Posts Tagged ‘gherdëina

14
Mar
15

fulminino sisters on tour

l à durà feter giut, ma do belau 4 ani sons mpò states bones de la meter a jì 🙂

y coch n possa udëi dala foto, burt o dastufé ne ti à sapù a deguna.

fulminino's on tour

02
Nov
14

360° bel

panoramica

23
Set
14

autonn

l plu bel scumenciament dl autonn che n possa se mbincé …

l suredl cuca sula gran cir

10
Apr
14

finalmente miara

miara arriviamo

ogni volta che lo riterrai opportuno, accendi un sogno e lascialo bruciare in te.

– william shakespeare

… avisa chesc foa mi pensier inier a cialé da vier de cesadafuech su …

ma mei ne essi pensá che la va mo tan debota. y che ncuei da mesdì fossi stata cassu a ciale ju 🙂

la miara rinne foa zech che oi bel 2 ani sun lista. ma nchina sen ne ola mei butà che zachei che sa neut me essa teu pea. perchël foi mo plu cuntenta dla proposta de mara inier de ji a cialé coch la cela ora cassù.

yahuuuuuuuuuuajach ië ne la cunesci nia ben assé, ne me essi nia nfidà a jì me nsci, ma mara oa fat la medema tour l’ann passà cun armin y po fola tan decisa, che ne uloi nia dì de no.

feter frescia savans cla foa daduman perchel se ons lascià mpue dlaurela a pie via. ma mei se pensans de urté n tel vent. l plu rie ala fin ie belau stat pie via sun frea cun n vent che manacioa de se suflé demez.

su per val culea jivla do la rata saurì, ma danz me cui harscheisen. foi cuntenta che ntant ne ie fe spitzkehren per me nia plu n problem, unfat tan ert y dlacià cl ie. na pitla sperduda me á mara fat, canche me raidi y la veighi “furnan” cul ce cuvier y n schi che se oa fat autonom. per fertuna fat nia y l schi che se à fermà puech dessot. l’ultimo toch fajons a pe, per sauridanza y ajache mara ie stufa de raidé via y ca 😉

sainsom la val culea n bel suredl y l vent che semiova lascé do mpue. l temp per se bever zech y dan pie via de viers dl lech dl dragon y su per la val ciadin. chela foa mieura che ne pensan y l on fata duta sui schi. sainsom pona nia auter che blanch y neif. y me neus doves 🙂  ce lusso!

pona via de viers de piz miara. se sparanion de rué sa la creusc che cassú ventla feter y la fajon valei. se gudon l chiet y l panorama mpue dessot ulache l venta tan che nia. ntant BERG HEIL!

giul & mara

giul & mara

ju la peves, it l imbrago y dut pronto per pie ju per l canal!

l prim toch ie mpue dlacià, ma l unico problem ie l gran vent che do 5 sec ei duc i udleis pleines de neif che ne vieghi nia! aspiton cl passa mpue y po ju per l prim canal. la neif ie mieura de chel che minoi. y do n valguna raides mpue nscí… ju tl polver y se goder de beliscima raides 🙂 🙂 🙂

nchina dan 2 enes ruon ju duta cui schi, ma n ne veigh nia avisa scla va y davia che on pu pea dut ulons ben ji sul segur.

mpue de studi per se recurdè ulach pea via l obseiler y pona ora la corda y se calé ju. canch rui ala fin dla corda po’ … pura dlacia :-/ ala fin iel ben me 2-3 vares nchina cla va inò ma chel me costa ben mpue de überwindung.

powder!!!            abseiler

ju baiter pona feter dura y dlaceda, ma for da fe raides. brava mara – che ne ie (mo) nia sciatrice al 100% – per si leisung juvier!

ala fin mo na bela tola da jodler per rué ju al miramonti cun n tel graaan 🙂

FATA CA!!!

son stolz ne neus doves.

24
Mar
14

memorial karl unterkircher

nasciuda iela coch na beliscima gara de peves te un di plu biei posc’ al mont: da raiser su sala sciorta dla porta doju y po mo su sun furcela de nives y ju per na tel sciorta. scialdi alpin y mpò mpue zaha, suvier y juvier.

dan 2 enes foi jita cun martin a fe l segondo toch y me ncunfertoi bel sula gara. savoi che la deventa dura, ma dessegur fossl stat n beliscimo giro.

regolamenc massa rigidi y ala fin l temp, che do 3 enes de bel à mudà iust l dì dan la gara, à dut auter che judà.

ala fin an messù to ca l piano C, la variante ududa danora per l piec dl piec. da raiser sun juac y via y su ala sciorta dla roa. y chesc 2 iedesc! ala fin ie stai musrei cul GARMI 23,2 km y passa 1.800 m de deslivel. ma nia de spettacolare. anzi. scialdi da plan y la salita nia de speciale. per me belau me na fadia y po basta.

a parte l temp, ma l tragitto foa per me dut auter che motivante. me sentivi pa nia tan stelta, ma l me à bel snel teut l ega. do la fadia de rué l prim ied sun juac, ne pensoi mei che essi trá tres. l prim giro oa scialdi da kämpfen cun zoccolo. do che me ei fermá 3 iedesc a puzné ju dut sons “juleda”. po ju ala sangon y po …. noooooooo!!! … sen mo n ied dut. UFFFFF

ma ti oi bel dit a hubert y klaus sun sciorta, che son pa ben mpò mo tan ustineda che i me veigh mo n ied passan.

y nsci iela stata. cul autra peves zenza zoccolo ei dessegut fat manco fadia y son ënghe stata bona de tenì pea cun la penultima y monc de ti ji dant bel suvier. savoi che per salvé l uneur dl penultimo post, messoi punté su furné juvier y nsci iela enghe stata (y ala fin l ei mpò mo destacheda de 1/4 h).

a kate ti ala feter butá 🙂 bravabrava!

ntan duta la gara nevol, a trac monc feter dassen. ora che l fajoa n zoccolo, ne desturboa la neif nia. la visibilità foa for bona assé.

ma samben che ngrum se à lascià sciautri. fat pea a dessegur me mec de chei che foa scrij it y per l giro amatoriale se oa me plu mara y leo lascià convincere daduman a se scrì mo it.

y po coche l ie canch l ie massa atleti che fej pea. do la premiazione duc che sparesc y resta zeruch me plu n vagluni. perchel ie enghe l dopo-gara nia stat coch l essa pudú vester y coch me l lecurdoi da l ultimo ied. loghisc che dedora fol feter freit y dedit tosc plen. ma l mancioa propi la stimmung dan, ntan y do la gara.

… ala fin iel deventá dut zech d’auter de chel cl doa vester … 😦

sciot enghe per martin, che oa tan na gaissa cun SI tragitto y SI gara. ma le ne à nia ulù vester. bel la prima edizion dan 5 ani oa messé unida modificheda per via dl temp.

speron ben che l terzo tentativo sibe la volta buona …

15
Dic
13

la raida inò

raida ladinasci, la raida inò.

chest’ann belau n mens dant cun puec hm tla giames y mo nia drë la veta de fe gara.

ma ajache n fej pu me pea per la hez (dant, ntant y daldò 😉  ), ajache l temp foa ideal y ajache la prima ie ncësa, pona ne pensen nia doi iedesc.

y chest’ann cun l’inaugurazion dla nueva ombrela sal salei, mpermetova la gara de deventé ënghe na blota festa. basta avëi la dreta cumpania, pona ië la serata bel nscì segureda.

ala fin manciova ngrum de mujes che n cunesciova dai autri ani, ma mpuech la gara tan abeneura, mpuech la massa gares, che un o l auter che se decide ënghe per n autra. ma perchel fovl ënghe ngrum de nueves. tei da la prima gara, tei per na hetz, tei per udëi coche zech vel da te tel va o mo per vel autra … scusa 😉

chest’ann iela stata involontariamente slungeda, davia che cun la fiacoles destudedes ië i primes jic fauz y pona duc co biei valenc. la raida nchin belau sainsom la falk y inò ju ie nia scialdi plu longia, ma mpò plu erta. y la giustifichea i 2-3 menuc plu giut che duc à abù.

ala fin ne ei nia fat plu fadia chi autri ani, ma rati che son pieda via da fundament. po chel me à salvà l vester mo nia jita tan suvenz. rie fe n cunfront cui autri ani, me crei nia de vester stata plu lenta.

ne son giut no nia stata la plu asvelta, ma ala fin la plu fertuneda 🙂 y nia me per l bel pest venciù …

27
Nov
13

ce bel inò a scumencé

l medemo brum

l medemo blanch

l medemo 🙂

l medemo