (ma ne foi nia l unica 😉 )

ma uni tant ie mefun mpò l ce plu dur y perchel ei inier teu l auto y son furenda ju a neimorkt per ji a fe l giro dl trudner horn.

plu tert dl prevsito sons pieda via 😉 , ma ti l ei mo fata a fe dut 🙂

l prim toch ie chel dla vecia ferrovia y chel cunesciovi ben. sen possi dì che sons danz pieda via mpue debota a pensé che de ndut me aspitova 32 km y belau 1.700 hm de salita, y chei duc te un n colp! ancuntà ei scenó puec y deguni cula roda. n valguni unia da chel eura bel juvier y autri che jia me mpue a spaz sons riesc passeda via. canche te sëlva fovl da la 7 daduman me 2 gradi savoi che possi/dessi me lascé mpue dlaurela y muessi dì che tres su ne ei pa mei abù massa ciaut. anzi. sainsom pra hitia fol mpue da vënt y a mumenc belau mpue frescia. me ei maià y bu zech lassú, enghe sce manco bel che pedaliern sëula me sa mo tlamé nzaul sëula.

sul trudner horn   sainsom!

daldò savoi cla jia scialdi me plu juvier y speroi de me abiné la streda coch udu dant. a gfrill ei abù la feruna de ancunté n gruppo de downhiller de eppan, kaltern y neimorkt, che semiova savei neut. nsci me ei aggragato a ëi y chela à me butà che chisc cunesciova n mieur troi nchina ju a laag, che ei monc ie fa gran pert sun roda. adum cun ei sons pona mo su nchina a neimorkt ulache oi l auto.

y a chela che me à damandà sce son suenz unterwegs sëula ei respundù che canch possi crì ora de ji cula roda sëula o sté a cësa seula, po ie mpò mo la prima variante la miecia 🙂

Annunci

0 Responses to “in solitaria”



  1. Lascia un commento

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...


das sos kinderdorf

maggio: 2014
L M M G V S D
« Apr   Giu »
 1234
567891011
12131415161718
19202122232425
262728293031  

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie


%d blogger hanno fatto clic su Mi Piace per questo: