Archive for the 'around the world' Category



28
Ott
14

reset

canch me ntendi che n ei de dut mpue assé, pona ie la miecia me n mucé n valgun dis.

dan l inviern uloi mo me n ji nzaul y fe zech complet de auter che zenza. per destó i pensieres dal unidì y da dut chel che gira nteur al ce. per avëi mpue de temp me per me nstessa y pudei me muever n ena bel coch uei, zenza gran pensieres y riguardo a deguni.

ala fin me ei sul cunsëi de sylvia deciso per n ena de surfen a fuerteventura. zenza gran me informieren ce o co ei cris ora na scola de surf, cialé per n jol y po’ click y via. son capiteda a morro jable, a sud dl ijula, te n blot apartament y cun 5 dis de surfcurs pra la scola otromodo.

cul ste ei feter urtá: n pitl apartament me per me cun na blota terass sun tet da ste canch sun spiaggia iel massa ciaut. y unfat sce da la 7 daduman te descieda la ciampanes dla dlieja dlongiavia. maië sosolala, ulach an da maië y enghe nscì ti ristoranti nia iust l mascimo. semea chi ne à nia iust la capaziteies di autri spanioi de cujiné. l post blot, ma per mi gusti massa tudesc 😉

nia dre butá ne ala cula scola. l sito mpermetoa scialdi de plu de chel che l ie stat. ala fin istruttori scazei, unì di na nueva grupa y mescedà adum uni livel. ilò ne possela nia buté 😦 i ne fajoa nia auter che se mandé tl ega, ma propi to dlaurela de gran spieghé o cialé chel se à me francois (a psé che duc dijoa che l ie l plu scazà). ei cris ora na scola meneda da tudesc, ajache psoi che cui taliani iel plui rischià che l ie na tel roba mpue sul chivalà. ma rati propi che – udan l autra scoles – ei urtà chela plu sfigheda.

sun&seama mpò ans danter neus na fetra hetz y tra un y l’auter belau a gara chich bev plu ega da sel y fej la culetes plu originali. tl ega muessen danz se sentì a proprio agio sce n uel prué chesc sport. y ënghe sce l ie scialdi da aspité ca, iesen ala fin dl dì mpo mo feter platei.

i curse scumencioa per me belau for da la 2. cuntenta, ajache domesdì fol feter ciaut a ste de ca y foi cuntenta de vester scialdi tl ega. daduman me descedoa la ciampanes, po jivi n oretta a sauté sul spiaggia, fe l prim tuffo tl ega a me desfredé ju inò, pona cun duta la calma a gusté y po aldò dl ciaut mpue fe la freda sun spiaggia o sun teras a dumbria.

domesdì pona jans a un di 3 spot che jia ben per chich scumencia y aldò dla condizions pudans ji it seui o acumpaniei tl ega. ma coch dit, propi na metodologia ne foa nia dahinter. anzi.

la pareidscenó ne pieta fuerteventura nia gran auter da fe che surfen y ste tl ega. l ie na ijula vulcanica y n dre sut y fiers, ma da cialé ne iel propi nia. te chesc viers rati iela mpo feter autramenter da teneriffa, ma per surfen diji iela ideal.

ala fin ei urtá na blota cumpania, y cui 2 esterreicher, la 2 russes y n valgun tudesc on passá de blota seires adum. damesdì me gudoi l temp per me nstessa.

la dumenia se ons martina, katharina y ie mprestá ora n auto y l attrezzatura da surfesn y son jic a prué per nosc cont. savan de pudei ste ora dut l dì ne ans nia stress y canch la marea y la ondes na foa nia la miëures, pona ans duta la dlaurela de aspitè l dre mument. ce figo di! nsci coch l plej a mi. pudei ste dut l dì sun na bela spiaggia zenza orari y pudëi surfen nchina che va doju l suredl. y ala fin – ie ne zedi nia – ei capì mpue cialan ai autri y mpue scutan su co y can y po’ ala meré butà che sce nia uni una po uni 2-3 ondes butola a fe l dre takeoff y pona surfen la onda 🙂 🙂 🙂 da savëi da surfen sons’a ben mo straaaaaa dalonc, ma chesc foa per me bel n bel resultat. y mo plu stolz sons de vester stata bona de capì da seula canch l ie l dre mument de levé su y de se muever co y can.  ala fin al fat click y l utlimo dì ei gesurft plu ondes che duc i dis de curs metui adum. zur feier des tages sons jic te n ristorante a maië pesc y po mo sun n 2 cocktail tl pub de luech.

last day best day 🙂

chest’ena a fat bon al corp y al ce. y ei arjont chel che ulovi.

happy end

ma do 8 dis de suredl, vent y ngrum de ega da sel …

me ncunforti sul fresch.

me ncunforti sui crëpes.

me ncunforti sun n bon taier de pasta.

… y mo sun ngrum de autra bela robes che ei o che me aspieta a cësa.

18
Mag
14

l urlaub fina for massa aslune

kate y ie son mucedes n ena tla sardegna a cala gonone 🙂

ma per sportklettern, roda, spiaggia y maië pesc ie 6 dis massa puec 😉

golfo de orosei

golfo de orosei

18
Nov
13

ce bel a durmí te tenda…

sunset at salar de ulury

sunset at salar de ulury (bolivia)

24
Ott
13

reisefieber

nia dre lezitenta sons stata de utober 😦

mpue freda de scri che ntant …

… ei finá l ejam da guida mtb.

… ei fat ca ënghe la salita al tirser alpl duta sun roda 🙂 – cik uel dì cank n se ncunforta sun chel che aspieta sainsom 😉 .

… ei mo fat n valgun de biei giri cula mtb n cumpania y do giut inò teut ca la roda da streda.

… ei abù na blota sëira cun cheles dl UNI che ne ovi tan giut nia plu udù.

… ei inò aspità giut assé per furné a cësa do l marcià de segra sacun 😉 .

… ne ei nia desmparà a fe pizza.

ma canch ei zenza scialdi da fe y scrì, po stei ngert mo do l leur dan pc su.

plu bel se goder certa autra roba 🙂 🙂 🙂

ntant iel tan inant che pei via per l viac, che ti ei bel 2 ani la gola. taaaan giut iel bel ca, che ei fat l ultimo bel viac, che son belau mpue … tesa 😉

ma sen me cunforti propi sun 3 enes tl america dl sud. dalonc da adler, pc, facebook y me recurdé che la va enghe zenza cellulare…

22
Ago
13

il buon giorno si vede dal mattino

l suredl leva sula gran cir

… e sarà perché ha iniziato con questo spettacolo,

sarà perché in super compagnia (grazie!),

sarà per la testa che ogni tanto è più dura della salita,

… oggi il sella l’ho fatto tutto in bici!

🙂 🙂 🙂

08
Mag
13

happy end

… ncuei ei “fa pèsc” cun dut l mont 😉

nsci me nmagini l paravis

… chest’ann cun duta csta neif cl foa semiola me ulei sciaché cun de bela tourn cula peves.

danter perciul de levines, pona massa ciaut y for n tel temp melsegur o previsions mo piec fol puec dis ulache n essa pudu muever. y canche dut stimnova y oi dlaurela de pie via … pona ne fova deguni da abiné che unissa pea 😦

ala fin ei fat scialdi manco de chel che me oi teut dant. me bon che datrai sons stata ustineda assé da pie via sëula y che l da for mo zachei che sce la va mpuech po fejl na trifa 😉

Piz Cambrena (7)chest’ann me oi scrit su per ji 5 dis a dauphinee cui catores. na bela tour cula peves de plu dis ti oi bel mpez la gola. ajache ti ultimi 2 ani ne ei nia dre ciafià a to y ji plu giut. ma enghe chesta ons messu n iede spenjer y pona definitiv desdì.

do i primes de mei oi pona definitiv rumà via i schi, ma me stajoa mpue sul magon che la foa fineda via nsci.

cuntenta foi pona canche adam me cherda su che merdi y mierculdí veniel muet, sce son mo de ueia de ji pea. logisch! unfat ulà, basta ji!

panoramate n ëura oi dut inò abinà adum la roba y fat l flucion. pronti via per l bernina!

ala fin sons restedes 3 ëiles, che ova me nscì dlaurela y ueia de mucé mo 2 dis.

piei via da la 4 per rué a pontresina iust per canch giauria l funadoia dl diavolezza. l temp fova nia tan dandò y bon assé per rué sun piz cambrena a 3.600 m. bona condizons suvier, mpue de suredl sun piza y bel a furné ju. dre adret per se sciaudé it per l di do.

la sëira dant oi durmí puech y te auto nia, perchel fovi mpo mpue stancia, ma domesdì ne uloi nia durmí per vester pona segura de durmí assé/saurì de nuet sun hitia. cartan ie la 4 h me passedes debota. cun na dreta fam aspitans duc ert sun la boniscima cëina. ntan cëina al scumencià a nevei y adam y ie fan pa me zuversichtlich che chesc ne pudova che miglioré la situazion per l di do 🙂

do cëina sons crolleda tl schlafsack y durmí sech y saurí nchina che ie ju l becher da la 5.

tan bona che foa la cëina, tan rich foa l gusté y de uni sort de bona roba y dut me da to ca. l plu bel me savoa mo che l foa puecia jënt y perchel degun stress te bani y pra l café.

piei via cul ciel mo pue asniblà se al tosc trat ora y nsci se prejentova la piza:

piz palü

piz palü 3.907 m

ma mei me essi nfidá a pensé che la urtsan mo tan perfect! 🙂

l ne fova nia gran freit y foi cuntenta che suvier jans scialdi a dumbria. verso piza – son a belau 4.000 m – degun vent y da ste saurí zenza messei se tré seura zech per l vent o l freit. i ultimi 200 m pona mo via a pe y po “berg heil”!

jënt fovl puecia y deguna. l ie ruei 2 dan neus sun piza y do neus mo 3 y chel foa enghe dut.

adam y ie ti an feter la gola ala flanche da piza ju, ma ala fin ti savola mpo mo scialdi erta. ma per i 10 cm de nëif frescia, la condizions ottimales y deguni che ne fova mo ju dan neus, ons pudù se goder uni raida. da sainsom nchin japé 🙂 🙂 🙂

piz palü

… sen – ënghe sce semea che l ven mo n iede freit y po fossl dessegur for mo nia tan mal – fejel mpu manco mel a rumé via i schi 😉

happy end

06
Dic
12

miec ne essen nia pudù scumenciè :-)

ncuei sun jeuf de sela

E quando tutti i giorni diventano uguali è perché non ci si accorge più delle cose belle che accadono nella vita ogniqualvolta il sole attraversa il cielo.

Paulo Coelho



dicembre: 2019
L M M G V S D
« Giu    
 1
2345678
9101112131415
16171819202122
23242526272829
3031  

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie