Posts Tagged ‘viagé

19
Feb
17

vorfreude ist die schönste freude

lslandsci, do che oi udù na dia-show de n fotograf, savoi avisa ulach uloi julé chest’ann. nia tan dalonc, ma mpò nzaul de nuef. son for stat una che me trajoa plu l nord che l ciaut y chesc paej me fajoa bel giut gola.

davia che l’ann passá ie sautei ora 3 dis cula roda y basta, uloi chest’ann vester plu decisa. anzi iscima! 😉

lauré mpue manco y viagë: ala fin ie chestes la robes che te resta per for.

y no, ne ei damandà a deguni sce i ië de ueia de unì pea. stenti bel a abiné zachei che ven pea n dì cui schi, po nmaginete 13 dis a urlaub y chel mo mez l temp zenza ega y strom 😉

de gra a cindi che me à dat l contat. y po speri cla me buta medemo che a ëila da n valgun ani. y chissà che ne son nia bones n ied de pie via deberieda. canch son pa boni de se coordiné cun noste ferie 😉

l dura mo mpez y mo mpue de fadies dan cla ie tan inant. ma ntant possi giut me ncunferté … 🙂

28
Ott
15

cinque terre trip

5terre by night… n bel panorama per l b-day de sylvia 🙂

cun sylvia ans bel rujnà dan n valgun enes de se n ji n valgun dis ala fin dl mens, zenza avëi mo tl ce na idea ce o co. ala fin ons lascià vester la ziteies, che sen ala fin de utober ne iel nia propi tan saurì cui joi (ma aufgeschoben ist nicht aufgehoben), y son piei cul pulmino cun doit la mtb de viers dla liguria.

nia tan saurì capì ce o co che n possa fe caju cula mtb, me bon cl dà mpò mo internet y mil siti. ala fin na tel mesa idea ce o co y per dut l rest viver ala giornata.

cul post da durmì ons urtà, cul temp assans pudù urté miec, ma ne se lamenton nia, la touren cula mtb ons azzeccato, la pitla pannen di turisti fa da te ie normal, y maià ons bon.

ënghe sce ala fin ons’a mé inò messú constatare che südtirol ist nicht italien.

resultat: da fe mo! 🙂
y povester sons l proscimo ied bones de convincere kate a unì pea … povester.

28
Ott
14

reset

canch me ntendi che n ei de dut mpue assé, pona ie la miecia me n mucé n valgun dis.

dan l inviern uloi mo me n ji nzaul y fe zech complet de auter che zenza. per destó i pensieres dal unidì y da dut chel che gira nteur al ce. per avëi mpue de temp me per me nstessa y pudei me muever n ena bel coch uei, zenza gran pensieres y riguardo a deguni.

ala fin me ei sul cunsëi de sylvia deciso per n ena de surfen a fuerteventura. zenza gran me informieren ce o co ei cris ora na scola de surf, cialé per n jol y po’ click y via. son capiteda a morro jable, a sud dl ijula, te n blot apartament y cun 5 dis de surfcurs pra la scola otromodo.

cul ste ei feter urtá: n pitl apartament me per me cun na blota terass sun tet da ste canch sun spiaggia iel massa ciaut. y unfat sce da la 7 daduman te descieda la ciampanes dla dlieja dlongiavia. maië sosolala, ulach an da maië y enghe nscì ti ristoranti nia iust l mascimo. semea chi ne à nia iust la capaziteies di autri spanioi de cujiné. l post blot, ma per mi gusti massa tudesc 😉

nia dre butá ne ala cula scola. l sito mpermetoa scialdi de plu de chel che l ie stat. ala fin istruttori scazei, unì di na nueva grupa y mescedà adum uni livel. ilò ne possela nia buté 😦 i ne fajoa nia auter che se mandé tl ega, ma propi to dlaurela de gran spieghé o cialé chel se à me francois (a psé che duc dijoa che l ie l plu scazà). ei cris ora na scola meneda da tudesc, ajache psoi che cui taliani iel plui rischià che l ie na tel roba mpue sul chivalà. ma rati propi che – udan l autra scoles – ei urtà chela plu sfigheda.

sun&seama mpò ans danter neus na fetra hetz y tra un y l’auter belau a gara chich bev plu ega da sel y fej la culetes plu originali. tl ega muessen danz se sentì a proprio agio sce n uel prué chesc sport. y ënghe sce l ie scialdi da aspité ca, iesen ala fin dl dì mpo mo feter platei.

i curse scumencioa per me belau for da la 2. cuntenta, ajache domesdì fol feter ciaut a ste de ca y foi cuntenta de vester scialdi tl ega. daduman me descedoa la ciampanes, po jivi n oretta a sauté sul spiaggia, fe l prim tuffo tl ega a me desfredé ju inò, pona cun duta la calma a gusté y po aldò dl ciaut mpue fe la freda sun spiaggia o sun teras a dumbria.

domesdì pona jans a un di 3 spot che jia ben per chich scumencia y aldò dla condizions pudans ji it seui o acumpaniei tl ega. ma coch dit, propi na metodologia ne foa nia dahinter. anzi.

la pareidscenó ne pieta fuerteventura nia gran auter da fe che surfen y ste tl ega. l ie na ijula vulcanica y n dre sut y fiers, ma da cialé ne iel propi nia. te chesc viers rati iela mpo feter autramenter da teneriffa, ma per surfen diji iela ideal.

ala fin ei urtá na blota cumpania, y cui 2 esterreicher, la 2 russes y n valgun tudesc on passá de blota seires adum. damesdì me gudoi l temp per me nstessa.

la dumenia se ons martina, katharina y ie mprestá ora n auto y l attrezzatura da surfesn y son jic a prué per nosc cont. savan de pudei ste ora dut l dì ne ans nia stress y canch la marea y la ondes na foa nia la miëures, pona ans duta la dlaurela de aspitè l dre mument. ce figo di! nsci coch l plej a mi. pudei ste dut l dì sun na bela spiaggia zenza orari y pudëi surfen nchina che va doju l suredl. y ala fin – ie ne zedi nia – ei capì mpue cialan ai autri y mpue scutan su co y can y po’ ala meré butà che sce nia uni una po uni 2-3 ondes butola a fe l dre takeoff y pona surfen la onda 🙂 🙂 🙂 da savëi da surfen sons’a ben mo straaaaaa dalonc, ma chesc foa per me bel n bel resultat. y mo plu stolz sons de vester stata bona de capì da seula canch l ie l dre mument de levé su y de se muever co y can.  ala fin al fat click y l utlimo dì ei gesurft plu ondes che duc i dis de curs metui adum. zur feier des tages sons jic te n ristorante a maië pesc y po mo sun n 2 cocktail tl pub de luech.

last day best day 🙂

chest’ena a fat bon al corp y al ce. y ei arjont chel che ulovi.

happy end

ma do 8 dis de suredl, vent y ngrum de ega da sel …

me ncunforti sul fresch.

me ncunforti sui crëpes.

me ncunforti sun n bon taier de pasta.

… y mo sun ngrum de autra bela robes che ei o che me aspieta a cësa.

18
Mag
14

l urlaub fina for massa aslune

kate y ie son mucedes n ena tla sardegna a cala gonone 🙂

ma per sportklettern, roda, spiaggia y maië pesc ie 6 dis massa puec 😉

golfo de orosei

golfo de orosei

18
Nov
13

ce bel a durmí te tenda…

sunset at salar de ulury

sunset at salar de ulury (bolivia)

24
Ott
13

reisefieber

nia dre lezitenta sons stata de utober 😦

mpue freda de scri che ntant …

… ei finá l ejam da guida mtb.

… ei fat ca ënghe la salita al tirser alpl duta sun roda 🙂 – cik uel dì cank n se ncunforta sun chel che aspieta sainsom 😉 .

… ei mo fat n valgun de biei giri cula mtb n cumpania y do giut inò teut ca la roda da streda.

… ei abù na blota sëira cun cheles dl UNI che ne ovi tan giut nia plu udù.

… ei inò aspità giut assé per furné a cësa do l marcià de segra sacun 😉 .

… ne ei nia desmparà a fe pizza.

ma canch ei zenza scialdi da fe y scrì, po stei ngert mo do l leur dan pc su.

plu bel se goder certa autra roba 🙂 🙂 🙂

ntant iel tan inant che pei via per l viac, che ti ei bel 2 ani la gola. taaaan giut iel bel ca, che ei fat l ultimo bel viac, che son belau mpue … tesa 😉

ma sen me cunforti propi sun 3 enes tl america dl sud. dalonc da adler, pc, facebook y me recurdé che la va enghe zenza cellulare…

09
Mag
12

Ampeleia mit allen 5 sinnen

sehen …

hören …

riechen …

schmecken …

tasten …

 

… und träumen …

     




das sos kinderdorf

agosto: 2017
L M M G V S D
« Giu    
 123456
78910111213
14151617181920
21222324252627
28293031  

l blog

ce ie pa "fulminino" y ce/chi se nascuend pa do chesc inuëm? tohuwabohu just for jun

chesta sons ie