Posts Tagged ‘sport



03
Giu
15

les raida inò

… la rodes y la giames 🙂

ce bel sun resciesa

y muessa vester che trenirn mpue cun ce, porta mpò a zech 😉

oltre che a vester stata feter fleissig, l ei capida che ne joa nia pië via y su, ma che prim de dut muessen fe raidé la giames y cheles per n valgun km. y po’ va l furné suvier ënghe dasëul.

l giro dla hero n dumënia à scialdì butà: do la danter sun roda sons rueda sun piz sorega zenza unì ju (premiere!) y – do 1 h de pause-  ei monc fat l sella ënghe mo dut sun roda 🙂 la buta à avëi mpue de sana concurrenza, pona zanen danz mo mpuë deplú… 😉 ) y ne me à mo mei sapú tan curt y nia tan zach a rué sainsom resciesa coch inier.

al mument me senti fit, coch ne me sentivi mo mei ai primes de juni (y chich ne ti scusa nia che brevi, chel dessa mefun nia liejer baiter 😉 ). n sada ei la prima proa y po’ speri de vester bona de tré baiter la forma nchina mez luglio…

… ajach chest’ann me ei teu dant de tré tres mi piani, unfati cich i autri dij y fej.

Annunci
11
Apr
15

eins kann mit keiner …

pure lust am leben

eins kann mir

 

keiner nehmen,

 

und das ist die

 

P U R E   L U S T

 

A M   L E B E N.

28
Mar
15

pitl angelus cula lia

chest’ann ne foi mo nia gran inspireda a fe touren cula peves, ma nscì gonz zënza me sa mpò strano…

sce toli demez la gara de dan 2 enes via l lagorai, ne oi mo fat deguna jita y la peves cunesciova chest’ann belau me pistes y tei trois daujin. ma mpue la puecia nëif y la condizions for plutosc stletes y duc i nzidenc da chest’ann me à teu mpue la ueia (y cun duc chei che ei rujná ncuëi à pa dit feter l medemo).

ajache la previsions foa bones me ei al ultimo mpò mo scrit it per ji pea cula lia y cialede ma ce dì che on urtà !!! 🙂 🙂 🙂

koenig y ortler

ce biei recorc a ti cialé via al könig…

ala fin sons ënghe stata bona de convincere sylvia à unì pea, che canch ei audì che marisol y ëila ven su me ei pensà che chesta ie LA ucajion. per me y per ëila. y ajach savoi che l ie na jita plutosc longia ne ven dessegur nia pea tei che strefla y che l pudessa vester na blota cumpania.

ne n on nia pudù fe la piza che foa stata ududa dant per via de massa puecia nëif ma l pitl angelus ie stata na bona alternativa.

sylv&giul angelus

a mi me savoa che la gara via l lagorai me à ben mpue taià la giames y che i ultimi iedesc da sëira foi dut auter che n forma. ma a ne avëi fat mei de longes chest’ann ne pudoi ënghe nia me aspité gran auter. perchel foa na jita tranquilla de 1.500 hm cula lia iust l dret a mi (y per sylvia iust l limite 😉 )

suvier buiola belau me sun piza, ma chel assé. ma la temperatura da ji feter saurida. y juvier ie la condizions states scialdi mieures che me aspitoi. per coch foa la situazion chest’ann dijessi plu che bones 🙂

y sce n ti ciela ala foto tlo daujin, pona possen ben dì che nëus fan almanca plu fit dl fotograf 😉

se on duta doves godù l dì y che n à da levé da la 4 y furné 2 h cul auto ie pa tosc desmincià via do n tel dì…

08
Mar
15

happy ladies ski day

3x3do 100 emails y 1.000 commenti o ënghe degun commenti 😉 fola ncuëi tan inant.

gran suzes ne à mi idea nia abú, ma cla trëi che se à teu dant de se fe na bela festa dla ëila ie states premiedes cun n super di.

beliscimo temp, bela neif, puecia jënt y duta la dlaurela dl mont per se fe na blota sellarona y n valgun pitstop.

the perfect day for a ladies ski day

oi da meter d’accordo una che canch la pea via po’ muessla sommeln km y l autra che ië useda a lascé ora sce po’ me n valguna hities 😉 ma rati che ala fin sons stata bona de fe cuntenta dutes trei.

ië me oi deciso de pie via cul tm y son cuntentiscima de mi decijion 🙂 chest’ann ne me oi mo mei tan godù l tm coch ncuëi.

danter partybeate sons states bones de calmé ju mpue y cun ME n aperitivo damesdì (cula scusa de na fetra seit y de messei adurvé su l trinkgeld, che ne possi nia purté tla banca che co dessi pa me giustificare da ulache rua chisc scioldi 😉 ), na bona pizza sula terass dla baita fodom y l pier da vëis sun piz setëur sons ben states feter valentes. 

oi audì che sun danter sona i pamstiddn kings y dato l bel dì fovl l post ideale per la finale. ënghe ajach pona daldò pudoa una furné ju de un n viers y neus dl auter, unfat ce ëura cl deventa, ruoa dutes pra auto

cun na bela stimmung, na dreta hetz y na mo plu bela sorpresa ie finà via chesc dì dl ëila 2015 🙂

01
Feb
15

finalmente … y urteda!

sylv+giul antelaone sei nia tan de ani cl ie bel ca che sylvia y ie ne son nia jites neus doves a se fe na bela tour cui schi… rati che passon via i 10 ani.

chest’ann do 2 de beliscimi dis trai via y n “pitl” leur de convinzion, se iela jita ora 🙂 🙂 🙂

y l on taaaaaan urteda.

mpue manco bel temp dl dì dant ma perchël dessegur ënghe mo manco trafichedes fova la pistes via 5 torri ncuëi.

ce bel a fe le turiste!

pie via bel daduman, tlamé a to l café via i badioc, pona baiter nchina via 5 torri, duta la pistes poscibles y deguna jënt.

da la 12 a maië bon dala baita antelao y se goder n gòt de bon vin 🙂

daduman foa l temp mo mpue nascundú do la nibles, ma domarenda ie unì ora n beliscimo temp y cialede ma ce panorama!!! 🙂

sylvia giaun udoa che sylvia se gudoa l dì. ie foi cuntenta per me de avëi finalmente mpue de cumpania. y cuntenta per sylvia che l se à paià a pieno a unì su. 🙂

domarenda ons mo fat l lagazuoi danju y pona se n sons piede de reviers de gherdëina. ruedes it tla sellaronda se ntenden permò tan bel cl ië a n vester ora 😉

ma ajach l foa tan bel sons mo sgursedes it tl edelweißtol y pona ngalin ben inò de reveiers te sëlva.

ne sei nia chich de nëus doves oa dasëira la giames plu platedes y l majer sorriso 🙂

y chissà che l ne ie nia stat l ultimo ied chest’ann…

08
Dic
14

la pensi propi nscì …

meglio

20
Nov
14

mander, s’isch zeit!

… höchste zeit! 😉

marmolada 20.11.14

marmolada ai 20.11.14

y cun tel condiziony n tel temp ie la uëia de to ca i schi y pie via mo majra 🙂




agosto: 2019
L M M G V S D
« Giu    
 1234
567891011
12131415161718
19202122232425
262728293031  

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie

Annunci