Posts Tagged ‘marisol



07
Lug
14

garda week-end

ajache oi debujen de me prué mpue a llm y me  n ji n valgun dis, ie l week-end dl gardea ruà propi tl dre mument.

de auril ei venciù l opera tl arena de verona y ove cris ora i 3 de lugio per ji a cialé adum a karin l aida de verdi. ne son nia gran tifosa de opere, ma n opera tl arena ulovi for bel n ied ji a cialé. chesc premio ie propri capitá adret 🙂 de gra a mami che á judà ora cul guant, che ne savan nia tle poltronissime gold tan da catif che n muessa vester.

on urtá na beliscima sëira y tla 5. fila iesen danz a mesa l opera it. l atmosfera y l emozions canche sul palco cianta passa 200 persones ie danz l mascimo y nia da cunfrunté.  oltre ai pec cunesciui, me à sapú nteressant coche univa allestito l palco y dut l nteur via. per mi gusti ala me durà mpue scialdi giut, ma me ei ënghe cris ora la plu longia 😉

aida

dan l opera se ons mo teut la dlaurela per n bon aperitivo, o 2 o 3, sun plaza y na bela ciaculeda, che foa bel dagiut fällig. belau nia teu la dlaurela de se maië mo zech dant 😉

l venerdí sons pona levedes cun calma y do gusté mo jites a fe n giro a verona, dan che ei lascià karin al zug y ie son furneda su da marisol, sylvia y diego per l fin dl ena.

l venerdì domesdi ie l medemo temp dastufé coch te gherdëina y n aprofiti per ji a fe shopping a arco. fe n giro de butëighes caju zënza cumpré 2 o 3 robes ie belau nia poscibl 🙂 auter che milan o new york, arco ie MI shopping mall 😉

l tremalzo foa zech che oi bel 2 ani sun mi to do list. nchina sen ne ola mo nia butà, ma uloi n aprofité dl temp ideal y de mi uëia de fe chesc giro cula mtb, sce la muessa vester ënghe sëula.  ala fin sons stata bona de convincere marco a unì pea, almanco n toch.

trmz_01

per rue sul tremalzo dal plu poscibiliteies. la tour dl sito outdoor activity di tudesc me fajoa feter gola, ënghe sce duc dijoa che chel ie n giro unmeglich. ma ala fin savëis ben mi ce dur 😉 pion via da la 8 y pruons mpò mo a ji me n toch su per la ponale, po’ via a pregasina y da ilò al passo rocchetta, malga palaer, passo nota y po’ via y su per la famosa streda di alpini – che la majra pert fej juvier – nchin sul tremalzo per rué daldò ju de vel viers al lech de ledro y da ilò ju per la ponale inò a riva.

trmz_20marco foa mo manco traininert cl ne minoa y bel do 1 h crampi a non finire. per 2,5 h de pedalates ne ons adurvá 4,5h !!! on ben messé sburdlé mpue de toch, ma manco de chel che duc fajoa ora. o sarà ben che foi feter fit n chel di… al passo nota à marco messé definitivamenter zeder, ënghe ajach nscila ne fassans mei ruei sul pass.

trmz_27bis el ie tlamà ilò a marenda y ie ei pudù me fe i ultimi 600 hm seula y bel ntant l eures de marenda!!! ma l ne foa nia tan ciaut coch me temovi. sainsom ei monc pudu me tre seura la jacke per furné ju al rigufio garda. y ënghe nia tan de gegenverkehr. me temovi che n ancuntessi ngrum de downhiller juvier. ma ala fin me ei monc godú chela salita, cul suflament, na culeta (euca ce botta sul cxxx) y dut chel che toca leprò. finalmente da la 2 mai ënghe ie da marenda y n bel gran pier, a chel che ti oi bel mpez la gola 😛 . ala fin oi fat l prim toch eher plan y for inò paussá (kate fossa fiera de mi puls!) perchel me à l toch che ei fat seula niancano sapú tan zach. a parte la suedes japé foi mo feter … frescia 😉

do marenda mei ei pona agregato a n gruppo da modena y de vel troi sons ruei ju al lech de ledro, ulach marco aspitoa bel ert. d’obbligo l tuffo tl lech sun chel che me ncunfertoi bel giut. ajache l foa mo tan bel y dut auter che rischio de temporai, ons mo fat l giro de dut l lech y po ju per la ponale, ulache son mo tlamei per l pier da veis. se goder mo l ultimo suredl y la bela sëira. nchina a riva pona iel for mo n toch, ma se tulon mo la dlaurela per n gelato y da mesa la 8 pona rui inò a arco.

trmz_07  trmz_29  trmz_48

ala fin a marco intitolato l giro de 62 km, 2.200 hm y 5.5 h nsci blòt:

tremalzo für julia – 3 malz bier für marco.

trmz_55

da sëira fajons grillen per l b-day de diego y a di l’aurità me n fossi gen jita tl liet cun marisol, ma ne uloi mpò nia fe gonz la guastafeste.

la dumënia pona relax. levé tert, gusté cun calma  y po se tulons marisol y ie la roda (eu ce mel al cul!) y se n jon ju al lech. bon cl ie feter da vent scenó ne fossl nia da tenì ora. ma nscila se ntendons nianca cl ie bel tert canch se n pion inò su y ie po de viers de gherdëina.

de sla ciaculé mpue o fe zech adum a sylvia ne ons nia abù gran dlaurela, ma savoi che de saison iela caju nscila. ma mpò son cuntenta de vester jita ju ai crì, che oltra a fe l giro cula roda, me al ënghe judà mpue a me oblenken, dantrit y dantrora.

da sëira pona sons cuntenta de durmí inò al fresch y te mi liet, zënza zachei che schelza 😉

28
Mag
14

climbing passion

marisol climbing passion

09
Feb
14

pitla gran legrezes

finalmente si parte col sole!!! 🙂

no che marisol ie pa gran zitia, anzi. canch la ie te gherdëina pona iel logisc che l ven jit cui schi. unfat tan da nibl, tan de nëif o tan da coi cl ie. feter dominant l DNA de fulminino 😉

nëif ntiera y fe sauc nchin che tumon nteur: na hetz ons for. ma pie via cul suredl iel mpò mo mpue plu bel 🙂

y pona iel rie che se fermon. no marisol no ie se ntendon cl ie bel tert, che magari ons fam, che on fat te n damesdì chel che ngrum de mutons te chela età fej povester te n dì ntier.

me sa tan bel a udëi cla à na tel legreza. bel a udëi si uedli che lusc coch tel pitla steiles. bel canch la rua a cësa y ne veigh nia l ëura de cunté dut chel che on fat y udú.

y mo plu bel canch ala fin dl dì giati na grandiscima drucheda y n senzier DANKEDANKE. al plu tert te chel mument sei che ei fat dret a rinunzië al lusso de ngrum de raides a neif frescia…

17
Ago
13

bon cl da mi pitl suredl …

marisol samont

14
Ago
13

dut l bon marisol

marisol 6 ani

16
Lug
13

ke avventura!

chesc foa zech che ti oi bel mpermetú da mpez a marisol: n ied che la ie tlo plu giut y che on dlaurela, jons a se fe n pitl giro tl parco avventura di catores ora val d’anna.

parco avventura

dut nerves aspitola bel che jissi a la tò y nchina che ne on nia fat i prim vares ne fola da fermé.

mpue plu calma iela pona ben deventeda canche la à udú che l ie mpò plu aut y plu che scassa y se muef (che ie ne minoi). sen vala de se konzentriern.

dut che scassalogisch, che cun 6 ani iela pa ben pra la plu pitles che fej zech vel da de tel y che la ie mpue na fifona chel savons ben 😉 a dut muessen permò mpue se usé. dantaldut a l auteza y che uni tant canch n met ju l pé pona ne sta l fonz nia chiet. bon che giul ie nia gran dalonc da dé la man. y che uni tant iel tel pitla sorpreses y stories che tòl mpue la tensione.

propi blòt iel fat y sce chesc ie l percorso bambini, pona possi ben me nmaginé che l percorso per i granc – l fosch – ne ie nia zech per uni un. (danz che ti ei giatà la gola a l fe… volontari??? 😉 )

ala fin iela ben stata tapfer y do la mini-zip, ala mpò mo dit: possen pa ji mo n ied? 😉

31
Mag
12

piccole donne crescono

ps: fa molto lifestyle la signorina …




febbraio: 2020
L M M G V S D
« Giu    
 12
3456789
10111213141516
17181920212223
242526272829  

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie