Posts Tagged ‘sci tour

17
Mag
17

ala fin mo l mont blanch :-)

do enes che studi l meteo y ne sei nia tan de sms per abiné la dreta combinazion temp-condizions-meinacrëp-cumpanies iela do 3 ani finalmente stata tan inant.

ai 15 sons muec de viers de chamonix per ji l dì do sul mont blanch.

ntan che la hitia de l grand mulet fova bel da dis pleina (y chesc de lunesc!), ons neus abú la super fertuna che tla hitia cosmiques  fans n chela sëira me de 20. chel uel dì chiet ntan cëina, na camerata belau me per neus (y perchel bel chiet a durmì) y degun stress daduman a gusté, te bani y tl deposito schi.

bel a furné su cula furnadoia giaten la prima mprescions tan “gorgeous” che l mont blanch ie (chesta parola l descrisc l miec) y ciuldì che duc à tan na gaissa canch i conta coch l ie stat.

20 menuc do fans bel pra hitia a se goder l bel panorama cun duta la pizes, dent dl gigante compreso.

do na carteda da messei feter se conzentrirn y na bona cëina se gudons mo l ji doju dl suredl y se ncunferton sun duman.

la va de durmì tosc che l ie da levé abeneuera.

ntan che la majra pert fej la normale, ons neus optato per la traversata dal auguille du midi…

… passan per l mont blanch du tacul y mont maudit – manco metri de deslive ma plu mpegnativa.

piei via sons mpue plu tert che ne ulan, ajach on messé se meter d’accordo cun n autra grupa per l gusté  y ajach l aufregung po’ fe bur scherzetti…

  y ajach duc aspitoa me che ven fata la prima traccia, à markus abú l onore de pudëi spuren belau tres su y chesc do che n venerdì ol fat 40 cm de nëif frescia! (ncuei foa dessegur ngrum che sottosotto l à rengrazià)

perchel ala durà ënghe mpue plu giut de chel che ne minan, ma nscila ons abù mo mpue plu giut per se goder dut l panorama y l atmosfera cavia. i ultimi 300 metri de deslivel ne semiova ne ulei finé plu, ënghe per l ciaut (ie y l ciaut che savons ben 😉  ) ne son nia una che sent l autezza n cont de mel de cë o nia durmí, ma canch n ie sëura 4.500 m pona fejen ben bendebo plu fadia che n ulessa. y l flucion peisa tosc mpue de plu.

la va de mené zeruch de n doi gänge y de tenì n bel ritmo…

feter platei, ma stra cuntenc sons pona per marenda ruei sun piza. YUHUUUUUUUU!

degun vent, nianca na nibla y deguna jënt. la piza belau duta me per neus. na tel fertuna muessen ënghe permò avëi! 🙂

se goder l panorama y se render cont cich on arjont. y pensé bel ala proscima tour 😉
finé ora cl puech che ie mo restà tla borraccia y po inò rumé it dut te flucion per pie juvier. che la ne ie mo giut de no fineda.

n bel polver se aspitova, sciot che la giames sciblova feter, ma cun na tel neif jivla me mpo de druché adum y denz y fe ju n valguna de bela raides!

bon che ne me rendoi nia cont tan lonc che l foa mo per rué ala stazion a mez di plans de l’aiguille, scenó me essi feter ndebità.

do ne sei nia tan de iedes de tré seura y ora i schi, su y ju la peves, su j fu l flucion, sons puech do la 4 stra platei ruei ala stazion. FATA CA! 🙂 🙂 🙂

a chamonix me essi mbincià na bela doccia, ma se on acuntentà de n bon pier (da veis 😉 ) y n gelato che ti oi bel giut la gola.

y po te apieta mo 6 h de auto per rué da la 1 a cësa y ne udëi l ëura de fe la doccia y tumé tl liet. se ndurmenza mo dan ciafië de se curì ju 😉

la à durà n valgun ani y assé nierves da meter a ji dut, ma ala fin se ala tan butà, deplú che ne me essi nfidà a speré. y duta la fadies ie states compensedes dal emozions che chesc crëp possa dé.

Annunci
23
Apr
17

se insisti e resisti, raggiungi e conquisti

… ala fin ei inò mparà zech: sce te ues arjonjer zech, pona muesses nstessa l tò tla man.

22.04.20127: punta penia cun tati – tip top!

lascte sun deguni y aspietet mo demanco che i autri pensa ënghe a ti.

me sce tu toles l iniziativa po’ garatl segur 😀

23.04.2017: hoher weisszint cun mara y cristina – super!



08
Mar
17

l bel muessn se fe nstessa

ciuuuuhui!

 

first come first serve

18
Mag
15

campioni non si nasce

la foto ne ie nia gonz attuale …

ma la passnea bel pra chesc titul y dij dut chel che cun paroles fossa rie y lonch spieghé.

giul cadu

28
Mar
15

pitl angelus cula lia

chest’ann ne foi mo nia gran inspireda a fe touren cula peves, ma nscì gonz zënza me sa mpò strano…

sce toli demez la gara de dan 2 enes via l lagorai, ne oi mo fat deguna jita y la peves cunesciova chest’ann belau me pistes y tei trois daujin. ma mpue la puecia nëif y la condizions for plutosc stletes y duc i nzidenc da chest’ann me à teu mpue la ueia (y cun duc chei che ei rujná ncuëi à pa dit feter l medemo).

ajache la previsions foa bones me ei al ultimo mpò mo scrit it per ji pea cula lia y cialede ma ce dì che on urtà !!! 🙂 🙂 🙂

koenig y ortler

ce biei recorc a ti cialé via al könig…

ala fin sons ënghe stata bona de convincere sylvia à unì pea, che canch ei audì che marisol y ëila ven su me ei pensà che chesta ie LA ucajion. per me y per ëila. y ajach savoi che l ie na jita plutosc longia ne ven dessegur nia pea tei che strefla y che l pudessa vester na blota cumpania.

ne n on nia pudù fe la piza che foa stata ududa dant per via de massa puecia nëif ma l pitl angelus ie stata na bona alternativa.

sylv&giul angelus

a mi me savoa che la gara via l lagorai me à ben mpue taià la giames y che i ultimi iedesc da sëira foi dut auter che n forma. ma a ne avëi fat mei de longes chest’ann ne pudoi ënghe nia me aspité gran auter. perchel foa na jita tranquilla de 1.500 hm cula lia iust l dret a mi (y per sylvia iust l limite 😉 )

suvier buiola belau me sun piza, ma chel assé. ma la temperatura da ji feter saurida. y juvier ie la condizions states scialdi mieures che me aspitoi. per coch foa la situazion chest’ann dijessi plu che bones 🙂

y sce n ti ciela ala foto tlo daujin, pona possen ben dì che nëus fan almanca plu fit dl fotograf 😉

se on duta doves godù l dì y che n à da levé da la 4 y furné 2 h cul auto ie pa tosc desmincià via do n tel dì…

06
Mag
14

per finé via mo l könig

canch adam me fej na proposta – y el sa CAN che l dessa me cherdé su – po’ rie dì de no.

mo plu sce la condizions y l temp ie tan bones – la ueia chela ne mancia mei 😉

y nscì iela stata che inier da sëira sons (adam, pauli y ie – andrea de verona ie unì su per si cont) furnei te sulden per ti cialé mo de lineus a cla bela piza dlongia l ortler (y per pudei durmì almanco n 2 h deplu mo 😉  )

da la 5 sons piei via mo de scur, ma l ne à nia durà giut che on pudú destudé la stirnlompe.

könig here we come

ncuei jivi feter saurì y di prim 1.000 hm ne mei ei niancano ntendú. ma ala fin se tirla mpò feter n lonch y da canch n veigh la piza da daujin iel mpò mo n bel toch.

2014-05-06 08.49.30 360° mountains

i harsch se ons sparanià y cui griffs jivla zenza messei gran se concentré.  ala fin iel mpò feter de toch da fe a pe cui griffs – su per l ert canal est y caldó mo a rué sun piza su y via per la cresta. guai a se taië su la brea nueva!

l temp foa coch udù dant bel, ma nchin belau dan piza nia n fil de vënt. dinrèr abú tan ciaut a belau 4.000 m …

bergh heil!

berg heil!

rueda su cun n tel graaaaaan 🙂 savan chich me aspieta cassù O:-)

sun piza degun vent y n panorama da marueia cun 360 gradi de crëpres, che pudan se goder cun duta la calma y zenza avëi prescia de messei pie ju per l temp o l ciaut.

juvier foa l prim toch manco bel de chel che ne speran, ma daldò ons mo urtá de beliscimi toc de polver y tola ulach on pudú fe mo de bela raides 🙂

bonamenter foa pa chesta sen ben l ultima tour per chest’ann. che sen ei ënghe ueia de to’ ca plu regolarmente la roda (ntant ei ben bel fat belau 600 km mpue da sciaudé it) y po te niancano 2 mensc sumencia inò la gares de roda, cheles serie 😉 po vala ma ben de dé mpue gas…

01
Mag
14

50

bel a festejé mi 50. uscita cun la peves de chesc inviern cun na tel piza 🙂 🙂 🙂

antelao – 3.264 m




das sos kinderdorf

dicembre: 2017
L M M G V S D
« Giu    
 123
45678910
11121314151617
18192021222324
25262728293031

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie