Posts Tagged ‘instà



28
Ott
14

reset

canch me ntendi che n ei de dut mpue assé, pona ie la miecia me n mucé n valgun dis.

dan l inviern uloi mo me n ji nzaul y fe zech complet de auter che zenza. per destó i pensieres dal unidì y da dut chel che gira nteur al ce. per avëi mpue de temp me per me nstessa y pudei me muever n ena bel coch uei, zenza gran pensieres y riguardo a deguni.

ala fin me ei sul cunsëi de sylvia deciso per n ena de surfen a fuerteventura. zenza gran me informieren ce o co ei cris ora na scola de surf, cialé per n jol y po’ click y via. son capiteda a morro jable, a sud dl ijula, te n blot apartament y cun 5 dis de surfcurs pra la scola otromodo.

cul ste ei feter urtá: n pitl apartament me per me cun na blota terass sun tet da ste canch sun spiaggia iel massa ciaut. y unfat sce da la 7 daduman te descieda la ciampanes dla dlieja dlongiavia. maië sosolala, ulach an da maië y enghe nscì ti ristoranti nia iust l mascimo. semea chi ne à nia iust la capaziteies di autri spanioi de cujiné. l post blot, ma per mi gusti massa tudesc 😉

nia dre butá ne ala cula scola. l sito mpermetoa scialdi de plu de chel che l ie stat. ala fin istruttori scazei, unì di na nueva grupa y mescedà adum uni livel. ilò ne possela nia buté 😦 i ne fajoa nia auter che se mandé tl ega, ma propi to dlaurela de gran spieghé o cialé chel se à me francois (a psé che duc dijoa che l ie l plu scazà). ei cris ora na scola meneda da tudesc, ajache psoi che cui taliani iel plui rischià che l ie na tel roba mpue sul chivalà. ma rati propi che – udan l autra scoles – ei urtà chela plu sfigheda.

sun&seama mpò ans danter neus na fetra hetz y tra un y l’auter belau a gara chich bev plu ega da sel y fej la culetes plu originali. tl ega muessen danz se sentì a proprio agio sce n uel prué chesc sport. y ënghe sce l ie scialdi da aspité ca, iesen ala fin dl dì mpo mo feter platei.

i curse scumencioa per me belau for da la 2. cuntenta, ajache domesdì fol feter ciaut a ste de ca y foi cuntenta de vester scialdi tl ega. daduman me descedoa la ciampanes, po jivi n oretta a sauté sul spiaggia, fe l prim tuffo tl ega a me desfredé ju inò, pona cun duta la calma a gusté y po aldò dl ciaut mpue fe la freda sun spiaggia o sun teras a dumbria.

domesdì pona jans a un di 3 spot che jia ben per chich scumencia y aldò dla condizions pudans ji it seui o acumpaniei tl ega. ma coch dit, propi na metodologia ne foa nia dahinter. anzi.

la pareidscenó ne pieta fuerteventura nia gran auter da fe che surfen y ste tl ega. l ie na ijula vulcanica y n dre sut y fiers, ma da cialé ne iel propi nia. te chesc viers rati iela mpo feter autramenter da teneriffa, ma per surfen diji iela ideal.

ala fin ei urtá na blota cumpania, y cui 2 esterreicher, la 2 russes y n valgun tudesc on passá de blota seires adum. damesdì me gudoi l temp per me nstessa.

la dumenia se ons martina, katharina y ie mprestá ora n auto y l attrezzatura da surfesn y son jic a prué per nosc cont. savan de pudei ste ora dut l dì ne ans nia stress y canch la marea y la ondes na foa nia la miëures, pona ans duta la dlaurela de aspitè l dre mument. ce figo di! nsci coch l plej a mi. pudei ste dut l dì sun na bela spiaggia zenza orari y pudëi surfen nchina che va doju l suredl. y ala fin – ie ne zedi nia – ei capì mpue cialan ai autri y mpue scutan su co y can y po’ ala meré butà che sce nia uni una po uni 2-3 ondes butola a fe l dre takeoff y pona surfen la onda 🙂 🙂 🙂 da savëi da surfen sons’a ben mo straaaaaa dalonc, ma chesc foa per me bel n bel resultat. y mo plu stolz sons de vester stata bona de capì da seula canch l ie l dre mument de levé su y de se muever co y can.  ala fin al fat click y l utlimo dì ei gesurft plu ondes che duc i dis de curs metui adum. zur feier des tages sons jic te n ristorante a maië pesc y po mo sun n 2 cocktail tl pub de luech.

last day best day 🙂

chest’ena a fat bon al corp y al ce. y ei arjont chel che ulovi.

happy end

ma do 8 dis de suredl, vent y ngrum de ega da sel …

me ncunforti sul fresch.

me ncunforti sui crëpes.

me ncunforti sun n bon taier de pasta.

… y mo sun ngrum de autra bela robes che ei o che me aspieta a cësa.

05
Set
14

dastufé

do n instà che ne ie stat degun instà, semea l autonn nia ulei fe scialdi miec. :-/

unì di l medemo:  nibles, nibles, nibles, scialdi me grij, datrai mpue de suredl y for inò n 3 gotes. y la previjions dij uni dì l medemo: nibles, mpue de suredl y la poscibeltà de mpue de plueia. ie rati belau che “tempo variabile” devente l unwort de chesc instà.

y propi biei dis possen tra mei y agost rati cunté sun belau me una na man, sce ne son nia gonz muei po sun doves. y dis ulache l ie stat sarëin defin da duman nchin da sëira rati ie plu unici che rères. y canch chei toma mo ti puec dis che ne possi absolut nia fe frei dal leur, po’ giati danz na extra luna.

ntant se an belau mpue usà y n ie bel cuntenc sce n ciafieia a fe zech mez n dì zenza se blandé… ma ala fin deventen nstessa unfat coch l temp: dastufé.

ne son nia gran de ueia de planan chissà ce danora. ngrum de proiec che me oi teu dant ei spustà a canch l temp ie bendebo segur y chel ne sema chest’ann mei… 

ala fin, a pensé de reviers ei ben mpò fat de biei giri – ënghe lonc – cula roda zenza me blandé y da mi want to do list ei pudú straiché n valgun ponc, ma sen ngali pierdi mpue la ueia y la motiviazion. me bon che uni tant ie zachei che ie plu deciso de me y me tira pea.

nsci ei fat n valguna de bela touren a crëp cun mara y vedi mpo mpue plu regolarmenter a sportklettern, sce la va for dedora. cula roda sons ala fin jita treup daduman y canch la jia mpue a ste ora plu giut.

da sëira son mo manco de ueia de muever y ntant dloti mefun n liber ndò l auter.

canch la ne va gor de no, po’ muci te un di plu biei posc’ al mont…
y sce ei la fertuna de me goder tei mumenc… pona feji inò mpue pesc cul mont.

tl plu bel post dl mont

 

 

 

18
Mag
14

l urlaub fina for massa aslune

kate y ie son mucedes n ena tla sardegna a cala gonone 🙂

ma per sportklettern, roda, spiaggia y maië pesc ie 6 dis massa puec 😉

golfo de orosei

golfo de orosei

13
Set
13

canch va for mo n toch

chest’ann semea l ann da roda.

ei bel scumencià plu abeneura che zënza y bel tosc jites do la rata longes. me sentivi bel n forma d’ansciuda.

pona l pitl break ala fin de mei y na dreta mueia. ma me ei refà do la rata debota y ala fin – visti i risultati –  ne sei nia sce la pause forzata ebe mpò fat plu bon che dan.

son dut l instà resteda sgurseda, y ajache la sciacova cul abiné zachei per ji a crëp, foa la roda for na bona alternativa da chesc bel temp. bon che son stata tan ustineda da pie via suenz sëula ënghe per giri lonc.

giau (125 km y 3.600 hm), jaufen (210 km y 3.000 hm), penser joch (170 km y 3.500 hm) … dlongia börz y karerpass che cunesciovi bel, sons cula roda da streda chest’ann bel rueda dlonch ulache me oi teut dant.

cula mtb me sa for mo plu bel sce ei cumpania. iló ne me la senti nia for de fe giri lonc da sëula. a parte mi senso dl oreintamento nia iust al top, ma l rischio che se romp zech y po iesen nzaul tla pampa… po mpò miec a vester de doi a se studie ju la cherta 😉 a fe 3.000 hm iel bel a savëi cl ie mo zachei che druca cun te. dlongia nuef giri che ne cunesciovi nia, sons cuntenta de avëi fat l prim ied l sella dut sun roda y inier monc la danter 🙂

chest’ann sema l ann da mo n toch y po mo n toch 😉 y son pa for pieda via cul motto

pie via da cësa per rue a cësa

ala fin ala ora che un n ied ënghe for butà te chesc viers 🙂

ma l giro da inier via i badioc foa ben ënghe nsci lonch y ërt assé (y ala fin ala sgará ajache… ormai iel da la 8 scur de fin 😉 ). y ncuëi sons cuntenta de paussé l cul. sce la giames ne fossa nia mpue stances, pona belau da ste mpé dut l dì  😉  ma daduman ei for mo pucnà per 3 piani 2 scialires al ied. po fovla mo nia gonz susot…

de gra a chich se pensa ora chisc biei giri y me tol pea.

14
Lug
13

chi l’ha dura (la capoccia), la vince

jaufen 13.07.2013y finalmente l ei fat ca chesc pass che me jia ntëur al ce bel da 2 ani. 🙂 🙂 🙂

ustineda coch son fòl zech che uloi chesc instà umbedingt fe. sce ven pea zachei – y scenó eben sëula.

bel temp, temperatures ideal y me sentì n forma assé. la prima ucajion messoi sfruté.

ntan dut l tragitto nia per sbaglio zachei da pudëi také it :-/ anzi de bulsan su a meran monc un che se à tacà do (y sce ne oi nia mpue prescia, po’ me paiol monc n café – ce dalaibon). y per la fe sponnend nchin ala fin, mo n dre vent de contra danter sterzing y tluses.

l pass di per sé (canche te ruves itinsom psaier liejes mo 20 km !!!) me à pa niancano sapú tan zach coch minoi. ma po’ da tluses it me ala sapuda scialdi longia. me à salvà l gelato a’rtijëi per l ultimo druch nchin a cësa.

nsci sëula iela ben dura – deguni da pudëi taché it o che te fej mpue motiviern, ora che vasco o ligabue 😉 – y perchel mo plu fiera de avëi tenì dur nchin itinsom 🙂

ala fin dij l km-zehler 210 km cun ca. 3.000 m de deslivel y 9 h sun roda. kel rati ie ben assé 😉




agosto: 2020
L M M G V S D
 12
3456789
10111213141516
17181920212223
24252627282930
31  

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie