Archivio per agosto 2014

19
Ago
14

forse è proprio così …

anime

Annunci
14
Ago
14

dut l bon marisol!

y for baiter nscì dalaibon y da druch 🙂 🙂 🙂

marisol 7

13
Ago
14

for su per chesta trapules!

… y ië son la prima a chela che muessi tre la uredles.

avëi n smartphone n ied che n ie usei ië ben zech de saurì. che n possa for y te uni situazion cialé do zech: sce n se la cava mo da la pluëia, ulache n à da furné, se fe mandé la visita medica che n se à desmincià per e-mail, …

ma dijon me l urità, dan 10 ani zenza chesta trapules jivela ënghe for a vel maniera.

y po cun chesc fatto de fb, messenger, whatsapp, semea che guai sce n ie n ied mez n dì nia online.

tres ora iesen su per chesc castl! cialé cich ie da nuef, sce zachei a scrit, cich un o l auter fej iust.

sci, l ie bel che n ie inò mpue n cuntat cun jënt che n à cunesciù dan 10 ani tl australia y n veigh mpue coch la vita de un o l auter se à svilupà. ma tan de iedesc capitea pa che n se scrij ne sei nia tan de iedesc via y ca cun na persona mpede la cherdé su o mo miec se ancunté y sla ciaculé!?!?!?

me damandi ben ulache ruon a fe baiter nscila. bonamenter uni un seul te si majon me plu a comuniché tres n computer y cuntat “uman” = 0. y me spierdi a pensé do tant che ie son bel deventeda dipendente y tant che ie rischi de ji avisa te chesta direzion. gran ëura de mudé!

chesta foto che ei abinà me à fat pensé do sun dut chesc. l me sa propi na bona idea per nosta proscima ancunteda danter cumpanies! 😉

no phone

10
Ago
14

for inò 4 pasc

semea cl ie belau unfat ce giro cula roda da streda che chiri ora, ala fin capitea for 4 pasc.

l san pellegrino foa una de chela robes che oi su mi (want) to do list y l prim tentativo dan 3 enes foa bel jit ala nia, che oi messé de ëuta per via che se ova rot zech al cambio dla roda.

ei messú ml studië mpue sula cherta dant, che ne savoi niancano avisa ulà che ei da ji y ulache capitei. ala fin ei fat mpue fauz i conc sul papier. minoi de rué sun 2.800 m de deslivel, ma ala fin nen fol belau 3.300 (!!!) sun 130 km. l passo valles oi sula cherta rati mpue sëuraudù 😉

san pellegrino          paso valles

ma n bel giro y manco trafich de chel che me aspitoi. sëuradut su per la passo valles oi na bela gheneda y da predazzo nchina canazei ie dut ciclabile, pona iló iesen ënghe dalonc dal puz y da chei che te passa via a 100 al eura.

ma danz che do avëi fat l sella, l san pellegrino da moena su y po mo l passo valles cun chel che n ne ova nia fat cont nscì ;-), iela da predazzo nchina sul jëuf del sella cun 1.200 hm y 40 km mo feter longia 😛

ma ala fin foi inier tan decisa a pie via y ënghe sce stra plateda a rue su l segondo ied sun jëuf de sella, cuntenta de savëi che ne son mpò nia tan fuori forma coch minovi de vester. 🙂 🙂 🙂

09
Ago
14

nosc suredl

canch marisol ven su po’ iel for action y zech los. y ënghe cun bur temp ne iel mei dastufé.

2 enes iela tlo y cun dut chel che tra ëila y ie se on teu dant de fe adum, ne se pa sce les basta … 😉

ma l ie bel, ajache marisol à for uëia de fe y dut la fej begeistern.

marisol turistay l plu bel ie mo tan recunescenta cla te ie. ënghe per tel pitla robes. chel ne abinen nia suvenz da pitli mutons y chesta ie na bela virtú cla à for abù. avisa coch chela de spartì for dut cun duc y chel a vester cla ie muta unica ie ënghe plutosc rèr. me recordi mo cl iede cla oa n kinder y messova l spartì, ma fan de 6 y l kinder à me 5 toc, po ne savola nia co fe a fe dret… ce dalaibon.

proscim’ena vala al pavël y la se ncunforta bel tan a vester tra mutons. cla ie muta unica y ne à nia dre mutons che sta daujin y cun chei cla possa fe damant uni dì, rati ti peisa ben mpuech. ma perchel ala mefun mparà a se tripé ënghe scialdi da sëula. sce ie ne essi nia abù sylvia y kate da fe damat y da zanché mpue po’ me essa pa ënghe sapù feter dastufé. mo sen datrai.

chest’ena ons tra lava y nëine, kate y ie mpue cialà de ti render uni dì mpue particolare: i dinosauri a neumarkt, fe su legna, grigliata sa ciadinat, ji de piscina ….

sun na proposta de zachei 😉 sons neus doves ncuei states via lagazuoi. per una che va gen samont y per n dì ulache n ne savova nia avisa cich fej l temp fova le galerie dla viera na bona idea. marisol foa dut begeistert y nteressirta ciche ie ce y ciuldì y po ala à minà che TE n crëp ne fovela mo mei stata. a mesa la galeria se ala fermà y à ulù me druché y me rengrazië che l ei purteda te chesc bel post. ce bel a ti fe tan na legreza 🙂 🙂 🙂

l ie bel che la ne se lamenta nia, nianca canch la ie stancia y che la à la pascion di fulminino de ji da mont su y de dut l bel che neus on tlo. per fertuna ne iel nia una che stajessa l plu gen dut l dì dan tv su.

dla fulminino family ala ben ënghe trat do l vester sciacona y for avëi trifes dl ce. ma l ie tan darì y datrai se cumportla danz bel tan da granda (a parte che da popa ne iela eila – per fertuna 😉 – mei dre stata)

y ajache l ie vëira che sorrisi taca sorrisi …

pronti per l'avventura

pronti per l’avventura

05
Ago
14

… e come disse ghandi …


la vita non è aspettare che passi la tempesta,

ma imparare a ballare con la pioggia.

ballare sotto la pioggia




agosto: 2014
L M M G V S D
« Lug   Set »
 123
45678910
11121314151617
18192021222324
25262728293031

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie

Annunci