mumenc

Die schönsten Momente im Leben sind die, die dir beim Nachdenken ein Lächeln schenken.

… y de chei ne ei abú ngrum te chesc ultimo ann. de gra a duc chei che à contribuì a chesc 🙂

son cuntenta che sen dan nadel ei mo abù l ucajion de me ancunté o almanca rujné cun duta chela jënt chei vëighi y audi dinrér y che sce nia a uni un, po’ almanco a chei che me sta l plu a cuër ei pudú mbincé n bon nadel de persona.

l temp jola y tra una y l autra roba ruven mei a frida a fe dut chel che n se tol dant. ma l ië vëira che l ie nia tan l puech temp che on, ma l massa temp che ne nuzon nia.

cich me mbinci per l 2015?

• sanità al prim post. ajache canch n à chela pona an bel scialdi.
• doi uedli che luna. y che se vëigh ora de dut la bela pertes.
• n cuer che bat dassën y che ie for daviert per chich n à debujen.
• la dreta paroles canch les possa judé.
• energia da scinché baiter y da spartì.

 

chich me toli dant per l proscimo ann:

• de me dessené demanco y me goder i biei mumenc mo deplù.
• de me stressen demanco y me to plu dlaurela per la bela robes.
• de vester mpue manco egoista y curé deplù l amicizies.
• de to demanco y dè deplù.
• de rujné demanco y scuté su deplù.