Posts Tagged ‘around the world

18
Mag
17

happy giul

Annunci
17
Mag
17

ala fin mo l mont blanch :-)

do enes che studi l meteo y ne sei nia tan de sms per abiné la dreta combinazion temp-condizions-meinacrëp-cumpanies iela do 3 ani finalmente stata tan inant.

ai 15 sons muec de viers de chamonix per ji l dì do sul mont blanch.

ntan che la hitia de l grand mulet fova bel da dis pleina (y chesc de lunesc!), ons neus abú la super fertuna che tla hitia cosmiques  fans n chela sëira me de 20. chel uel dì chiet ntan cëina, na camerata belau me per neus (y perchel bel chiet a durmì) y degun stress daduman a gusté, te bani y tl deposito schi.

bel a furné su cula furnadoia giaten la prima mprescions tan “gorgeous” che l mont blanch ie (chesta parola l descrisc l miec) y ciuldì che duc à tan na gaissa canch i conta coch l ie stat.

20 menuc do fans bel pra hitia a se goder l bel panorama cun duta la pizes, dent dl gigante compreso.

do na carteda da messei feter se conzentrirn y na bona cëina se gudons mo l ji doju dl suredl y se ncunferton sun duman.

la va de durmì tosc che l ie da levé abeneuera.

ntan che la majra pert fej la normale, ons neus optato per la traversata dal auguille du midi…

… passan per l mont blanch du tacul y mont maudit – manco metri de deslive ma plu mpegnativa.

piei via sons mpue plu tert che ne ulan, ajach on messé se meter d’accordo cun n autra grupa per l gusté  y ajach l aufregung po’ fe bur scherzetti…

  y ajach duc aspitoa me che ven fata la prima traccia, à markus abú l onore de pudëi spuren belau tres su y chesc do che n venerdì ol fat 40 cm de nëif frescia! (ncuei foa dessegur ngrum che sottosotto l à rengrazià)

perchel ala durà ënghe mpue plu giut de chel che ne minan, ma nscila ons abù mo mpue plu giut per se goder dut l panorama y l atmosfera cavia. i ultimi 300 metri de deslivel ne semiova ne ulei finé plu, ënghe per l ciaut (ie y l ciaut che savons ben 😉  ) ne son nia una che sent l autezza n cont de mel de cë o nia durmí, ma canch n ie sëura 4.500 m pona fejen ben bendebo plu fadia che n ulessa. y l flucion peisa tosc mpue de plu.

la va de mené zeruch de n doi gänge y de tenì n bel ritmo…

feter platei, ma stra cuntenc sons pona per marenda ruei sun piza. YUHUUUUUUUU!

degun vent, nianca na nibla y deguna jënt. la piza belau duta me per neus. na tel fertuna muessen ënghe permò avëi! 🙂

se goder l panorama y se render cont cich on arjont. y pensé bel ala proscima tour 😉
finé ora cl puech che ie mo restà tla borraccia y po inò rumé it dut te flucion per pie juvier. che la ne ie mo giut de no fineda.

n bel polver se aspitova, sciot che la giames sciblova feter, ma cun na tel neif jivla me mpo de druché adum y denz y fe ju n valguna de bela raides!

bon che ne me rendoi nia cont tan lonc che l foa mo per rué ala stazion a mez di plans de l’aiguille, scenó me essi feter ndebità.

do ne sei nia tan de iedes de tré seura y ora i schi, su y ju la peves, su j fu l flucion, sons puech do la 4 stra platei ruei ala stazion. FATA CA! 🙂 🙂 🙂

a chamonix me essi mbincià na bela doccia, ma se on acuntentà de n bon pier (da veis 😉 ) y n gelato che ti oi bel giut la gola.

y po te apieta mo 6 h de auto per rué da la 1 a cësa y ne udëi l ëura de fe la doccia y tumé tl liet. se ndurmenza mo dan ciafië de se curì ju 😉

la à durà n valgun ani y assé nierves da meter a ji dut, ma ala fin se ala tan butà, deplú che ne me essi nfidà a speré. y duta la fadies ie states compensedes dal emozions che chesc crëp possa dé.

19
Feb
17

vorfreude ist die schönste freude

lslandsci, do che oi udù na dia-show de n fotograf, savoi avisa ulach uloi julé chest’ann. nia tan dalonc, ma mpò nzaul de nuef. son for stat una che me trajoa plu l nord che l ciaut y chesc paej me fajoa bel giut gola.

davia che l’ann passá ie sautei ora 3 dis cula roda y basta, uloi chest’ann vester plu decisa. anzi iscima! 😉

lauré mpue manco y viagë: ala fin ie chestes la robes che te resta per for.

y no, ne ei damandà a deguni sce i ië de ueia de unì pea. stenti bel a abiné zachei che ven pea n dì cui schi, po nmaginete 13 dis a urlaub y chel mo mez l temp zenza ega y strom 😉

de gra a cindi che me à dat l contat. y po speri cla me buta medemo che a ëila da n valgun ani. y chissà che ne son nia bones n ied de pie via deberieda. canch son pa boni de se coordiné cun noste ferie 😉

l dura mo mpez y mo mpue de fadies dan cla ie tan inant. ma ntant possi giut me ncunferté … 🙂

28
Ott
15

cinque terre trip

5terre by night… n bel panorama per l b-day de sylvia 🙂

cun sylvia ans bel rujnà dan n valgun enes de se n ji n valgun dis ala fin dl mens, zenza avëi mo tl ce na idea ce o co. ala fin ons lascià vester la ziteies, che sen ala fin de utober ne iel nia propi tan saurì cui joi (ma aufgeschoben ist nicht aufgehoben), y son piei cul pulmino cun doit la mtb de viers dla liguria.

nia tan saurì capì ce o co che n possa fe caju cula mtb, me bon cl dà mpò mo internet y mil siti. ala fin na tel mesa idea ce o co y per dut l rest viver ala giornata.

cul post da durmì ons urtà, cul temp assans pudù urté miec, ma ne se lamenton nia, la touren cula mtb ons azzeccato, la pitla pannen di turisti fa da te ie normal, y maià ons bon.

ënghe sce ala fin ons’a mé inò messú constatare che südtirol ist nicht italien.

resultat: da fe mo! 🙂
y povester sons l proscimo ied bones de convincere kate a unì pea … povester.

13
Mag
15

croazia climb & bike

ulà ons geparkt…?!?!?!?!?!

rovinj

a pu loghisc tlo! 🙂

rovinj beach

 

01
Mag
15

pray for nepal

feter dazoch cich ie suzedú dan n ena tl nepal

te y ntëur kathmandú conten bel sen passa 6.000 morc y nstima che n ruvrà a almana 10.000.

l tremot à desdrú paejes ntieres y sul everest y nteurvia ie unides ju deplu levines y smueies che à tra pea ngrum de jënt che foa tl leur de fe trekkings o ulova propi ji sul everest.

danter i sfertunei ie ënghe renzo benedetti, che on cunesciú tres la gares de peves n memoria de walter nones. el foa n si cumpani y giovanni l cunesciova feter ben.

la sperduda y l duel per chich à perdú na persona a chesta maniera ie granda.

ma l gran problem ië y sarà l daunì dla jënt che vif cavia. che da n mument al auter ie resteda cun nia.

ntan che i turisc’ se strita per chich possa sen n julé ju dant a kathmandu y po’ a cësa, dal per fertuna ënghe persones tan de cuër che da su si viac programà per ste iló ulache te chesc mument conta dessegur uni man che juda.

neus che son tlo pudon fe feter puech, ma dessegur ië l puech de uni un per l nepal n gran aiut.

pray for nepal

24
Dic
14

*** bon nadel ***

xmas mütze

frohe weinhnachten – buon natale – merry xmas – joyeux noël – feliz navidad – geseënde kersfees – kαλά xριστούγεννα – ಮೆರ್ರಿ ಕ್ರಿಸ್ಮಸ್ – boldog karácsonyt – god jul- veselé vánoce – jwayeu nwèl – 메리 크리스마스 -gëzuar krishtlindjet – შობა – feliz natal – c pождеством – sretan božić – verbum caro – gleðileg jól – cреќен Божиќ – crăciun fericit -gelukkig kerstfeest – मेरी क्रिसमस – häid jõule – krismasi njema – mừng giáng sinh – wesołych swiąt – เมอร์รี่คริสต์มาส – hyvää joulua – மெர்ரி கிறிஸ்துமஸ் – veselé vianoce – nadolig llawen – glædelig jul – শুভ বড়দিন – mutlu noeller – 聖誕節快樂 – selamat hari natal




das sos kinderdorf

ottobre: 2017
L M M G V S D
« Giu    
 1
2345678
9101112131415
16171819202122
23242526272829
3031  

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun