Posts Tagged ‘gara



07
Giu
14

hero di prova

ajache l’ann passà ne oi nia pudú fe pea, foi dl bunder coch ie l toch nuef via i badioc y uloi mo ji dan la gara al prué.

ne son nia stata bona de convincere zachei a unì pea, ma chel ormai cunesci… bon che ei l ce dur assé 😉

ncuei puech do la 8 po’ pronti via!

su per dantercepies do la rata saurì y dut sun roda. ormai ie chel d’obbligo 😉

doju po nia capì sce l ven inò furnà nchin sainsom y po ju per streda o ju per troi (alla faccia dl percorso segnalato dal 1 giugo in poi… te ndut povester 10 cartelli sun dut l giro, ma rati belau mo demanco :-/ ). po via colfosch y corvara rati ne sai nstessa mo nia avisa co y ulà furné. dall’arlara po chest’ann nia plu taië via a man dreta ma via y su ndret nchin sainsom l sessllift (y ilò ei danz messé zeder su per n tel toch da giara massa ert) cassu po nia avisa capì ulach l foa da ji, ma son rueda via la las vega, bioch y pona sun pralongià.

hero di prova

iló ei inò ancuntà cl gruppo de toscani che ti foi jita dant su per la danter y che uloa fe l giro lonch (chel ie via i badioc sen plu curt cl giro curt), che se lamentoa ënghe mpue che l tracciato ie dut auter che segnalato. debierieda sons pona ju dala marmotta y via per l bosch per rué sun ciaulonch.

SOOOOOOOORPREEEEEEEESA!!!!!

chel toch ie dut nia da se sburdlé, ma da se purté la roda tla neif y sëura smueies y lens tumei ora. n tel pitl particolare che magari chei dla hero essa pudú menzionare tl newseltter, mpede bravé che dut l percorso ie segnalato i sota i 2.000 m percorribile. ma almanco bestemions in gruppo 😉

a arabba se fermons n mument a maië y mplnì la borraccia. ncuei iel n ciaut nia da creier. i manicotti y l gilet me porti dut l dì a spaz y l GPS mostra su nchina 37 gradi (!!!). pona su per la portavescovo. da mez mpo feji dut sun streda, ajache ne son nia de ueia de me sburdlé mo n ied la roda tla neif. ntant sons inò sëula y doju pona capitei inò te n neuf troi 😉 ma rui jal lupo bianco belau dut ora de streda.

dai giul, mo l ultimo!

… ala fin me feji nstessa marueia che l sella feji dut sun roda 🙂 🙂 🙂 y coch premio me scinchi l toch ora n pana y it te sëlva y tai ju direttamente a cësa.

24
Mar
14

memorial karl unterkircher

nasciuda iela coch na beliscima gara de peves te un di plu biei posc’ al mont: da raiser su sala sciorta dla porta doju y po mo su sun furcela de nives y ju per na tel sciorta. scialdi alpin y mpò mpue zaha, suvier y juvier.

dan 2 enes foi jita cun martin a fe l segondo toch y me ncunfertoi bel sula gara. savoi che la deventa dura, ma dessegur fossl stat n beliscimo giro.

regolamenc massa rigidi y ala fin l temp, che do 3 enes de bel à mudà iust l dì dan la gara, à dut auter che judà.

ala fin an messù to ca l piano C, la variante ududa danora per l piec dl piec. da raiser sun juac y via y su ala sciorta dla roa. y chesc 2 iedesc! ala fin ie stai musrei cul GARMI 23,2 km y passa 1.800 m de deslivel. ma nia de spettacolare. anzi. scialdi da plan y la salita nia de speciale. per me belau me na fadia y po basta.

a parte l temp, ma l tragitto foa per me dut auter che motivante. me sentivi pa nia tan stelta, ma l me à bel snel teut l ega. do la fadia de rué l prim ied sun juac, ne pensoi mei che essi trá tres. l prim giro oa scialdi da kämpfen cun zoccolo. do che me ei fermá 3 iedesc a puzné ju dut sons “juleda”. po ju ala sangon y po …. noooooooo!!! … sen mo n ied dut. UFFFFF

ma ti oi bel dit a hubert y klaus sun sciorta, che son pa ben mpò mo tan ustineda che i me veigh mo n ied passan.

y nsci iela stata. cul autra peves zenza zoccolo ei dessegut fat manco fadia y son ënghe stata bona de tenì pea cun la penultima y monc de ti ji dant bel suvier. savoi che per salvé l uneur dl penultimo post, messoi punté su furné juvier y nsci iela enghe stata (y ala fin l ei mpò mo destacheda de 1/4 h).

a kate ti ala feter butá 🙂 bravabrava!

ntan duta la gara nevol, a trac monc feter dassen. ora che l fajoa n zoccolo, ne desturboa la neif nia. la visibilità foa for bona assé.

ma samben che ngrum se à lascià sciautri. fat pea a dessegur me mec de chei che foa scrij it y per l giro amatoriale se oa me plu mara y leo lascià convincere daduman a se scrì mo it.

y po coche l ie canch l ie massa atleti che fej pea. do la premiazione duc che sparesc y resta zeruch me plu n vagluni. perchel ie enghe l dopo-gara nia stat coch l essa pudú vester y coch me l lecurdoi da l ultimo ied. loghisc che dedora fol feter freit y dedit tosc plen. ma l mancioa propi la stimmung dan, ntan y do la gara.

… ala fin iel deventá dut zech d’auter de chel cl doa vester … 😦

sciot enghe per martin, che oa tan na gaissa cun SI tragitto y SI gara. ma le ne à nia ulù vester. bel la prima edizion dan 5 ani oa messé unida modificheda per via dl temp.

speron ben che l terzo tentativo sibe la volta buona …

15
Dic
13

la raida inò

raida ladinasci, la raida inò.

chest’ann belau n mens dant cun puec hm tla giames y mo nia drë la veta de fe gara.

ma ajache n fej pu me pea per la hez (dant, ntant y daldò 😉  ), ajache l temp foa ideal y ajache la prima ie ncësa, pona ne pensen nia doi iedesc.

y chest’ann cun l’inaugurazion dla nueva ombrela sal salei, mpermetova la gara de deventé ënghe na blota festa. basta avëi la dreta cumpania, pona ië la serata bel nscì segureda.

ala fin manciova ngrum de mujes che n cunesciova dai autri ani, ma mpuech la gara tan abeneura, mpuech la massa gares, che un o l auter che se decide ënghe per n autra. ma perchel fovl ënghe ngrum de nueves. tei da la prima gara, tei per na hetz, tei per udëi coche zech vel da te tel va o mo per vel autra … scusa 😉

chest’ann iela stata involontariamente slungeda, davia che cun la fiacoles destudedes ië i primes jic fauz y pona duc co biei valenc. la raida nchin belau sainsom la falk y inò ju ie nia scialdi plu longia, ma mpò plu erta. y la giustifichea i 2-3 menuc plu giut che duc à abù.

ala fin ne ei nia fat plu fadia chi autri ani, ma rati che son pieda via da fundament. po chel me à salvà l vester mo nia jita tan suvenz. rie fe n cunfront cui autri ani, me crei nia de vester stata plu lenta.

ne son giut no nia stata la plu asvelta, ma ala fin la plu fertuneda 🙂 y nia me per l bel pest venciù …

05
Ago
13

la prima do 33 ani :-)

28 gradi alla partenza y nia n fil de vent. propi MI condizions. 😉

giul lvf2013ma ajache ormai me oi bel eingestellt sun la vecia ferovia  (y enghe sce kate y gio a tra bidon ala fin) po pronti via!

me sentivi pa bendebo na bona giama y sce n fej trainiern scialdi nteur al sella, pona ie le pendenze su  per la vedla trassa dl zug dut atuer che ertes y danz pedalabili cun n rapporto plu pitl. rispetto a ngrum che fajoa ventaglio, me savova a mi belau for che pudessi mo mpue plu druché.

y ajache me la recurdoi mo mpue da l’ann passà, savoi che n possa bendebo for druché. che scialdi piec ne deventela nia. coch ormai da tradizion chest’ann l ai ënghe mpue slungeda perchel rie fe n cunfront cun 2012.

ala fin ei patí manco l ciaut che ne mionve, ma oi ënghe sëura l manco cla va O:-) y me recurdoi ben che lassú iel mpò ngrum de toc a dumbria. plu tema oi dai crampi, ajache ne ei mo mei tan suà ntan na gara y me a bever ega… ma la à butà.

trofeo la vecia feroviaala fin sons stata la plu asvelta tra cheles che va me mpue a spaz 😉  giut ala durà, ma do 33 ani la prima (gara in assoluto che venci)! 🙂 🙂

plu dura me ala sapuda a aspité la premiazion. ma l fossa mpó sta sciot a nia resté y me pierder l bel premio (che fajrei testn a na proscima ucajion sun roda) – oltra al trofeo dla vecia ferovia 🙂

iust mo fata a to l ultimo bus navetta nchin sul passo san lugano y po ju tl infiern de auer cun 42 gradi (!!!) da la 5 da sëira. it te auto, mpie la clima y po mucé su te nosc paravis che à inuem gherdëina.

07
Lug
13

nia bona de di de no ala superbike

giul superbikeajache ormai ie la superbike na tradizion.

ajache l ie for na figo gara, ënghe sce n ie nia super trainiert.

ajache l ie tan na figo atmosfera dant, ntant y do la gara.

… l ie rie a di de no a zech che n fej gen …

y ënghe sce savoi che mi cumedon ne foa mo nia al 100%, sons nia stata bona de lascé ora chesta gara. massa bel temp y massa la gola.

cock ormai sema tradizion, ie ënghe tlo sta slungà l percorso n toch, chel ne oi niancano realisiert. ma muessi dì che ne ei nia fat fadia ora de mesura. anzi l ie l prim ann che chesta raida (antiorario) me sa medema bela che l autra. juvier fol chest’ann plu burt y da colpes che i autri ani y danz che l ne foa nia propi l mascimo per mi cumecon. ma l foppa me oa mpue anjinià ca. ël savoa che l ne oa chest’ied nia gran bert a di che l ie miec che ne vedi nia. ala fin sons mefun jita juvier (mo mpue) plu plan y perchel suvier mpue plu debota 😉 y cun n percorso plu lonch ei abú 5 menuc demanco che dan 2 ani. pona possi me che vester cuntenta! 🙂 🙂 🙂

giul superbike 2

30
Giu
13

mdd 27

mmd27
mdd27vester tra i 9.300 ie stata la prima vittoria.
avëi pudù fe pea do 5 enes foa la segonda vittoria.
vester inò tan fit da fe la media la terza.
… y la plu bela: monc vester stata 9 menuc plu veloce dl ann passà!!!
(ngali mperi ben a me einteilen la gara)
 🙂  🙂  😀
lepró mo n bel temp, dut butà y la dreta cumpania.
kisc ie i dis che n ne se desmencia mei…
13
Mag
13

good news

sie hobn a lungenkapazität über 100%.

ihr puls steigt longsom.

sie erholen sich schnell.

🙂 🙂 🙂

genau chesc uloi audì.




febbraio: 2020
L M M G V S D
« Giu    
 12
3456789
10111213141516
17181920212223
242526272829  

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie