Posts Tagged ‘lia da mont



15
Lug
10

la sextner dolomiten ne ie nia me la 3 zinnen

ajache on da mené la jita cula lia da mont ala fin de agost y l ie na jit bela, ma mpue mpeniativa y manuel ne se recrudova nia plu avisa coche la fova, sons ncuei stac a ti cialé.

la jita fejen de norma te 2 dis: l prim dì dal rifugio lunarelli su per la ferata roghel y pona ju per la cengia gabriela nchina al rifugio carducci, ulache n passa la nuet per pona muever l dì do de viers dla strada degli alpini pona su sul passo della sentinella y inò de reviers al rifugio lunelli.

chesc dut amesa y crepes ite cun n panorama da marueia (la fotos ne ie nia tan garatedes, che cul ciaut ne fova l aria na dre tlera) y troies scialdì manco trafichei de chei nteur ala 3 zinnen.

neus on fat la tour te n dì, savan che nes aspieta na dreta ciavateda 😉 y mplu mo 4 h de auto…

perchel jivela de levé abeneura  per pie via da la 5 (!!!) y pudei muever a pé da la 7.

l temp fova segur. n ciel brum, niancano na nibla feter dút l dì. a pie su l prim toch da la 7 bel (nia me per me, ma enghe per manuel y philipp) massa ciaut.

do ca. 1 h ruvons al einstieg. la ferata roghel ne ie nia ria, ma la se damanda mpó mpue de forza ti braces y da se nfidé, ajache l ie toc ulache n muessa se n lascé sui braces y se tré su per la corda. la ferata ie do la rata curta. plu lonch ie daldó la “streda” per ruvé al rifugio, for su y ju y dut ntëur. for inò cordes ulache n possa (o muessa) se tenì.

do 5 h y acuntan me mo 2 persones (!!!) ruvons pra l rifugio carducci cun na dreta fam y mo plu seit.

damandon a l ost coche ie la condizions per l passo della sentinella, che ie scialdi a dumbria y for da nëif. el nes dij che zenza picozza y ramponi ne iel nia da pensé de la fe.  chesc ulessa per neus dì messei ji ju de viers dl fischleintal y pona dal kreuzbergpass inò de viers de pàdola. chel fossa mo minimo 1 h deplù de chel che neus minon de avëi 😦

on la fertuna che ala fin dla strada degli alpini (che ne fova degun problem), ancuntons 3 tudesc che ven dal passo della sentinella ca. ei se dij che la va pa ben a passé via sce n met mupe averda. caveda! ala fin se fajons dut l “troi” danter crep y neif, ma se la cavon al miec. y almanco se sferdons mpue ju 😉

doju ie dut da neif y son cuntenc che la condizions ie de teles da pudei sbriscé ju. inò davanià n valgun menuc.

zeruch “tl vert” messans vester tan che ruvei, ma l troi semea ne ulei nia plu finé. a mi giames ti vala bona, enghe sce ai snodli ti peisa mpò mpue l ji juver. i piesc bruja y ne veighe l ëura de ruvé pra ruf per pudei i meter it a “sferdé”. philipp semea ne ulei nia plu se fermé, ma manuel y ie ne se lascion nia to chesta ucajon.

do 10,5 h de ji a pé ruvons pona inò pra auto.

tlamon mo pra hitia y se gudon l pier bel freit dessegur meritá 🙂

de reveirs furnons per auronzo, passan per cortina, falzarego y.n.i. bon che ne me fej nia ria l auto 😉

na bela tour! bel panorama, biei crepes, puecia jënt y gheneda y chiet. enghe sce coche manuel ova dit, mpò mpue na ciavateda a la fé te 1 n dì. durmì dormi ncuëi dessegur sech y saurì 😉

ps: per chiche ti essa giatá la gola, la jita unirà metuda a jì cula lia da mont ai 21 y 22 de agost.

Annunci
01
Mag
10

3 dis cula peves tl bernina

dai 23 ai 25 de auril

sce l foto ve fej gola, pudeis liejer l articul tló.

13
Apr
10

sesvenna

ntan che n valguna furfejidles fova chesc fin dl ena a fe si prima (vëira) skitour sul magerstein (y muessi mo me fe cunté coche la ie jita), sons ie finalmenter rueda sul sesvenna. coche à butà la jita cula lia da mont y tan bel che l ie stat possen liejer tló.

ntan che ngrum à bel rumà via i schi y pensa bel al ansciuda, giati ië sen mo na dreta gola a fe n valguna bela tourn cula peves. la condizions ië sen tan bones coche les ne fova mo mei chesc inviern y ië spere che la bute mo cun vel una o l autra piza chesc mens…

05
Mag
09

cun (mi sor y) la lia da mont 3 dis tl wallis

kate y ie sul alphubel 25.04.09

… l articul ie da liejer tl blog dla lia da mont…

18
Apr
09

cun la lia da mont sula weißkugel

mpue tert, ma miec che mei, pudeis liejer de chesta ntraunida sun l blog dla lia da mont

21
Set
08

berg heil!

im herbst kreag i olm bsunders luscht zu klettern, überhaupt pa so an wetter wie huier im september.
also hon i an tog gonz spontan in helmut ungleitet und gfrog ob er net in die negschtn tog amol zeit hat mit wieder amol af an gipfl zu führn. und des hot a glei amol gekloppt. 2 tog drau (11.09.08) wor im zu mittog afn gipf der groaßn fermeda. longkofl, vaiolet und santner hommer in die leschtn johr schun zusommen bezwungen. also hot der helmut vorgschlogn er bring mi desmol af irgend an gipfl pa MIR drhoam.
der tog wor wia im summer, so worm. leit worn koane ummer, und so hommer die fermeda gonz für ins ghob.

gestern wor i donn no amol mit der lia da mont af die geisler.
desmol hon i mitn dieter und meiner schwester die dibona kante afn sass de mesdì gmocht. schiane tour. für mi genau richtig.
der tog wor genauso schian, a wenn ziemlich frischer. ober umso schianer wor die aussicht de men gestern vun do obn ghob hot.
die luscht zum klettern steig wieder und i hon mer fescht vorgnummen:
1. an kletterkus zu bsuachn
2. regelmäßig in die kletterhalle zu gian
3. meine orm- u rückensmuskulatur deitlich zu stärkn

drnoch seimer no olle (im gonzen wormer 17 leit de af vershiedene gipfl aui sein) pa der troier hütte zuagekhert, wo die sybille a essn bstellt hot, und hobn in super tog ausklingn lossn.

… so long doss es schun dunkl wor bol mer oigstartet sein…

26
Giu
08

La Lia da Mont Gherdëina va online

sen ie ënghe la lia da mont gherdëina da abiné te internet!

sun chesta plata iel da abiné de uni sort de nformazions sun la lia da mont: mpue de storia, l cunsëi, l program atuel, l ativiteies y relazions sun jites y manifestazions desvalives.

l blog dessa vester dantaldut na plataforma per duc chei che va gën da mont su. liejede baiter…




luglio: 2019
L M M G V S D
« Giu    
1234567
891011121314
15161718192021
22232425262728
293031  

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie

Annunci