Posts Tagged ‘marisol

29
Gen
17

crazy girls are back

l ultimo fin del ena ne ola nia dre butà, feter curta ie stata la vijita de marisol & co. te gherdëina. ma chest’iede al me plu durà 6 dis y nia 6 enes ala proscima ucajion.

bon che l temp foa for mo medemo bel, la luna monc miëura y la ueia de to ca i schi grandiscimiscimiscima.

y do che on fat la 5 coch pista di riscaldamento 😉 jiva dut inò saurì…

giro_marisol

… ncuëi rati ons sbaglià zech … 😉

tra labirinto, schi, pasta al pesto, snowpark, asterix & obelix, rippelen, minion y nutella passa n tel fin dl ena for massa debota.

ma na bela tour cun sylvia via buffaure se ie mpò mo jita ora 🙂 chel foa ënghe gran ëura! sottosotto ti ola bel l ultim’ena la gola, ma le ie massa altruista. bon che chest’ena sons stat convincente assé. son segura che ëila se l à mo plu goduda.

per l igloo sun pra messon mo aspité n 10 nevicates, ma chissà che nchin ala fin dl inviern ruons monc a fe chel.

tan saurí che n dorm tl nuef liet de doves y sce l bancone ne ie nia massa aut per i nanetti sa da ve dì marisol 😉

a la proscima! 🙂 🙂 🙂

11
Ago
16

la notte delle stelle cadenti

dei pro che l idea me ie stata spifferata da zachei… ma son cuntenta de avëi fat na gran legreza a marisol. 🙂 la me à rengrazià che ei for tel idees tan originali y che ne fajon nia for la solita robes.

ncuëi da sëira se ons pucnà it bel dassen, cheutra, tee fiers y frontalino y canch l ie unì scur sons piedes su de viers de juac.

y feter urteda l ons! 🙂 degun vent, bela gheneda y n beliscimo ciel da steiles y zenza nibles.

ne on udù feter ngrum de steiles che tumoa, tantes che marisol ne savoa belau nia plu cie se mbincé. y perchel – tipico per ëila – ala dit che po’ se ala ënghe mbincià zech per i autri.

me mbinci perchel che zachei à scutà su nosc dejideresc …

notte delle stelle cadenti

28
Feb
16

finalmente l igloo

abbiamo proprio fatto un bel lavoro!

igloo done

07
Ago
15

avventura capitolo 2

parco avventura capitolo 2

14
Ago
14

dut l bon marisol!

y for baiter nscì dalaibon y da druch 🙂 🙂 🙂

marisol 7

09
Ago
14

nosc suredl

canch marisol ven su po’ iel for action y zech los. y ënghe cun bur temp ne iel mei dastufé.

2 enes iela tlo y cun dut chel che tra ëila y ie se on teu dant de fe adum, ne se pa sce les basta … 😉

ma l ie bel, ajache marisol à for uëia de fe y dut la fej begeistern.

marisol turistay l plu bel ie mo tan recunescenta cla te ie. ënghe per tel pitla robes. chel ne abinen nia suvenz da pitli mutons y chesta ie na bela virtú cla à for abù. avisa coch chela de spartì for dut cun duc y chel a vester cla ie muta unica ie ënghe plutosc rèr. me recordi mo cl iede cla oa n kinder y messova l spartì, ma fan de 6 y l kinder à me 5 toc, po ne savola nia co fe a fe dret… ce dalaibon.

proscim’ena vala al pavël y la se ncunforta bel tan a vester tra mutons. cla ie muta unica y ne à nia dre mutons che sta daujin y cun chei cla possa fe damant uni dì, rati ti peisa ben mpuech. ma perchel ala mefun mparà a se tripé ënghe scialdi da sëula. sce ie ne essi nia abù sylvia y kate da fe damat y da zanché mpue po’ me essa pa ënghe sapù feter dastufé. mo sen datrai.

chest’ena ons tra lava y nëine, kate y ie mpue cialà de ti render uni dì mpue particolare: i dinosauri a neumarkt, fe su legna, grigliata sa ciadinat, ji de piscina ….

sun na proposta de zachei 😉 sons neus doves ncuei states via lagazuoi. per una che va gen samont y per n dì ulache n ne savova nia avisa cich fej l temp fova le galerie dla viera na bona idea. marisol foa dut begeistert y nteressirta ciche ie ce y ciuldì y po ala à minà che TE n crëp ne fovela mo mei stata. a mesa la galeria se ala fermà y à ulù me druché y me rengrazië che l ei purteda te chesc bel post. ce bel a ti fe tan na legreza 🙂 🙂 🙂

l ie bel che la ne se lamenta nia, nianca canch la ie stancia y che la à la pascion di fulminino de ji da mont su y de dut l bel che neus on tlo. per fertuna ne iel nia una che stajessa l plu gen dut l dì dan tv su.

dla fulminino family ala ben ënghe trat do l vester sciacona y for avëi trifes dl ce. ma l ie tan darì y datrai se cumportla danz bel tan da granda (a parte che da popa ne iela eila – per fertuna 😉 – mei dre stata)

y ajache l ie vëira che sorrisi taca sorrisi …

pronti per l'avventura

pronti per l’avventura

07
Lug
14

garda week-end

ajache oi debujen de me prué mpue a llm y me  n ji n valgun dis, ie l week-end dl gardea ruà propi tl dre mument.

de auril ei venciù l opera tl arena de verona y ove cris ora i 3 de lugio per ji a cialé adum a karin l aida de verdi. ne son nia gran tifosa de opere, ma n opera tl arena ulovi for bel n ied ji a cialé. chesc premio ie propri capitá adret 🙂 de gra a mami che á judà ora cul guant, che ne savan nia tle poltronissime gold tan da catif che n muessa vester.

on urtá na beliscima sëira y tla 5. fila iesen danz a mesa l opera it. l atmosfera y l emozions canche sul palco cianta passa 200 persones ie danz l mascimo y nia da cunfrunté.  oltre ai pec cunesciui, me à sapú nteressant coche univa allestito l palco y dut l nteur via. per mi gusti ala me durà mpue scialdi giut, ma me ei ënghe cris ora la plu longia 😉

aida

dan l opera se ons mo teut la dlaurela per n bon aperitivo, o 2 o 3, sun plaza y na bela ciaculeda, che foa bel dagiut fällig. belau nia teu la dlaurela de se maië mo zech dant 😉

l venerdí sons pona levedes cun calma y do gusté mo jites a fe n giro a verona, dan che ei lascià karin al zug y ie son furneda su da marisol, sylvia y diego per l fin dl ena.

l venerdì domesdi ie l medemo temp dastufé coch te gherdëina y n aprofiti per ji a fe shopping a arco. fe n giro de butëighes caju zënza cumpré 2 o 3 robes ie belau nia poscibl 🙂 auter che milan o new york, arco ie MI shopping mall 😉

l tremalzo foa zech che oi bel 2 ani sun mi to do list. nchina sen ne ola mo nia butà, ma uloi n aprofité dl temp ideal y de mi uëia de fe chesc giro cula mtb, sce la muessa vester ënghe sëula.  ala fin sons stata bona de convincere marco a unì pea, almanco n toch.

trmz_01

per rue sul tremalzo dal plu poscibiliteies. la tour dl sito outdoor activity di tudesc me fajoa feter gola, ënghe sce duc dijoa che chel ie n giro unmeglich. ma ala fin savëis ben mi ce dur 😉 pion via da la 8 y pruons mpò mo a ji me n toch su per la ponale, po’ via a pregasina y da ilò al passo rocchetta, malga palaer, passo nota y po’ via y su per la famosa streda di alpini – che la majra pert fej juvier – nchin sul tremalzo per rué daldò ju de vel viers al lech de ledro y da ilò ju per la ponale inò a riva.

trmz_20marco foa mo manco traininert cl ne minoa y bel do 1 h crampi a non finire. per 2,5 h de pedalates ne ons adurvá 4,5h !!! on ben messé sburdlé mpue de toch, ma manco de chel che duc fajoa ora. o sarà ben che foi feter fit n chel di… al passo nota à marco messé definitivamenter zeder, ënghe ajach nscila ne fassans mei ruei sul pass.

trmz_27bis el ie tlamà ilò a marenda y ie ei pudù me fe i ultimi 600 hm seula y bel ntant l eures de marenda!!! ma l ne foa nia tan ciaut coch me temovi. sainsom ei monc pudu me tre seura la jacke per furné ju al rigufio garda. y ënghe nia tan de gegenverkehr. me temovi che n ancuntessi ngrum de downhiller juvier. ma ala fin me ei monc godú chela salita, cul suflament, na culeta (euca ce botta sul cxxx) y dut chel che toca leprò. finalmente da la 2 mai ënghe ie da marenda y n bel gran pier, a chel che ti oi bel mpez la gola 😛 . ala fin oi fat l prim toch eher plan y for inò paussá (kate fossa fiera de mi puls!) perchel me à l toch che ei fat seula niancano sapú tan zach. a parte la suedes japé foi mo feter … frescia 😉

do marenda mei ei pona agregato a n gruppo da modena y de vel troi sons ruei ju al lech de ledro, ulach marco aspitoa bel ert. d’obbligo l tuffo tl lech sun chel che me ncunfertoi bel giut. ajache l foa mo tan bel y dut auter che rischio de temporai, ons mo fat l giro de dut l lech y po ju per la ponale, ulache son mo tlamei per l pier da veis. se goder mo l ultimo suredl y la bela sëira. nchina a riva pona iel for mo n toch, ma se tulon mo la dlaurela per n gelato y da mesa la 8 pona rui inò a arco.

trmz_07  trmz_29  trmz_48

ala fin a marco intitolato l giro de 62 km, 2.200 hm y 5.5 h nsci blòt:

tremalzo für julia – 3 malz bier für marco.

trmz_55

da sëira fajons grillen per l b-day de diego y a di l’aurità me n fossi gen jita tl liet cun marisol, ma ne uloi mpò nia fe gonz la guastafeste.

la dumënia pona relax. levé tert, gusté cun calma  y po se tulons marisol y ie la roda (eu ce mel al cul!) y se n jon ju al lech. bon cl ie feter da vent scenó ne fossl nia da tenì ora. ma nscila se ntendons nianca cl ie bel tert canch se n pion inò su y ie po de viers de gherdëina.

de sla ciaculé mpue o fe zech adum a sylvia ne ons nia abù gran dlaurela, ma savoi che de saison iela caju nscila. ma mpò son cuntenta de vester jita ju ai crì, che oltra a fe l giro cula roda, me al ënghe judà mpue a me oblenken, dantrit y dantrora.

da sëira pona sons cuntenta de durmí inò al fresch y te mi liet, zënza zachei che schelza 😉