Archivio per settembre 2014

23
Set
14

autonn

l plu bel scumenciament dl autonn che n possa se mbincé …

l suredl cuca sula gran cir

Annunci
19
Set
14

il sasso

il sasso

17
Set
14

ji a crëp

do la rata (scialdi, massa) tert ei scumencià a me interessé nsci dret dl ji a crëp.

oi fat vel un o autra via cun n meinacrëp y cula lia da mont, ma tra dut chel che uloi fe ala durà mpue giut nchina che ei scumencià mpue plu scich se toca.

tl 2009 oi fat cun christoph n curs de sportklettern y po’ se ans kate y ie anjinià duta la roba. n chel instà fans jites regolare mpue a sportklettern. per neus foa pu dut y dlonch nuef.

ënghe sce n chel an me oi ai primes de agost trat l cumedon ora de luegia y oi messe paussé n 5-6 enes, oi mo d’autonn fat n valguna vies cun kate y giovanni.

giul a crëpl ann do ne ola nia massa butà y foi jita feter puech. ma tl 2011 ei de juni fat l curs de ji a crëp cula lia da mont y chel me à judà truep. savoi bel ngrum de robes ajache a ji pea cialoi for prò y me lascioi spieghé mpue la roba base. ma fe mo n ied n curs y vester ilò n prima persona a fe manovres y pudëi pruè ie mo n ied zech de auter.

do l curs foi sgurseda y motiveda a pie it cun sgors. y savoi che messoi n aprofité. n chel instà oi ulù la savëi. y la oa feter butà y oi fat gor n valguna vies y me sentivi bendebo segura. cun kate se mudans ju. y ënghe a n fe plu de ries me fajoi nia plu tan ert. oi monc menà doi iedesc sabine a fe na via. ben nia de ries, la rossi tommasi y la glück su per la torre firenze, ma immerhin…

pona sons 2 ani tan che nia plu jita, ajache ne abinoi nia drë la cumpania o chich pudoa oa dut autri orari. uni tant na via ei ben fat ma monc puech sportklettern, y chel ie tan che nia. resultat: ei perdù duta la segureza y ënghe mpue l training y l savëi.

chest’ann ei scumenciá cun n ena de sportklettern tla sardegna y po dut l’instà cun mara  sons inò jita plu regolare a sportklettern y ei inò fat n valguna vies. de saurides y ënghe plu de ries. me l gfhil y la segureza da ji da prima ne ie mo nia ruà zeruch.

bel tla sardegna de mei ntenudú che palestra y dedora ie danz dut zech de auter y che mpue fifona sons for stata chel sei. ma zenza corda da lassú me feji total blockieren. y essi debujen de fe inò plu pratica te chesc viers. dessegur mesessi ji a fe plu vies saurides y po fe n tiro de III da prima. y ënghe a sportklettern nia ji tan al limite y n fe plu de saurides y po’ cheles da prima. ajache ngali me usi tan che ei for la corda de lassu ju y po’ iel “me” plu na cuestion de ce. (mi ce! 😉 ) ajache ntant essi ben inò la capaziteies che oi dan 3 ani. l ie me plu cassú che ne lascia nia pro.

sen che l temp semea fe alsenn, speri che on mo n valguna enes per pudei ji mpue dedora y po’ povester à zachei la pazienza de n fe inò n ied una na saurida ulache possi prué a fe inò vel tiro da prima… chel fossa mi travert per chest’ann.

a crep

12
Set
14

chi doi de doi

ieytudutun

canch doi ten adum.

 

 

canch doi se fej completare un cul auter.

 

 

canch doi adum vel scialdi deplu che dassëui.

09
Set
14

giudicare

la tendenza a giudicare gli altri è la più grande barriera
alla comunicazione e alla comprensione.

– carl rogers –

05
Set
14

dastufé

do n instà che ne ie stat degun instà, semea l autonn nia ulei fe scialdi miec. :-/

unì di l medemo:  nibles, nibles, nibles, scialdi me grij, datrai mpue de suredl y for inò n 3 gotes. y la previjions dij uni dì l medemo: nibles, mpue de suredl y la poscibeltà de mpue de plueia. ie rati belau che “tempo variabile” devente l unwort de chesc instà.

y propi biei dis possen tra mei y agost rati cunté sun belau me una na man, sce ne son nia gonz muei po sun doves. y dis ulache l ie stat sarëin defin da duman nchin da sëira rati ie plu unici che rères. y canch chei toma mo ti puec dis che ne possi absolut nia fe frei dal leur, po’ giati danz na extra luna.

ntant se an belau mpue usà y n ie bel cuntenc sce n ciafieia a fe zech mez n dì zenza se blandé… ma ala fin deventen nstessa unfat coch l temp: dastufé.

ne son nia gran de ueia de planan chissà ce danora. ngrum de proiec che me oi teu dant ei spustà a canch l temp ie bendebo segur y chel ne sema chest’ann mei… 

ala fin, a pensé de reviers ei ben mpò fat de biei giri – ënghe lonc – cula roda zenza me blandé y da mi want to do list ei pudú straiché n valgun ponc, ma sen ngali pierdi mpue la ueia y la motiviazion. me bon che uni tant ie zachei che ie plu deciso de me y me tira pea.

nsci ei fat n valguna de bela touren a crëp cun mara y vedi mpo mpue plu regolarmenter a sportklettern, sce la va for dedora. cula roda sons ala fin jita treup daduman y canch la jia mpue a ste ora plu giut.

da sëira son mo manco de ueia de muever y ntant dloti mefun n liber ndò l auter.

canch la ne va gor de no, po’ muci te un di plu biei posc’ al mont…
y sce ei la fertuna de me goder tei mumenc… pona feji inò mpue pesc cul mont.

tl plu bel post dl mont

 

 

 




settembre: 2014
L M M G V S D
« Ago   Ott »
1234567
891011121314
15161718192021
22232425262728
2930  

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie

Annunci