Posts Tagged ‘gara

18
Giu
16

hero 2016

#hardestheroever  #fanghiforfree  #nevergiveup

hardesthero2016

Annunci
12
Lug
15

wenn’s laft donn laft’s :-)

dolomitisuperbike

bel n juebia me ei ntendù che vester che ei bel 2 gares de 3.000 hm y passa de pedalata, raidova la giames for mo feter saurì.

chest’ann ei ben trenirt mpue cun ce y cun pazienza. ma pianificare che n ruà al top dla forma l dì x ne ie dessegur nia saurì y a mi me iel garatà zenza gran piani.

y canch me senti nscì dut nteur ben y 🙂 se fej chel enghe auswirken sun mi prestazion.

ajache do 7 ani de superbike me ei chest’ann finalmente nfidà sul percorso lonch. chel uel dì 113 km y – aldò de mi garmin – passa 3.500 hm!

coch dit me sentivi feter n forma y convinta dl fe y cun n tel temp fol ben l ann ideal per ti la vaghé.

ma ala fin iel mpò for mpue na incognita, savan che n ie ngrum de eures sun roda, che ala fin iel 113 km y chei cula mtb, co saral pa cul ciaut y cula fam y teni pa ora l ritmo nchin ala fin? …

l prim y l ultimo toch cunesciovi dal percorso curt, ma dut chel dantrit fova ben mpue na incognita. y l höhenprofil chel te da me mpue na idea de cich te aspieta…

pie via japè a griglia à butà che nscila nia poscibl pie via massa debota. se sciaudé it su per la prima salita y capì coch la sta…

al prim bivio pona me sa che reston manco che mec, ulà ie pa sparides duta l ëiles?

la prima doi salites va zenza gran problems. me ndebitoi bel sun l helm. y povester ajach me ndebitoi, me al ala fin nia sapù tan zach coch me aspitoi. anzi. ntan la gara me psoi mo ce bela salita ënghe per cich va me a se fe n giro nscila. mesa la gara fata!

oravier ei la fertuna de pudëi taché it te n gruppo y pona ji a na certa velocità zenza fe fadia. butà 🙂

la pitla salita sul haunold ne me aspitoi nia nscila! malan de ertons! y cun duc i cicilisti sterdui ënghe nia poscibl la fe duta sun roda. ma l tifo che foa ilò su y sainsom te da inò forza per ji baiter.

sen ses cl ie n ied lonc nchina ora tobloch y po daldò mo plu lonc su verso platzwiesen. nchina su al parcheggio me sala uni ied longia y po savan che daldò iela mo n ied longia nchina lassú. ei ben patí mpue l ciaut a rué a plätwiesen. ilò su te suredl ntan la piecia eures zenza n fil de vent.

ma a savëi cl ie l utlimo y po iela fata, zanen ben mo mpue de plu.

y pona duc i cumplimenc che te giates coch ëila da chei che fej l tifo y da chei che ti ves dant te da mo mpue de carica.

mo mei ne me ala sapuda tan longia da plätzwiesen ju nchina tl travert. me savoa che le ne finoa plu y n oi ben feter assé. ma ngali veighes’a meré via la dlieja y pona ses che sen iela definitiv fineda! 🙂

mo to ora l ultima forzes per fe l ultimo km y pona mo n cich canch te passes via la rissa cuecna…

DONE!!! 🙂 🙂 🙂

oi metù in preventivo 8 h y pudëis ve nmaginé tan cuntenta che foi a rué mes’eura dant tl travert 🙂

y 113 cula mtb zenza tumé ie per me ënghe record! 😉

l anguria me la nsemioi bel 1 h dan rué tl travert y cla roba ghiela cun schiuma ie jita ju scich nia. ma scenó ne me damandede cich ei fat la prima ëura do che son passeda l travert. rati ME senteda sun ëur de streda a lascé wirken dut l dì.

butà ala che on iust mo ciafià a se lascé fe n massaggio, pona jia ncuei bel inò 2 scialires al ied 😉

daldò cun calma doccia y po’ pasta party. nchina iló niancano mo abù sensazion de fam.

se goder mo la stimmung dla festa sun plaza y fe na viva sun chel che n à arjont. l prosecco per mi 2o post ( 🙂 ) se sparanions a n ied canch l ie manco periculëus.

🙂 🙂 🙂 vedi a durmì, cuntentiscima de dut cich ie stat. cich uel dì scumencé l dì cun l drë gusté…

05
Lug
15

#mdd 29

mdd 29

pensieres, mprescions, emozions …

27
Giu
15

happy hero!

me sentivi feter n forma chest’ann, ma fit muessen for vester l dì X y coch la giames raida san permò canch les muessa raidé.

l temp foa duta l ena beliscimo y tan suta y puech daldam ne à mi roda mo mei passà l travert dla hero. ncuëi foi me cunenta cl foa suenz na nibla che curia l suredl.

son jita da la 7 dal saltos a cialé coch passa i primes y ciuna che ie la … plu asvelta 😉 daldò fovl mo temp assé per n café, digerite l mega gusté y se sciaudé it. ala fin iel for mpue na tensione per duc, ma na beliscima atmosfera.

3 sorrisi y l toitoitoi a chei che ie dlongia te dla griglia y pona pronti via!

herostart

sen ie duc per se. se udon speron tl travert.

su per la danter me ei ntendù sce la ne jia nia tan mal. l plu cajin ie for astilé ora chei che se met de traviers bel ala prima salita :-/ ma fat l prim.

ju per l frea ne me aspitoi nia de messei me meter n coda, tan bela y saurida coch chest’ann ne fola mo mei y ne minoi nia cl da tan ngrum mo plu de stlec de me juvier 😉

l campolongo ie n pass che ne rua plu: su y via y su y ju y via y su y ju y via. ma ngali ruven pa ben via. 3 gotes sun pralongià y nibles feter fosces, ma l foa me n pitl scherzetto. half way.

l pordoi ie ala fin belau l pass plu … easy. ma cul tracciato nuef rie dì. ala fin psoi plu saurí, ma ënghe chesc ie fat. doju mo mpue de concentrazion che i trails ne ie nia tan easy.

coch for sons ben mpue crolleda su per l sella y canch duc dan y dlongia te sburdla po ne iel nia for saurì a vester cotti y mpò abiné la motivazion per druché tres nchin cla va. ma plu che n pedala y manco che n muessa sburdlé y ngali iesen meré cassù. yuhuuuuuu!

ënghe sce fineda ne iela mo nia. y cialan sul eura savoi che … mpuech muessi mo de gas 🙂 via l comici y po daldò me plu se goder chel che mancia mo.

passé l travert cun n sorriso ië d’obbligo 🙂

ala fin uloi tan ste sota la 6 h y per 6 menuc ml ei caveda. son tumeda “me” 2 iedesc y a parte la giames che semea n mosaich ie dut apsot. canch rui tl travert zenza gran intoppi tecnici y me cun bottes sons for cuntenta. y de mi prestazion ala fin happyhappy 🙂

n se god l prim weizen y po’ l atmosfera y le congratulazioni de duc. ënghe chest’ann iela fata! 🙂

kate y gio oa na fetra prescia … te gara! bravibravi 🙂

bestions ne iel ncuëi mo stai assé, ma respect per duc che che pia via y rua tl travert. unfat do tan giut. neus eiles son for mpue unterbesetzt. dantaldut da tlo. jiron manco debota che i ëi ma son avisa tan dures y zedon povester monc mpue do a parità de fadia. ma n tifo giatons n majer 😉

chel che ven daldò ie me plu relax: doccia, pastaparty y duta l ntëur via.

… y l plu bel foa mo chesta immagine dan ji a durmì …

hero

24
Giu
15

Let’s rock Hero

werock15

auter che gares de schi de coppa dl mont! …
na stra figo atmosfera y n dre birbl te sëlva iel pa l ena dla hero 🙂 🙂 🙂

13
Lug
14

for inò superbike

la superbike ie ormai tradizion.

per me iel udú dut adum, la plu bela gara de rodes tlo te südtirol. l tracciato ne ie dessegur nia tan particolare y impegnativo coch la hero, ma l atmosfera dan, ntan y do la gara, chela ne bat al mument deguni. y tl pacco gara iel for na bela sorpresa. uni pacco gara che on giatà cora ie mo stat zech che ei teut y adurvà scialdi. l ie for inò bel che uni ann anconten la medema jënt, che n veigh scenò dut l ann nia.

perchël me ncunforti uni ann a furné a niederdorf. y chel bel l venerdí domesdì. cun gio y kate cul camper… perfect!

butà ala chest’ann ala gares for cul temp y bel l venerdí sëira cun la beliscima luna colma permetoa bon per l dì do. levei sons cun l ciel sarëinn y n bel suredl. mpue frescia, ma ideal per la gara.

dala superbike a l ëiles l privilegio de pudëi pie via ulach les uel y perchël ne ans nia gran stress de ji tle griglie y on pudú rue via 15 menuc dan cl unia pia via y se piazé tla prima griglia do i vip y chel monc gonz dancà.

l foa l 4. iëd che furnei chesc giro y po ormai san coch l ië, ënghe sce uni ann iel n auter toch che te sa l plu zach. y no, ne me sentivi net nia fit y me sa che ei fat na fetra fadia. ënghe sce ala fin sons mpò stata 8 menuc plu asvelta che dan 2 ani a fe l medemo giro.

do la gara se ncunforten for sun l anguria tl travert y sun l massagio che se lascion fe dan ji a fe la doccia.

mieures sons pona dessegur stai al dopogara. iló foa la resistenza inò tlo. 😉 y son ben stai boni de aspité tan giut che ala fin ons pudú sauté de scur sota la jeta nchina pra l camper, ruan moi scich tei pulesc.

chest’ann essi gen ulú prué la longia. do ormai 6 edizion, essi gen vagà n ied l tracciato lonch.

rispetto ala hero cun 60 km y 3.300 hm me savoa la superbike cun 3.800  hm, ma spartì su sun 119 km nia na roba dldut imposcibla. y ne l essi dessegur nia fata a ritmo de gara, ma per fe l giro. ma coch la ie belau for da me, canch feji na proposta, pona ne ie deguni che uel tenì pea. ne ei nia l charme de vester bona de convincere jënt. y capesci ënghe che chich se met tl ce de fe la gara ie ehrgeizig de fe na bela gara y nia rabieus de uní a spaz cun me. thomas me oa ben dit che dessi ji pea cun ël chest’ann, ma po’ ne se ons nia plu udú y audí dan la gara y decidere de fe mpò l lonch sainsom plätzwiesen me savoa nia plu l cajo.

me ven suvenz dit che son na fetra ustineda, ma chest’iëd ne l sons nia stata assé. y sen me muëiel. l tëmp fossa stat ideal y la condizions perfettes. ma ala fin me mancioa l ultima convinzion de fe l giro sëula. ënghe ajache per i motivi che sei, sons chëst’ann nia tan fit coch ulëssi y tuchessi da veser per n giro de mtb de passa 100 km. durmi puech y chel mo melamenter, l magon che fej cich l uel y la giames stances do uni pitla salita. ma sei cich ei sbaglià (sci kate te es rejon!) y per l proscimo ann uei inò fe scich se toca. ajach … sci, me ei bel sen teu dant che l proscimo ann saral la longia. unfat sce muessi furné ora sëula y sce ne ei deguni che ten pea. ustineda coch me cunesceis.

22
Giu
14

fata ca ënghe chest’ann!

🙂 🙂 🙂

ultimamenter ne me sentivi nia iust al mascimo dla forma. l ie zech che n ne ie nia for boni de avisé tan avisa. ma ala fin ne joa nia. canch l ven dat l via per la hero, po’ ne vala che druché ti pedai y de dut chel che n ie n chel dì boni.

l tempo fova ideal y l percorso mo mei tan bel (y juvier tan saurì o manco rie) coch chest’ann y l doping puech dan pie via me à mo da l rest 😉

l mel ala giames foa tosc desmincià y canch son ruveda sainsom danterceppies la fajan duta sun roda, savoi che taaaan grave ne fovla mpò nia.

feter longia me ala sapuda via i badioc. duta ne l oi nscila mo mei fata y me savoa cla ne finova plu. l unico pass che nchina sen foa mpue plu tranquillo ie sen belau deventá l plu lonch.

giul hero 2014via arabba mpue de cajin per l percorso “imbuto”, po’ ntan che i autri se dessena y despera, ne aprofiti ie per maië zech y paussé mpue.

su per l pordoi me sa for rie dì y ei me udù daldò tan che ei perdù rispetto a cheles che ie ruedes puech dan me. :-/

su per l sella pona foa finedes l energies y l penzin. nia plu bona de l fe inò dut sun roda, ma me pruoi a sburdlé l manco cla va (y passé via duc chei che sburdla me plu) y sainsom sons for mo rueda sun roda 🙂

sainsom l sella pona ses cla ie tan che fata y dal comici mpò ses che te posses mo mpue de goder l ultima pedalates.

FATA IELA!!! 🙂

ala fin iesen cuntenc canch da na tel gara ruven tl travert y chel mo zenza avëi sbujá y zënza majri voli. l temp che n á abù ie te chel mument nia tan mpurtant. sce n passa la rissa cuecna pona ne possen che vester 🙂

2 heroes

2 heroes

butà ti ala ënghe a kate, a giovanni y a manuel che à confermato si mega forma 🙂

l plu bel regalo, de chel che me recurderei for, ie l cuer, che marisol me à fat. la se n à abù tan de bon che l on scrita it ala hero kids che la ulova a ogni costo se fe n regalo y na legreza, che ie completamente garateda 🙂

unì ann canch la ie tan inant po’ sons belau grama che sen iel inò da fe chesta fadia ma pona iel tan sciot canch la fina inò via. che oltre che la gara per se, ie l bel dla hero la beliscima atmosfera te sëlva i dis dan, ntan y do la gara… auter che la coppa dl mont de schi!

l dì do ne sons danz dut auter che fit ma l lusso dl bikeday a suredl ne uei ënghe chest’ann nia me to.  me goder l panorma y la cumpania … ncuei ei per chesc dut plu dlaurela. 🙂

plu che la giames vala sen n valgun dis de lascé paussé l cxxx.




das sos kinderdorf

dicembre: 2017
L M M G V S D
« Giu    
 123
45678910
11121314151617
18192021222324
25262728293031

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie