Posts Tagged ‘furfejidles



21
Dic
11

nadel cun la furfejidles

do vester stai sun ciampinei y n pitl mument de adrenalina japé la B 😉 ons pudú se goder na bona cëina da ubald. 

cula peves fans i soliti 10-11, a cëina belau mo n tanc. 🙂

coche uni ann ne pudova nia mancé n pitl discorso de nosc president y samben i strumenc per mpue de atmosfera da nadel. hannelore se ova teut la briga de tò pea la notes y la paroles, nscì ne ova deguni la scusa de nia cianté pea.

chest’ann muessa vester che son stai dret valenc. l ie monc ruvà l christkindl!!! 🙂
vel un se ova lascià tumé it velch darì per si “bengele”, vel auter l à bendebo ndevineda, ënghe ne savan nia a chiche ti fossa jita la scincunda…

cun na dreta hez ie fineda via la blota sëira.

30
Nov
11

furfejidles are back

unfat sce l ie n dre vent, na dreta nevera o tan che deguna neif…

canche scumenia l sajon da inviern ie la furfejidles inò on tour! 🙂

27
Lug
11

gourmet dinner sun sëurasass

2nd round

thamara y bruna à inò nviá la furfejidles a na cëina sun la utia de thamara sun sëirass.

y canche chela doves nvieia, pona ne iel for puec che ne se tòl nia dlaurela 😉 : na blota cumpania de 16 persones (y iust adret per avei lerch de utia)

l temp ne fova nia tan bel coche l ultimo iede, ma l maie nia de manco, anzi …  de massa 😉

2 antipasti, n prim, n segondo y per finé mo 2 desserc!

leprò n bon vin dla toscana che ova teut pea na furfejdla coche rengraziament dl nvit, bona ueia  y ngrum de argumenc nteressanc.

canche n se veigh me dinrer, coche l capitea n iede fineda la sajon da la peves, an scialdí da se cunté.  

daldò sons gran pert ju a pe nchin sa praplan, per digerire dut y durmì nscì almanco cla puecia eures saurì…

31
Mar
11

furfejidles stufes?

3, 8, 3. ches ie l bilanz di ultimi 3 mierculdis.

sce una na sëira fovel l bur temp, pona desmostra la ultima doves che l ie ëura che la fina via.
la furfejidles semea ne avei nia plu gran ueia de muever…

chiche ne fova nia pea inier se à perdù chesc…

02
Mar
11

furfejidles chietes

chest’ann se muef la furfejidles bela chietes.

uni mierculdí su per na mont y pona tlamé nzaul, zenza fé gran retlam y fuera.

de blota sëires te na pitla grupa per sla ciaculé, fe na hez y datrai mpue strité.

gheneda ons nscí abú  dut l inviern y sce vel un o l auter se temova de dezember che chest’ann fossela fineda cun jì cula peves, ons desmustrà che cun fundament y respet arjonjen ngrum.

10
Feb
11

la raida de viers dl salei

dò che la gara su per la pliat à messu unì desdida, me savova feter giut ca da l ultima gara dla peves. no che essi pa abú gran dlaurela de trainieren (che foi pu bel ruveda ala prima gara dut auter che fit).

de jené fovi plu conzentreda sun fe gigante y na bela serpentina (ma l se à paià che son passeda la 2. aufnahmeprüfung per l ejam da maester de schi 🙂 🙂 🙂 ), daldò fovi n ena sun la plose a fé l alpinkurs y tra fiaccolate, sentedes y scenó mo dldut, fovel zenza for da sauté.

perchel me à fat marueia che chest’ann jivi do la rata saurì (jivi pa massa bel plan? 😉 ), ne sei nia sce son mpò plu n forma che ne miene (ajache cul training ne sons chest’ann dessegur nia tan fleissig coche l’ann passà), sce l ie la modifica ai ciauzei (la à ben durà giut nchina che me ei mpò deciso de l fe y son pa me cuntenta) o mpò mo la tuta da grenn dragon (sci, do l utlima gara ulache ei udù che son feter l unica zenza, me ei urganisà), che me dà l utlimo druch.

l ie ben n vantaggio sce n cunesc avisa la streda, y sce la va nia massa ert su ie per me ënghe miec. inier sons’a stat dret cuntenta cun mi prestazion. sciot me savova ala fin che l manciova 14 secunc a ste sot al eura. sce l essi sapu, povester essi mò pudù dé mpue plu de druch dal jëuf de sela su, enghe sce ala fin fovi pa mpò me plateda. plu che 3 tei ei che sta dossù, essi abù debujen de zachei che se paiova a ti sté do 😉

do la rata ngrum (semea n 170) á fat pea chest’ann, la furfejidles se á coche for fat dret reres ala partenza: kate, christian, leo, leonhard y ie. chesc fova dut. i autri ie su bel dant, ma niancano mpue de tifo al arrivo! 😉

sainsom fovel n dre birbl, n saluda chei da l ulitma raida, n fej 3 battudes, la fadia ie tosc desminceda…

y la sëira mo longia…


20
Gen
11

luna colma

ma tan bel iel pa a jì cula peves cun luna colma!?!?!

temperatura ideal…

n beliscimo panorama …

n bel chiet …

na blota cumpania …

na cëina super…

… certe cose non hanno prezzo (per il resto c’é mastercard 😉 )




febbraio: 2020
L M M G V S D
« Giu    
 12
3456789
10111213141516
17181920212223
242526272829  

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie