Posts Tagged ‘maester de schi



21
Nov
12

sen iela definitiv fineda

… chesta never-ending-story.

y do che me ie stat nsenià a furné bel, a fe certa roba che mei me essi pensá che veni mo a fe, y a nsenië do n cer sistem, sons sen eurotestata ënghe  mo leprò 🙂 🙂 🙂

de gra a mi trainer, a mi skiman, a chich à mprestà ca l material, a chich me à convinto a scumencé duta chesta hetz … y a mi ce dur 😉

ps: y sen me ncunforti a pudëi to ca i schi da tm uni ied che n ei ueia 🙂

18
Giu
12

ngali finla propi via

… csta traina 😉

scumencià à dut de dezember dl 2009 canche n tel direteur me ova dit che dessi pu ji a fé l curs da maester.

ngum de ani me ovl muià che ne l oi mei fat y adurvoi propi zachei che me dajova mo l ultima sburdlà: sen o mei plu!

ai 11 de merz dl 2010 pona l ejam per unì teuc su al curs y plu che 2 ani dó (!!!) ons po’ finalmente abinà adum duc i dis de curs y do avei platerná tres per l ennesimo ied l sci italiano y l kinderlehrplan mo l ejam finale ai 18 de juni 2012.

chesc ultimo ann semiova propi ne finé plu y che ne fassan boni de ruvé sun chisc 90 dis, ma ngali finla mpò via… 🙂 🙂 🙂

16
Apr
12

done!!!! :-) :-) :-)

… y lasciá ju n bel peis! do enes de skiskiski y hüftnkickhüftnkickhüftknick iela sen (tan che) fata!

la ie stata longia y impegnativa, ma l se à  paià.

y la à butá che on bel finà n sada do marenda via, pona ei oltre che fe mpue de festa al k1 mo pudù tlamé dala festa per i 75 ani dla scola.

y inier me goder dut n dí de TM!!! 🙂 cun 10 cm de nëif frescia y deguni sun pista (a parte mo vel tifosi de TM) y n valguni che fova de ueia de fe mpue de festa de fin de sajon 😉

ajache coche uni ann iel pona canche la fina via for inò (o mò) bel assé y sciot che la fina via…

25
Mar
12

provare per credere

mei me essi pensà che chesc inviern fossi mo furneda ju per la val mesdì.

l curs de 3 dis da freeride ne ai nia pudù (o ulù) spusté nzaul ulache l fossa stat plu nëif y dessegur mieura condizions. ma mpò se ala plu butà che pensoi.
tan burt y da nibl che on abú n lunesc, tan bel ons pona abú i autri 2 dis 🙂

y mei me essi nfidá a pensé de abiné tel condizions saisom la marmolada (ai 20.03.2012):

chesc me ova bel salvá l ena!  🙂 🙂 🙂

l dí do pona convinti de ji a fe la val mesdì. do se avei “sciaudá it” mpue via arabba y belvedere (sce n va a crí pona possen abiné mpue de polver belau dlonch ora 😉 ), su cun la pordoi y pona via a pe. bel ilò cialovela ora miec che ne pensovi y me ncunfertovi bel sun inò n valguna raides tl polver. y nscila iela ënghe stata. nia da cunfrunté cun autri ani, ma nchina mez niancano tan mal, daldó mpue da meter a verda de nia fe massa druch sui sasc, ma tres ju da pudei lascé sëura i schi.

tan basses che l aspettatives fova, tan butà se ala mpò mo y tan plu bel iel po’ stat.
y mi schi ne cialova ënghe nia ora scialdi piec de coche i porta de reviers i senieures canche i furnea (me) sun pista 😉

la medema aspettatives ovi di 3 dis de freestyle cul kronplatz. sauc y tel roba ne ie mei stat zech ulache me sentivi tan a mio agio.  ma chi essa pa dit ciche vedi mo a fe cun 31+ 😉 na hetz a furné fakie, n saut 180 y n slide 360 sun na box … giaté inò mpue de gfühl de vester per puec secunc per aria (ie che sauti/sautovi for ngert) …

n ena che ie stata scialdi mieura de chela che la se perspettova 🙂

y ne si nia sce l ie la filosofia dl telemark, o avei fat do giut n iede n ena mpue easy dut nteur, ma – almanco tl ce – ei superato la stanchezza.

19
Gen
12

w telemark

bel da mpez me ncunfertovi sun chesc dì: inò avëi la poscibeltà de se fe nsenië mpue de telemark.

(ntan l curs da maester de schi a ladurns, do 10 dis de pali, oro y metodica).

muesse ben dí che gran che ne me recurdovi nia plu da l ultimo iëde, ma pona pernan che ei fat la prima 2-3 raides, fovel ben inò tló l gfühl, de coche l tuchessa da vester.

tan bel da cialé prò y semea che dut vede tan saurì. ma sce sen per 10 dis ons trainiert la dynamische zentralität y l dre hüftknick y l compensare cul busto, pona fovel ncuëi da fe avisa l cuntrèr: ora cul anca, bel ji pea cun l busto y sté relativamente cul busto ndre su, l schwerpunkt sula coda dl pe, y l peis for sun tramedoi i schi, ma plu sul interno.

adide thomas: keep cool & biei sciolti. messeis furné mpue ala fonzie 😉 (y tlo savova pa me sascha y ie de ciche l rujnova – i autri… massa jëuni 😉 )

ps: mi stleta raida va tl telemark logisc miec: ilò me feji saurí a ji ora de anca… 😉

belbelbel. son propi tl lëur de me pensé sce me anjinië dut l crempl da telemark, pona ngali ti giatessen pa ben it l struf…

03
Dic
11

ie y snowboard ?!?!?!?

chiche me cunesc mpue miec, sa che julia y snowboard ie doi paroles che stona adum.

ma… mai dire mai.

ntan l curs da maester de schi iel udú dant tra l’auter che n fej ënghe 2 dis de snowboard y n juebia y venerdí fovela tan inant. ciche stunova for mo fova l outfit. brea y jacke truuuuue massa strenta 😉

la speranza de abiné n bel polver y nëif mujela fova ben bel svanida da mpez… la va de fé l miec dla situazion. (mpede via i badioc, fova l curs sul kronplotz, ulache n ie stai boni de anjinie ca n 3 pistes)

muesse de pró che l ne me à pa niancano sapú tan burt coche alternativa, bel a mparé inò zech de nuef. y sce ala fin iesen boni de fe raides, monc mpue sula kante (o de massa – mi maester dijova pa for che dessi furné plu plan y sbriscé mpue de plu 😉 ) pona an do 2 dis ben arjont l travert.

ma, no worry, da ncuei passi pa ben inò a mi “2 breies” 😉

ajache l prim che essa da obiettare zech sce ncuei tulessi inò ca l snowboard fossa dessegur l osso sacro 😉

01
Mag
11

assé?!

basta!
chest’ann ie mi saison da inviern ben stata longia assé: la à scumencià ai 16 de utober y n venerdì 30 de auril ei rumà via definitivamenter i schi per chesta sajon. belau mpue assé per chest’ann.

ënghe ajache l merz y l auril ie stat bel bendebo ciaut, che me sa che l ie bel da mpez finá l inviern y n à plu ueia de fe zech de auter.

per ji cula peves ne fova la condizions enghe nia plu dla mieures y perchel les ei enghe me plu teutes ca puech, tan puech coche mei de auril…

do 3 enes de curs da maester de schi ons mo abú na pitla teilprüfung. la ne à nia butá coche sperove, ma ormai iela jita nsci y la va de cialé inant!

che ai 1 de mei ei bel fat 300 km cula roda ie enghe nuef. a vester che ne fove scialdi nia tlo…  ei na dreta legreza cun mi nueva roda da gara y son pa mè sgurseda a jí ti pedai. inier sons furneda cun kate ju a arco da sylvia. ajache daduman dovel 2 gradi tlo da neus sons permò piedes via da bulsan ju. enghe bel longia assé.

cul arpizé iela scialdi stleta. ne ei mo mei ciafià a jì dedora nzaul y enghe te palestra sons jita tan che mei. co sarà pa mi forma??? 😦




febbraio: 2020
L M M G V S D
« Giu    
 12
3456789
10111213141516
17181920212223
242526272829  

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie